‘ಹೇಗೂ ಅಪ್ಪ ಮನೇಲಿಲ್ಲ, ಆಚೆ ಕಾಫೀಗೆ ಹೋಗೋಣ ಅಮ್ಮಾ?’ ಹೇಗಿದೆ ಐಡಿಯಾ!
Dog : ಸೃಜನಶೀಲವಾಗಿರುವುದು ಸದಾ ಆರೋಗ್ಯಕ್ಕೆ ಒಳ್ಳೆಯದು. ನಮ್ಮ ಖುಷಿ ನಮ್ಮ ಮೇಲೆಯೇ ಅವಲಂಬಿತವಾಗಿರಬೇಕು. ನೋಡಿ ಖುಷಿಗಾಗಿ ಈ ಅಮ್ಮ ಮಗು ಏನು ಉಪಾಯ ಹೂಡಿದ್ದಾರೆ ಅಂತ.
Updated on:Oct 04, 2022 | 1:45 PM
Viral Video : ಈಗಂತೂ ಸಾಕುಪ್ರಾಣಿಗಳನ್ನೇ ಮಕ್ಕಳಂತೆ ಪೋಷಿಸುವ ಕಾಲ. ಆ ಖುಷಿಯನ್ನು ಹಂಚಿಕೊಳ್ಳಲು ಸಾಕಷ್ಟು ಅವಕಾಶವನ್ನೊದಗಿಸುವ ಸಾಮಾಜಿಕ ಜಾಲತಾಣಗಳು. ಮನಸಿನ ಬೇಸರ ಕಳೆಯಲು ಮತ್ತು ಸೋಶಿಯಲ್ ಮೀಡಿಯಾದ ಮೂಲಕ ಐಡೆಂಟಿಟಿ ಹೊಂದಲು, ಹಣ ಗಳಿಸಲು ಅವರವರ ಆಸಕ್ತಿಗೆ ಅನುಗುಣವಾಗಿ ಇಂದು ಕಲೆಯ ರೂಪದಲ್ಲಿ ಏನನ್ನೂ ಪ್ರದರ್ಶಿಸಬಹುದಾಗಿದೆ. ಈಗ ಈ ಮುದ್ದಾದ ನಾಯಿಯ ವಿಡಿಯೋ ವೈರಲ್ ಆಗಿದೆ. ಹೇಗೂ ಅಪ್ಪ ಮನೆಯಲ್ಲಿಲ್ಲ, ಇದ್ದಿದ್ರೆ ಮನೆಯಲ್ಲೇ ಕಾಫಿ ಮಾಡು ಎನ್ನುತ್ತಿದ್ದ. ಇದೇ ಸರಿಯಾದ ಟೈಮ್. ನಡಿ ಸ್ಟಾರ್ಬಕ್ಸ್ಗೆ ಹೋಗೋಣ ಅನ್ನತ್ತೆ ಈ ನಾಯಿ. ಹೀಗೆಲ್ಲಾ ಮಾತಾಡತ್ತಾ ಅಂತ ಅಚ್ಚರಿನಾ? ಎಲ್ಲ ಅಮ್ಮನ ಕ್ರಿಯೇಟಿವಿಟಿ!
View this post on Instagram
ತಾನೂ ರೆಡಿಯಾಗಿ ಅದನ್ನೂ ರೆಡಿಯಾಗಿ ಕಾರಿನಲ್ಲಿ ಅದನ್ನು ಸ್ಟಾರ್ಬಕ್ಸ್ಗೆ ಕರೆದುಕೊಂಡು ಹೋಗುತ್ತಾಳೆ ಈ ಅಮ್ಮ. ಈಕೆಯ ಇನ್ಸ್ಟಾಗ್ರಾಂ ಪುಟವು 29,000 ಕ್ಕೂ ಹೆಚ್ಚು ಫಾಲೋವರ್ಸ್ಗಳನ್ನು ಹೊಂದಿದೆ. ಈ ವಿಡಿಯೋ ಅನ್ನು ಸೆಪ್ಟೆಂಬರ್ 10ರಂದು ಪೋಸ್ಟ್ ಮಾಡಲಾಗಿದೆ. ಸುಮಾರು 65,000 ಕ್ಕು ಹೆಚ್ಚು ಜನರು ಈ ವಿಡಿಯೋ ನೋಡಿ ಖುಷಿಪಟ್ಟಿದ್ಧಾರೆ.
‘ಇದು ಬಹಳ ಮುದ್ದಾಗಿದೆ’ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ‘ನಾನು ತುಂಬಾ ಪ್ರೀತಿಸುತ್ತೇನೆ ಈ ವಿಡಿಯೋ ಅನ್ನು. ಇದು ಶುದ್ಧವಾದ ವೈಬ್ಸ್ ಹೊಂದಿದೆ’ ಎಂದಿದ್ದಾರೆ ಮತ್ತೊಬ್ಬರು.
ನಿಮಗೂ ಇಷ್ಟವಾಯಿತಾ ಈ ವಿಡಿಯೋ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 1:44 pm, Tue, 4 October 22
