Viral Video : ನಿರೀಕ್ಷೆ ಇಲ್ಲದೆ ಪ್ರೀತಿಸುವುದಷ್ಟೇ ಗೊತ್ತು ಈ ಜೀವಗಳಿಗೆ
Baby and cat grow up together : ಬೆಕ್ಕುಗಳೊಂದಿಗೆ ಬೆಳೆದ ಈ ಮಗು ಎಷ್ಟೊಂದು ಹರ್ಷಚಿತ್ತದಿಂದ ಕೂಡಿದೆ ನೋಡಿ. ಬಾಲ್ಯದ ಈ ಮಧುರ ಕ್ಷಣಗಳ ಈ ತುಣುಕುಗಳೇ ಅಪ್ಪ ಅಮ್ಮ ಕೊಡುವ ದೊಡ್ಡ ಕೊಡುಗೆ.
Updated on:Aug 30, 2022 | 12:03 PM
Viral Video : ಮಕ್ಕಳು ಮತ್ತು ಸಾಕುಪ್ರಾಣಿಗಳು ಒಮ್ಮೆ ಹೊಂದಿಕೊಂಡರೆ ಮುಗಿಯಿತು. ಆ ಬಂಧ ಶಾಶ್ವತ. ಅಲ್ಲಿ ಹೊಟ್ಟೆಕಿಚ್ಚು, ಕೋಪ, ಅಸಹನೆ, ಸ್ವಾರ್ಥ, ಆಸೆ, ಅನುಮಾನ… ಹೀಗೆ ಮನುಷ್ಯ ಸಂಬಂಧದಲ್ಲಿ ಬಿರುಕು ಬಿಡುವ ಯಾವ ಗುಣಗಳೂ ಅಲ್ಲಿ ಸುಳಿದಾಡವು. ಅದೊಂದು ಪರಿಶುದ್ಧ ಪ್ರೇಮ. ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಳ್ಳಲಾದ ಮತ್ತು ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಪುಟ್ಟ ಮಗುವನ್ನು ಸುತ್ತುವರಿದ ಈ ಬೆಕ್ಕು, ಮರಿಗಳನ್ನು ನೋಡಿ. ಎಲ್ಲವೂ ಒಟ್ಟಾಗಿಯೇ ಬೆಳೆಯುತ್ತಿವೆ. ಪರ್ಲ್ಸ್ ರಾಗ್‌ಡಾಲ್ಸ್ ಎಂಬ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. 1.63 ಲಕ್ಷಕ್ಕೂ ಹೆಚ್ಚು ಫಾಲೋವರ್ಗಳನ್ನು ಈ ಪುಟ ಹೊಂದಿದೆ.
View this post on Instagram
‘ನನ್ನ ಮಗು ಬೆಕ್ಕಿನಮರಿಗಳೊಂದಿಗೆ ಬೆಳೆಯುವುದನ್ನು ನೋಡಿ’ ಎನ್ನುವುದರೊಂದಿಗೆ ಈ ವಿಡಿಯೋ ತೆರೆದುಕೊಳ್ಳುತ್ತದೆ. ಈ ಹೆಣ್ಣುಮಗುವಿಗೆ ಈ ಬಾಲ್ಯದ ನೆನಪುಗಳು ಎಂಥ ಮಧುರ ನೆನಪುಗಳಲ್ಲವೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:57 am, Tue, 30 August 22
