L&T Infotech And Mindtree Merger: ಎಲ್ಅಂಡ್ಟಿ ಇನ್ಫೋಟೆಕ್ ಹಾಗೂ ಮೈಂಡ್ಟ್ರೀ ವಿಲೀನ ಘೋಷಣೆ
ಎಲ್ಅಂಡ್ಟಿ ಇನ್ಫೋಟೆಕ್ ಮತ್ತು ಮೈಂಡ್ ಟ್ರೀ ಕಂಪೆನಿಗಳ ವಿಲೀನದ ಬಗ್ಗೆ ಮೇ 6ನೇ ತಾರೀಕಿನ ಶುಕ್ರವಾರದಂದು ಘೋಷಣೆ ಮಾಡಲಾಗಿದೆ. ಆ ಬಗ್ಗೆ ಇನ್ನಷ್ಟು ವಿವರ ಇಲ್ಲಿದೆ.
Updated on: May 06, 2022 | 6:17 PM
ಲಾರ್ಸನ್ ಅಂಡ್ ಟೂಬ್ರೋ (L&T) ಮೇ 6ನೇ ತಾರೀಕಿನ ಶುಕ್ರವಾರದಂದು ಎರಡು ಸಾಫ್ಟ್ವೇರ್ ಕಂಪೆನಿಗಳಾದ ಲಾರ್ಸನ್ ಅಂಡ್ ಟೂಬ್ರೋ ಇನ್ಫೋಟೆಕ್ (LTI) ಮತ್ತು ಮೈಂಡ್ಟ್ರೀ ವಿಲೀನದ ಬಗ್ಗೆ ಘೋಷಣೆ ಮಾಡಿದೆ. “ಎಲ್ಟಿಐ ಮತ್ತು ಮೈಂಡ್ಟ್ರೀ ಮಂಳಿ ನಿರ್ದೇಶಕರು ಆಯಾ ಸಭೆಯಲ್ಲಿ ಎರಡೂ ಕಂಪೆನಿಗಳ ಸಂಯೋಜಿತ ಒಗ್ಗೂಡುವಿಕೆಗೆ ಮೇ 6ರ ಶುಕ್ರವಾರ ಅನುಮತಿ ನೀಡಿದರು. ಈ ಎರಡೂ ಸ್ವತಂತ್ರವಾಗಿ ಲಿಸ್ಟೆಡ್ ಆದಂಥ ಲಾರ್ಸನ್ ಅಂಡ್ ಟೂಬ್ರೋ ಸಮೂಹದ ಐಟಿ ಸೇವೆಯ ಕಂಪೆನಿಗಳು,” ಎಂದು ಪತ್ರಿಕಾಹೇಳಿಕೆಯಲ್ಲಿ ತಿಳಿಸಲಾಗಿದೆ. ಎರಡೂ ಒಗ್ಗೂಡಿದ ಸಂಸ್ಥೆಯನ್ನು ಎಲ್ಟಿಐ ಮೈಂಡ್ಟ್ರೀ ಎಂದು ಕರೆಯಲಾಗುತ್ತದೆ. ಈ ಎರಡೂ ಕಂಪೆನಿಗಳ ಒಗ್ಗೂಡುವಿಕೆಗೆ ಸಂಬಂಧಿಸಿದಂತೆ ಷೇರುದಾರರು ಮತ್ತು ನಿಯಂತ್ರಕರ ಅನುಮತಿಗೆ ಒಳಪಟ್ಟಿದೆ ಎಂದು ಎಲ್ಟಿಐ ಹೇಳಿದೆ. ಈ ವಿಲೀನ ಪ್ರಕ್ರಿಯೆ ಮುಗಿದ ಮೇಲೆ ಮೈಂಡ್ಟ್ರೀ ಷೇರುದಾರರಿಗೆ ಆ ಕಂಪೆನಿಯಲ್ಲಿ ಇರುವ ಪ್ರತಿ 100 ಷೇರಿಗೆ ಎಲ್ಟಿಐನ 73 ಷೇರು ದೊರೆಯುತ್ತದೆ.
