ಜನವರಿ 20ರೊಳಗಾಗಿ ಟ್ರಂಪ್​ಗೆ ಜ್ಞಾನೋದಯವಾಗುವ ನಿರೀಕ್ಷೆಯಿದೆ: ಬೈಡೆನ್ | Biden urges Trump to coordinate with his incoming government in combating Covid-19

ಜನವರಿ 20ರೊಳಗಾಗಿ ಟ್ರಂಪ್​ಗೆ ಜ್ಞಾನೋದಯವಾಗುವ ನಿರೀಕ್ಷೆಯಿದೆ: ಬೈಡೆನ್ | Biden urges Trump to coordinate with his incoming government in combating Covid-19

ಅಮೆರಿಕಾದ ಅಧ್ಯಕ್ಷರಾಗಿ ಜೊ ಬೈಡೆನ್ ಆಯ್ಕೆಯಾಗಿರುವುದನ್ನು ಅಂತಿಮವಾಗಿ ಅಂಗೀಕರಿಸಿದರೂ, ನಿರ್ಗಮಿಸುತ್ತಿರುವ ಅಧ್ಯಕ್ಷ ಡೊನಾಲ್ಟ್ ಟ್ರಂಪ್ ಜನವರಿ 20ನೇ ತಾರೀಖಿನೊಳಗೆ ಸರಾಗವಾಗಿ ಅಧಿಕಾರವನ್ನು ಹಸ್ತಾಂತರಿಸಲು ನಿರಾಕರಿಸುತ್ತಿದ್ದಾರೆ. ಅವರ ಹಟಮಾರಿ ಧೋರಣೆಯಿಂದ ಬೈಡೆನ್ ಅಸಾಮಾಧಾನಗೊಂಡಿರಉವುದು ನಿಜ, ಆದರೆ ಅತ್ಯಂತ ತಾಳ್ಮೆಯಿಂದ ಅವರು ಟ್ರಂಪ್​ರೊಂದಿಗೆ ವ್ಯವಹರಿಸುತ್ತಿದ್ದಾರೆ. ಇಂದು ಮತ್ತೊಮ್ಮೆ ಅವರನ್ನು ವರ್ತನೆಯನ್ನು ಉದ್ದೇಶಿಸಿ ಮಾತಾಡಿರುವ ಬೈಡೆನ್, ಕೊವಿಡ್-19 ಮಾಹಾಮಾರಿಯ ಹಿನ್ನೆಲೆ ಮತ್ತು ಅದನ್ನು ನಿಯಂತ್ರಿಸಲು ಇಷ್ಟರಲ್ಲೇ ಲಭ್ಯವಾಗಲಿರುವ ವ್ಯಾಕ್ಸಿನ್​ನ ಸಮರ್ಪಕ ವಿತರಣೆಗೆ ತಮ್ಮ ಸರ್ಕಾರದೊಂದಿಗೆ ಸಹಕರಿಸುವಂತೆ ಆಗ್ರಹಿಸಿದ್ದಾರೆ. ‘‘ಕೊವಿಡ್-19ಗೆ ವ್ಯಾಕ್ಸಿನ್ ಇನ್ನೇನು […]

Arun Belly

|

Nov 17, 2020 | 4:58 PM

ಅಮೆರಿಕಾದ ಅಧ್ಯಕ್ಷರಾಗಿ ಜೊ ಬೈಡೆನ್ ಆಯ್ಕೆಯಾಗಿರುವುದನ್ನು ಅಂತಿಮವಾಗಿ ಅಂಗೀಕರಿಸಿದರೂ, ನಿರ್ಗಮಿಸುತ್ತಿರುವ ಅಧ್ಯಕ್ಷ ಡೊನಾಲ್ಟ್ ಟ್ರಂಪ್ ಜನವರಿ 20ನೇ ತಾರೀಖಿನೊಳಗೆ ಸರಾಗವಾಗಿ ಅಧಿಕಾರವನ್ನು ಹಸ್ತಾಂತರಿಸಲು ನಿರಾಕರಿಸುತ್ತಿದ್ದಾರೆ. ಅವರ ಹಟಮಾರಿ ಧೋರಣೆಯಿಂದ ಬೈಡೆನ್ ಅಸಾಮಾಧಾನಗೊಂಡಿರಉವುದು ನಿಜ, ಆದರೆ ಅತ್ಯಂತ ತಾಳ್ಮೆಯಿಂದ ಅವರು ಟ್ರಂಪ್​ರೊಂದಿಗೆ ವ್ಯವಹರಿಸುತ್ತಿದ್ದಾರೆ. ಇಂದು ಮತ್ತೊಮ್ಮೆ ಅವರನ್ನು ವರ್ತನೆಯನ್ನು ಉದ್ದೇಶಿಸಿ ಮಾತಾಡಿರುವ ಬೈಡೆನ್, ಕೊವಿಡ್-19 ಮಾಹಾಮಾರಿಯ ಹಿನ್ನೆಲೆ ಮತ್ತು ಅದನ್ನು ನಿಯಂತ್ರಿಸಲು ಇಷ್ಟರಲ್ಲೇ ಲಭ್ಯವಾಗಲಿರುವ ವ್ಯಾಕ್ಸಿನ್​ನ ಸಮರ್ಪಕ ವಿತರಣೆಗೆ ತಮ್ಮ ಸರ್ಕಾರದೊಂದಿಗೆ ಸಹಕರಿಸುವಂತೆ ಆಗ್ರಹಿಸಿದ್ದಾರೆ.

