ಹೈಟಿಯಲ್ಲಿ ತೀವ್ರ ಸ್ವರೂಪದ ಭೂಕಂಪ; ಒಂದು ತಿಂಗಳು ತುರ್ತು ಪರಿಸ್ಥಿತಿ ಘೊಷಿಸಿದ ಪ್ರಧಾನಿ

ಭೂಕಂಪದಿಂದ ಸಾಕಷ್ಟು ಅನಾಹುತ ಸಂಭವಿಸಿದ್ದು ಹೈಟಿಯಲ್ಲಿ ಒಂದು ತಿಂಗಳು ತುರ್ತು ಪರಿಸ್ಥಿತಿ ಹೇರುತ್ತಿರುವುದಾಗಿ ಅಲ್ಲಿನ ಪ್ರಧಾನಿ ಏರಿಯಲ್ ಹೆನ್ರಿ ಘೋಷಿಸಿದ್ದಾರೆ.

ಹೈಟಿಯಲ್ಲಿ ತೀವ್ರ ಸ್ವರೂಪದ ಭೂಕಂಪ; ಒಂದು ತಿಂಗಳು ತುರ್ತು ಪರಿಸ್ಥಿತಿ ಘೊಷಿಸಿದ ಪ್ರಧಾನಿ
ಪ್ರಾತಿನಿಧಿಕ ಚಿತ್ರ
TV9kannada Web Team

| Edited By: Skanda

Aug 15, 2021 | 7:57 AM

ಕೆರಿಬಿಯನ್​​ ದ್ವೀಪರಾಷ್ಟ್ರ ಹೈಟಿಯ ನೈರುತ್ಯ ಪ್ರಾಂತ್ಯದಲ್ಲಿ ಶನಿವಾರ ತೀವ್ರ ಸ್ವರೂಪದ ಭೂಕಂಪ ಸಂಭವಿಸಿದ್ದು ರಿಕ್ಟರ್ ಮಾಪಕದಲ್ಲಿ ಭೂಕಂಪದ ತೀವ್ರತೆ 7.2ರಷ್ಟು ದಾಖಲಾಗಿದೆ ಎಂದು ವರದಿಗಳು ತಿಳಿಸಿವೆ. ಪ್ರಬಲ ಭೂಕಂಪದಿಂದ ಸುಮಾರು 304 ಜನ ಮೃತಪಟ್ಟಿದ್ದು, ಸಾವಿರಾರು ಜನರಿಗೆ ಗಾಯಗಳಾಗಿವೆ. ಅವಶೇಷಗಳಡಿ ಸಿಲುಕಿರುವ ಜನರ ರಕ್ಷಣಾ ಕಾರ್ಯ ಭರದಿಂದ ಮುಂದುವರೆದಿದೆ. ಭೂಕಂಪದಿಂದ ಸಾಕಷ್ಟು ಅನಾಹುತ ಸಂಭವಿಸಿದ್ದು ಹೈಟಿಯಲ್ಲಿ ಒಂದು ತಿಂಗಳು ತುರ್ತು ಪರಿಸ್ಥಿತಿ ಹೇರುತ್ತಿರುವುದಾಗಿ ಅಲ್ಲಿನ ಪ್ರಧಾನಿ ಏರಿಯಲ್ ಹೆನ್ರಿ ಘೋಷಿಸಿದ್ದಾರೆ.

