Budget 2024 Live Stream: ಇಂದು ಮಧ್ಯಂತರ ಬಜೆಟ್, ಲೈವ್ ಸ್ಟ್ರೀಮಿಂಗ್ ಎಲ್ಲೆಲ್ಲಿ? ನೋಡಿ ಡೀಟೇಲ್ಸ್
Budget 2024 Time: ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಫೆಬ್ರುವರಿ 1, ಗುರುವಾರ ಬೆಳಗ್ಗೆ 11ಗಂಟೆಗೆ ಬಜೆಟ್ ಭಾಷಣ ಆರಂಭಿಸಲಿದ್ದಾರೆ. ಸಂಸದ್ ಟಿವಿ ಮತ್ತು ದೂರದರ್ಶನ ವಾಹಿನಿಗಳಲ್ಲಿ ನೇರ ಪ್ರಸಾರ ಇದೆ. ಯೂಟ್ಯೂಬ್ ವಾಹಿನಿಗಳಲ್ಲೂ ಲೈವ್ ಸ್ಟ್ರೀಮಿಂಗ್ ಇರುತ್ತದೆ. ಟಿವಿ9 ಕನ್ನಡ ಟಿವಿ ವಾಹಿನಿ ಮತ್ತು ಯೂಟ್ಯೂಬ್ನಲ್ಲೂ ನೇರಪ್ರಸಾರ ಮತ್ತು ಲೈವ್ ಚರ್ಚೆಗಳನ್ನು ನೋಡಬಹುದು.
2024-24ರ ಸಾಲಿನ ವರ್ಷಕ್ಕೆ ಬಜೆಟ್ ಮಂಡನೆ ಇಂದು ನಡೆಯಲಿದೆ. ಚುನಾವಣೆಗೆ ಮುಂಚಿನದ್ದಾದ್ದರಿಂದ ಇದು ಮಧ್ಯಂತರ ಬಜೆಟ್ (Interim Budget 2024) ಆಗಿದೆ. ಫೆಬ್ರುವರಿ 1, ಗುರವಾರ ಬೆಳಗ್ಗೆ 11 ಗಂಟೆಗೆ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ (Finance Minister Nirmala Sitharaman) ಮಧ್ಯಂತರ ಬಜೆಟ್ ಮಂಡಿಸುತ್ತಿದ್ದಾರೆ. ಸರ್ಕಾರಕ್ಕೆ ಮುಂದಿನ ಒಂದು ವರ್ಷದ ಆದಾಯ ಮತ್ತು ಖರ್ಚಿನ ಅಂದಾಜುಗಳಿರುವ ಲೆಕ್ಕಪತ್ರವೇ ಬಜೆಟ್ ಆಗಿದೆ. ವಿವಿಧ ಕ್ಷೇತ್ರಗಳಿಗೆ, ಉದ್ಯಮಗಳಿಗೆ ಸರ್ಕಾರದಿಂದ ಆಗುವ ಬಂಡವಾಳ ವೆಚ್ಚ ಎಷ್ಟು ಇತ್ಯಾದಿ ವಿವರಗಳು ಬಜೆಟ್ನಲ್ಲಿ ಇರುತ್ತವೆ. ತೆರಿಗೆ ಪಾವತಿಸುವ ಮಧ್ಯಮ ವರ್ಗದವರಿಗೆ ಹೊರೆ ಹೆಚ್ಚಿಸುವುದೋ, ಇಳಿಸುವುದೋ ಎಂಬುದೂ ಇದರಲ್ಲಿ ಇರುತ್ತದೆ. ಹೀಗಾಗಿ, ಉದ್ಯಮಿಗಳು, ಜನಸಾಮಾನ್ಯರು ಎಲ್ಲರಿಗೂ ಬಜೆಟ್ ಬಗ್ಗೆ ಕುತೂಹಲ ಮತ್ತು ನಿರೀಕ್ಷೆಗಳು ಇರುತ್ತವೆ. ಬಜೆಟ್ ಮಂಡನೆಯನ್ನು ಲೈವ್ (Budget live streaming) ಆಗಿ ಎಲ್ಲಿ ವೀಕ್ಷಿಸಬಹುದು ಇತ್ಯಾದಿ ವಿವರ ಈ ಕೆಳಕಂಡಂತಿದೆ:
ಬಜೆಟ್ ವಿವರ
- ಬಜೆಟ್ ಮಂಡನೆಯಾಗುವ ದಿನ: 2024ರ ಫೆಬ್ರುವರಿ 1
- ಬಜೆಟ್ ಭಾಷಣ: ಫೆ. 1 ಬೆಳಗ್ಗೆ 11ಗಂಟೆಗೆ ನಿರ್ಮಲಾ ಸೀತಾರಾಮನ್ ಅವರಿಂದ ಬಜೆಟ್ ಭಾಷಣ ಆರಂಭ
- ನೇರ ಪ್ರಸಾರ: ಸಂಸದ್ ಟಿವಿ ಮತ್ತು ದೂರದರ್ಶನ ವಾಹಿನಿಗಳಲ್ಲಿ ಮತ್ತು ಅವುಗಳ ಯೂಟ್ಯೂಬ್ ಅಕೌಂಟ್ಗಳಲ್ಲಿ ನೇರ ಪ್ರಸಾರ ಮತ್ತು ಲೈವ್ ಸ್ಟ್ರೀಮಿಂಗ್ ಇರುತ್ತದೆ.
- ಪ್ರೆಸ್ ಇನ್ಫಾರ್ಮೇಶನ್ ಬ್ಯೂರೋ ಅಥವಾ ಪಿಐಬಿಯ ವಿವಿಧ ಪ್ಲಾಟ್ಫಾರ್ಮ್ಗಳಲ್ಲಿ ಲೈವ್ ಸ್ಟ್ರೀಮಿಂಗ್ ಇರುತ್ತದೆ.
- ಟಿವಿ9 ಸೇರಿದಂತೆ ವಿವಿಧ ಟಿವಿ ವಾಹಿನಿಗಳು ಮತ್ತು ಯೂಟ್ಯೂಬ್ ಅಕೌಂಟ್ಗಳಲ್ಲೂ ಲೈವ್ ಪ್ರಸಾರ ಇರುತ್ತದೆ. ಜೊತೆ ಜೊತೆಗೆ ವಿಶ್ಲೇಷಣೆಗಳೂ ಇರುತ್ತವೆ.
ನಿರ್ಮಲಾ ಸೀತಾರಾಮನ್ ಅವರಿಂದ ಬಜೆಟ್ ಮಂಡನೆ ಮುಗಿದ ಬಳಿಕ ಹಣಕಾಸು ಸಚಿವಾಲಯದ ಬಜೆಟ್ ವೆಬ್ಸೈಟ್ನಲ್ಲಿ (www.indiabudget.gov.in) ವಿವಿಧ ಬಜೆಟ್ ದಾಖಲೆಗಳು ಸಿಗುತ್ತವೆ.
ಯೂನಿಯನ್ ಬಜೆಟ್ ಎಂಬ ಮೊಬೈಲ್ ಆ್ಯಪ್ನಲ್ಲೂ ಬಜೆಟ್ ದಾಖಲೆಗಳು ಲಭ್ಯ ಇರುತ್ತವೆ. ಬಜೆಟ್ನ ಮುಖ್ಯಾಂಶಗಳಿಂದ ಹಿಡಿದು ಬಜೆಟ್ ಭಾಷಣದವರೆಗೆ ದಾಖಲೆಗಳು ಲಭ್ಯ ಇರುತ್ತವೆ.
ಟಿವಿ9 ಕನ್ನಡದಲ್ಲಿ ಲೈವ್ ವಿಶ್ಲೇಷಣೆ ನೋಡಿ
ಕರ್ನಾಟಕದ ನಂಬರ್ ಒನ್ ಸುದ್ದಿ ವಾಹಿನಿಯಾಗಿರುವ ಟಿವಿ9 ಕನ್ನಡದಲ್ಲಿ ಫೆ. 1ರಂದು ಬೆಳಗ್ಗೆಯಿಂದಲೇ ಬಜೆಟ್ ಬಗ್ಗೆ ನೇರ ಪ್ರಸಾರ ಶುರುವಾಗುತ್ತದೆ. ಬಜೆಟ್ ಪೂರ್ವಭಾವಿ ಚರ್ಚೆಯಿಂದ ಹಿಡಿದು ಬಜೆಟ್ ಮಂಡನೆಯ ನೇರ ಪ್ರಸಾರ ಹಾಗೂ ಬಜೆಟ್ ನಂತರದ ವಿಶ್ಲೇಷಣೆ ಎಲ್ಲವೂ ಸಮಗ್ರವಾಗಿರುತ್ತದೆ. ತಜ್ಞರಿಂದ ಬಜೆಟ್ ಬಗ್ಗೆ ಚರ್ಚೆಗಳು ನಡೆಯಲಿವೆ.
ಟಿವಿ9 ಡಿಜಿಟಲ್ನಲ್ಲೂ ಬಜೆಟ್ನ ಇಂಚಿಂಚೂ ಮಾಹಿತಿಯನ್ನು ನೋಡಬಹುದು, ಓದಬಹುದು. ಟಿವಿ9 ಕನ್ನಡ ಯೂಟ್ಯೂಬ್ನಲ್ಲೂ ಲೈವ್ ಸ್ಟ್ರೀಮಿಂಗ್ ಇರುತ್ತದೆ.
ಇನ್ನಷ್ಟು ಬಜೆಟ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 2:54 pm, Wed, 31 January 24