ಹೊಸದಾಗಿ ವಿತರಣೆ ಮಾಡಿದ ಎಲ್ಟಿಐ ಷೇರು ಎನ್ಎಸ್ಇ ಮತ್ತು ಬಿಎಸ್ಇಯಲ್ಲಿ ಮತ್ತು ಎನ್ಎಸ್ಇಯಲ್ಲಿ ವಹಿವಾಟು ನಡೆಸಲಿದೆ. ವಿಲೀನದ ನಂತರ ಲಾರ್ಸನ್ ಅಂಡ್ ಟೂಬ್ರೋ ಲಿಮಿಟೆಡ್ ಕಂಪೆನಿಯು ಎಲ್ಟಿಐ ಶೇ 68.73ರಷ್ಟು ಪಾಲನ್ನು ಹೊಂದಿರಲಿದೆ ಎಂದು ಎಲ್ಅಂಡ್ಟಿ ಇನ್ಫೋಟೆಕ್ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದೆ. “ಎಲ್ಟಿಐಮೈಂಡ್ಟ್ರೀ” ಸಂಯೋಜಿತ ಸಂಸ್ಥೆಯನ್ನು ಮೈಂಡ್ಟ್ರೀ ಸಿಇಒ ದೇಬಶಿಶ್ ಚಟರ್ಜಿ ಮುನ್ನಡೆಸಲಿದ್ದು, ಅವರು ಸಿಇಒ ಆಗಿರಲಿದ್ದಾರೆ. ವೈಯಕ್ತಿಕ ಕಾರಣಗಳಿಗಾಗಿ ಎಲ್ಅಂಡ್ಟಿ ಇನ್ಫೋಟೆಕ್ ಸಿಇಒ ಮತ್ತು ಎಂಡಿ ಸಂಜಯ್ ಜಲೋನಾ ರಾಜೀನಾಮೆ ನೀಡಿದ್ದಾರೆ.
ಸಾರ್ವಜನಿಕವಾಗಿ ಲಿಸ್ಟ್ ಮಾಡಲಾದ ಎರಡು ಸಾಫ್ಟ್ವೇರ್ ಸಂಸ್ಥೆಗಳ ವಿಲೀನವು ದೊಡ್ಡ ಐಟಿ ಹೊರಗುತ್ತಿಗೆ ಸಂಸ್ಥೆಗಳು ಸೈಬರ್‌ ಸೆಕ್ಯೂರಿಟಿ, ಆಟೊಮೇಷನ್ ಮತ್ತು ಮೆಷಿನ್-ಲರ್ನಿಂಗ್ ಬೆಂಬಲದಂತಹ ಕ್ಷೇತ್ರಗಳಿಗೆ ವಿಸ್ತರಿಸುತ್ತಿರುವ ಸಮಯದಲ್ಲಿ ಕಡಿಮೆ-ಮಾರ್ಜಿನ್ ಸಾಂಪ್ರದಾಯಿಕ ಬ್ಯಾಕ್-ರೂಮ್ ಸೇವೆಗಳನ್ನು ಮೀರಿ ಚಲಿಸುತ್ತದೆ. ಅಲ್ಲದೆ, ಸಾಫ್ಟ್ವೇರ್ ಕಂಪೆನಿಗಳು ಡಿಜಿಟಲೈಸೇಷನ್ಅಳವಡಿಸಿಕೊಳ್ಳುವ ವ್ಯವಹಾರಗಳಿಂದ ಬೇಡಿಕೆ ಹೆಚ್ಚಳಕ್ಕೆ ಸಾಕ್ಷಿಯಾಗಿದೆ, ಇದು ಕೊವಿಡಗ-19 ಸಮಯದಲ್ಲಿ ವೇಗವನ್ನು ಹೆಚ್ಚಿಸಿತು.
ಇನ್ನೂ ಹೆಚ್ಚಿನ ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: HDFC-HDFC Bank Merger: ಎಚ್ಡಿಎಫ್ಸಿ- ಎಚ್ಡಿಎಫ್ಸಿ ಬ್ಯಾಂಕ್ ವಿಲೀನದಿಂದ ಸಿಬ್ಬಂದಿ ಮೇಲೆ ಪರಿಣಾಮ ಇಲ್ಲ