ರಿಕ್ಟರ್ ಮಾಪಕದಲ್ಲಿ ಕಂಪನದ ತೀವ್ರತೆ 7.2ರಷ್ಟು ದಾಖಲಾಗಿದ್ದು, ಹೈಟಿ ದೇಶದ ರಾಜಧಾನಿ ಪೋರ್ಟ್–ಔ–ಪ್ರಿನ್ಸ್‌ ನಗರದಲ್ಲಿ ವಾಸಿಸುವ ಜನರು ಭೂಕಂಪಕ್ಕೆ ಬೆದರಿ ಮನೆಯಿಂದ ಆಚೆ ಓಡಿ ಬಂದಿದ್ದಾರೆ. ಏಕಾಏಕಿ ಭೂಮಿ ಜೋರಾಗಿ ಅಲುಗಾಡಿದ ಅನುಭವ ಆಗಿದೆ. ತಕ್ಷಣವೇ ಈ ಹಿಂದೆ ಆಗಿದ್ದ ಭೂಕಂಪಗಳ ನೆನಾಯಿತು ಎಂದು ಹೇಳಿಕೊಂಡಿದ್ದಾರೆ. ಒಮ್ಮೆಲೆ ಭೂಮಿ ಕಂಪಿಸಿದ್ದರಿಂದ ಅನೇಕರು ಭಯಭೀತರಾಗಿ ಮನೆಗಳಿಂದ ಹೊರಗೆ ಓಡಿಬಂದಿದ್ದಾರೆ. ಹಾಸಿಗೆಯಲ್ಲಿ ಮಲಗಿಕೊಂಡಿದ್ದ ನನಗೆ ಇದ್ದಕ್ಕಿದ್ದಂತೆ ಭೂಮಿ ಜೋರಾಗಿ ನಡುಗುತ್ತಿದೆ ಎಂಬ ಅನುಭವವಾಯಿತು. ಈ ಹಿಂದೆ 2010ರಲ್ಲಿ ಉಂಟಾಗಿದ್ದ ಭೂಕಂಪದಿಂದ ನಮ್ಮ ಕುಟುಂಬ ಹೇಗೋ ಪಾರಾಗಿದೆ. ತಕ್ಷಣವೇ ನಮಗೆ ಅಂದಿನ ನೆನಪಾಯಿತು. ತಡಮಾಡದೇ ಮನೆಬಿಟ್ಟು ಹೊರಗೆ ಓಡಿಬಂದೆ. ನಾನು ಮಾತ್ರವಲ್ಲದೇ ಮನೆಯೊಳಗೆ ತಾಯಿ ಮತ್ತು ನನ್ನ ಇಬ್ಬರು ಮಕ್ಕಳು ಇದ್ದರು. ನೆರೆ ಮನೆಯವರು ಅವರಿಗೆ ಮನೆಯಿಂದ ಆಚೆಗೆ ಓಡಿಬರುವಂತೆ ಸೂಚಿಸಿದರು. ಗಾಬರಿಯಿಂದ ಎಲ್ಲರೂ ಹೊರಗೆ ಓಡಿಬಂದು ರಸ್ತೆಯತ್ತ ಓಡಿ ಹೋದೆವು ಎಂದು ಭೂಕಂಪವನ್ನು ಅನುಭವಿಸಿದ ಸ್ಥಳೀಯ ನಿವಾಸಿ ನಯೋಮಿ ವೆರ್ನಿಯಸ್ ಆ ಕ್ಷಣದಲ್ಲಿ ತಮಗಾದ ಆತಂಕವನ್ನು ಹಂಚಿಕೊಂಡಿದ್ದಾರೆ.

ಒಟ್ಟಾರೆಯಾಗಿ ಸುಮಾರು 1,800ಕ್ಕೂ ಹೆಚ್ಚು ಕಟ್ಟಡಗಳಿಗೆ ಹಾನಿಯಾಗಿದ್ದು, ಪ್ರಧಾನಿ ಏರಿಯಲ್​ ಹೆನ್ರಿ ಜನರಿಗೆ ಧೈರ್ಯ ತುಂಬಿದ್ದು ಸಹಾಯಕ್ಕೆ ಧಾವಿಸುವುದಾಗಿ ಹೇಳಿದ್ದಾರೆ. ಅನೇಕ ಪ್ರದೇಶಗಳು ತೀವ್ರ ಸ್ವರೂಪದಲ್ಲಿ ಹಾನಿಗೊಂಡಿದ್ದು ಆಸ್ಪತ್ರೆಗೆ ದಾಖಲಾಗುವ ರೋಗಿಗಳ ಸಂಖ್ಯೆಯಲ್ಲೂ ಹೆಚ್ಚಳವಾಗಿದೆ. ಕಂಪನದ ಕೇಂದ್ರ ಬಿಂದು ಪೋರ್ಟ್–ಔ–ಪ್ರಿನ್ಸ್‌ ನಗರದಿಂದ ಪಶ್ಚಿಮ ಭಾಗದ 125 ಕಿಲೋಮೀಟರ್​ (78 ಮೈಲಿ) ದೂರದಲ್ಲಿದೆ ಎಂದು ಯುಎಸ್​ ಜಿಯೋಲಾಜಿಕಲ್​ ಸರ್ವೇ ತಿಳಿಸಿದೆ.

(Strong 7.2 magnitude earthquake strikes Haiti kills 304)

ಇದನ್ನೂ ಓದಿ: Philippines Earthquake: ಫಿಲಿಪೈನ್ಸ್​​ನಲ್ಲಿ ಪ್ರಬಲ ಭೂಕಂಪ; 7.1 ತೀವ್ರತೆ ದಾಖಲು, ಏರ್​ಪೋರ್ಟ್​ ರನ್​ ವೇ ಬಳಿ ಸಣ್ಣ ಬಿರುಕು 

ಅಮೇರಿಕಾದ ಯೆಲ್ಲೋಸ್ಟೋನ್ ನ್ಯಾಶನಲ್ ಪಾರ್ಕ್ ಪ್ರಾಂತ್ಯದಲ್ಲಿ ಕೇವಲ ಒಂದು ತಿಂಗಳಲ್ಲಿ ಸಾವಿರಕ್ಕೂ ಹೆಚ್ಚು ಭೂಕಂಪಗಳು!

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada