ಪತ್ನಿಯ ಪ್ರೀತಿಯ ಗಿಫ್ಟ್​ ನೋಡಿ ಕಣ್ಣೀರು ಹಾಕಿದ ಪತಿ: ವೀಡಿಯೋ ವೈರಲ್​

ಜೀವನಲ್ಲಿ ಸಣ್ಣ ಸಣ್ಣ ವಿಷಯಗಳನ್ನೂ  ಆನಂದಿಸುವುದನ್ನು ಕಲಿತುಕೊಳ್ಳಬೇಕು ಆಗ ಬದುಕು ಸುಂದರ ಎನಿಸುತ್ತದೆ. ಅದರಲ್ಲೂ ದಂಪತಿಯ ನಡುವೆ ಸರ್ಪೈಸ್​ ಗಿಫ್ಟ್​, ಪಾರ್ಟಿಗಳು ಇರಲೇಬೇಕು ಆಗ  ಸಂಗಾತಿಯೊಂದಿಗೆ ಬಂಧ ಇನ್ನಷ್ಟು ಬೆಸೆಯಲಿದೆ. ಸಂಗಾತಿಯ ಸಣ್ಣ ಉಡುಗೊರೆಯನ್ನು ಸಂಭ್ರಮಿಸಿದರೆ ಅದಕ್ಕಿಂತ  ಖುಷಿ ಇನ್ನೊಂದಿಲ್ಲ. ಇದೀಗ ಪತ್ನಿಯ ಸರ್ಪೈಸ್​ ಗಿಫ್ಟ್​ ನೋಡಿ  ಪತಿಯೊಬ್ಬ ಖುಷಿಯಿಂದ ಕಣ್ಣೀರು ಹಾಕಿದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರ ಮನ ಗೆದ್ದಿದೆ.

ಕೆಲವು ದಿನಗಳ ಹಿಂದೆ ಇನ್ಸ್ಟಾಗ್ರಾಮ್​ನಲ್ಲಿ ಈ ವೀಡಿಯೋ ಹಂಚಿಕೊಳ್ಳಲಾಗಿದೆ. ಬೆಬಿ ಬರ್ನೆಟ್​ ಎನ್ನುವ ಬಳಕೆದಾರರು ಈ ವೀಡಿಯೋವನ್ನು ಇನ್ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದು ಕ್ರಿಸ್​ಮಸ್​ ಶುಭಾಶಯವನ್ನು ಕೋರಿದ್ದಾರೆ. ಇದರ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

View this post on Instagram

A post shared by b e e (@beeburnette)

ವೀಡಿಯೋದಲ್ಲಿ ವ್ಯಕ್ತಿಯೊಬ್ಬ ಕ್ರಿಸ್​ ಮಸ್​ ಟೋಪಿ ರೀತಿಯ ಪ್ಯಾಕ್​ನಲ್ಲಿದ್ದ ಗಿಫ್ಟ್​ ಅನ್ನು ತೆಗೆಯುತ್ತಾನೆ. ಗಿಪ್ಟ್​ ಓಪನ್​ ಮಾಡುತ್ತಿದ್ದಂತೆ ಆತನ ಕಣ್ಣುಗಳಲ್ಲಿ ನೀರು ತುಂಬುತ್ತದೆ. ನಂತರ ಗಿಫ್ಟ್​ ಅನ್ನು ಓಪನ್​ ಮಾಡಿ ಅದರಲ್ಲಿದ್ದ ರಿಂಗ್​ ಅನ್ನು ಕೈಗೆ ಧರಿಸುತ್ತಾನೆ. ಈ ವೇಳೆ ಆತನ ಕಣ್ಣುಗಳಲ್ಲಿ ಖುಷಿಯ ಕಣ್ಣಿರು ಹರಿಯುವುದನ್ನು ಕಾಣಬಹುದು. ಅಚಾನಕ್​ ಆಗಿ ಪತಿ ಮದುವೆಯ ಉಂಗುರವನ್ನು ಕಳೆದುಕೊಂಡ ಕಾರಣ ಈ ಪುಟ್ಟ ಗಿಫ್ಟ್​ ಎಂದು ಬರ್ನೆಟ್​ ಮಾಹಿತಿ ಹಂಚಿಕೊಂಡಿದ್ದಾರೆ. ಸದ್ಯ  ಗಂಡ ಹೆಂಡತಿಯ ಪ್ರೀತಿಯ ಬಂಧ ನೋಡಿ ನೆಟ್ಟಿಗರು ಖುಷಿ ವ್ಯಕ್ತಪಡಿಸಿದ್ದಾರೆ. ಪ್ರೀತಿ, ಬಾಂಧವ್ಯ ಎಂದರೆ ಹೀಗಿರಬೆಕು ಎಂದು ನೆಟ್ಟಿಗು ಕಾಮೆಂಟ್​ ಮಾಡಿದ್ದಾರೆ. ಹೃದಯ ಸ್ಪರ್ಶಿ ವೀಡಿಯೋ 14 ಸಾವಿರಕ್ಕೂ ಹೆಚ್ಚು ಲೈಕ್ಸ್​ ಗಳಿಸಿದ್ದು, ಸಾಕಷ್ಟು ಬಾರಿ ರೀ ಶೇರ್​ ಆಗಿದೆ.

ಇದನ್ನೂ ಓದಿ:

Video Viral: ಮಳೆಯ ನೀರಿನೊಂದಿಗೆ ಆಕಾಶದಿಂದ ಬಿದ್ದ ಮೀನುಗಳು: ವೀಡಿಯೋ ವೈರಲ್​