‘‘ಕೊವಿಡ್-19ಗೆ ವ್ಯಾಕ್ಸಿನ್ ಇನ್ನೇನು ಬಿಡುಗಡೆಯಾಗಲಿದೆ. ಅದನ್ನು ಜನರಿಗೆ ವಿತರಿಸುವುದು ನಮ್ಮ ಸರ್ಕಾರದ ಅತಿ ದೊಡ್ಡ ಜವಾಬ್ದಾರಿಯಾಗಲಿದೆ. ನಾವು ಆದಷ್ಟು ಬೇಹ ಕಾರ್ಯೋನ್ಮುಖರಾಗದಿದ್ದರೆ ಮತ್ತಷ್ಟು ಜನ ಸಾಯಲಿದ್ದಾರೆ. ಹಾಗಾಗಿ, ವ್ಯಾಕ್ಸೀನನ್ನು ಜನರಿಗೆ ತಲುಪಿಸಲು ದಯವಿಟ್ಟು ನಮ್ಮೊಂದಿಗೆ ಕೊಆರ್ಡಿನೇಟ್ ಮಾಡಿ ಎಂದು ನಿಮ್ಮನ್ನು ಕೇಳುತ್ತೇನೆ. ಎಬೊಲ ಸೋಂಕನ್ನು ತಡೆಯುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ ನನ್ನ ಚೀಫ್ ಆಫ್ ಸ್ಟಾಫ್ ರಾನ್ ಕ್ಲೇನ್ ಒಂದು ಮಾತನ್ನು ಬಹಳ ಸ್ಪಷ್ಟವಾಗಿ ಹೇಳುತ್ತಾರೆ, ‘ನಮಗೆ ವ್ಯಾಕ್ಸಿನ್ ಬಹಳ ಮುಖ್ಯ. ಆದರೆ ಅದು ಲಭ್ಯವಾದ ಮೇಲೆ ಜನರಿಗೆ ಸಮರ್ಪಕವಾಗಿ ವಿತರಿಸದೆ ಹೋದರೆ, ಅದನ್ನು ತಯಾರಿಸಲು ಪಟ್ಟ ಶ್ರಮವೆಲ್ಲ ವ್ಯರ್ಥವಾಗುತ್ತದೆ. 30 ಕೋಟಿ ಅಮೆರಿಕನ್ನರಿಗೆ ಅದನ್ನು ವಿತರಿಸುವುದು ಸುಲಭದ ಕೆಲಸವಲ್ಲ. ಅದೊಂದು ಹರ್ಕ್ಯೂಲಿಯನ್ ಟಾಸ್ಕ್ ಆಗಿರುವುದರಿಂದ ಒಂದು ಫೂಲ್​ಪ್ರೂಫ್ ಗೇಮ್​ಪ್ಲ್ಯಾನ್ ಬೇಕು. ಹಾಗಾಗಿ ನಿಮ್ಮ ಸಹಕಾರದ ಅಗತ್ಯ ನನ್ನ ಸರ್ಕಾರಕ್ಕಿದೆ, ದಯವಿಟ್ಟು ಸಹಕರಿಸಿ,’’ ಎಂದು ಬೈಡೆನ್ ಹೇಳಿದ್ದಾರೆ.

ವ್ಯಾಕ್ಸಿನ್ ವಿತರಣೆಯ ಯೋಜನೆಯನ್ನು ಆದಷ್ಟು ಬೇಗ ಕಾರ್ಯರೂಪಕ್ಕೆ ತರುವುದರಲ್ಲೇ ಬುದ್ಧಿವಂತಿಕೆ ಅಡಗಿದೆಯೆಂದು ಬೈಡೆನ್ ಒತ್ತಿ ಹೇಳಿದ್ದಾರೆ.

‘‘ಜನವರಿ 20ರವರೆಗೆ ಕಾಯುತ್ತಾ ಕೂತರೆ ನಮ್ಮ ಟಾಸ್ಕ್​ನಲ್ಲಿ ಒಂದು ತಿಂಗಳು ಹಿಂದುಳಿದು ಬಿಡುತ್ತೇವೆ. ನಾವು ಕೂಡಲೇ ಕಾರ್ಯಪ್ರವೃತ್ತರಾಗಬೇಕು. ಜನವರಿ 20ರೊಳಗಾಗಿ ನಿಮಗೆ ಜ್ಞಾನೋದಯವಾಗಬಹುದೆಂಬ ನಂಬಿಕೆ ನನಗಿದೆ,’’ ಎಂದು ತಮ್ಮ ಮಾತಿನ ಕೊನೆಯಲ್ಲಿ ಬೈಡೆನ್ ಚಾಟಿ ಬೀಸಿದ್ದಾರೆ.

Follow us on

Related Stories

Most Read Stories

Click on your DTH Provider to Add TV9 Kannada