ಲೋಕಸಭಾ ಚುನಾವಣೆ 6ನೇ ಹಂತ: ಶೇ.59.06ರಷ್ಟು ಮತದಾನ; ಪಶ್ಚಿಮ ಬಂಗಾಳದಲ್ಲಿ ಅತೀ ಹೆಚ್ಚು, ದೆಹಲಿಯಲ್ಲಿ ಕಡಿಮೆ

ದೆಹಲಿ ಮೇ 25: ಏಳು ರಾಜ್ಯಗಳು ಮತ್ತು ಒಂದು ಕೇಂದ್ರಾಡಳಿತ ಪ್ರದೇಶದ (UT) 58 ಸ್ಥಾನಗಳಿಗೆ ಲೋಕಸಭೆ ಚುನಾವಣೆಯಲ್ಲಿ (Lok Sabha Election) ಆರನೇ ಹಂತದ ಮತದಾನ ಶನಿವಾರ ನಡೆದಿದೆ. ದೆಹಲಿ (Delhi ) ಮತ್ತು ಹರಿಯಾಣದಲ್ಲಿ ಒಂದೇ ಹಂತದಲ್ಲಿ ಮತದಾನ ನಡೆಯುತ್ತಿದೆ. ಒಡಿಶಾದಲ್ಲಿ ಲೋಕಸಭೆ ಮತ್ತು ವಿಧಾನಸಭೆ ಚುನಾವಣೆಗಳು ಏಕಕಾಲದಲ್ಲಿ ನಡೆಯುತ್ತಿವೆ. ಸಂಜೆ 7.45ರವರೆಗೆ ಶೇ.59.06ರಷ್ಟು ಮತದಾನವಾಗಿದೆ. 6ನೇ ಹಂತದ ಮತದಾನದಲ್ಲಿ ಪಶ್ಚಿಮ ಬಂಗಾಳದಲ್ಲಿ  ಶೇ 52 ಕ್ಕಿಂತ ಹೆಚ್ಚು ಮತದಾನವಾಗಿದ್ದು, ದೆಹಲಿಯಲ್ಲಿ ಶೇ 34.4 ಅಂದರೆ ಕಡಿಮೆ ಮತದಾನವಾಗಿದೆ. ದಿನಾಂತ್ಯ ವೇಳೆಗೆ 543 ಲೋಕಸಭಾ ಸ್ಥಾನಗಳ ಪೈಕಿ 486 ಕ್ಷೇತ್ರಗಳಲ್ಲಿ ಚುನಾವಣೆ ಪೂರ್ಣಗೊಳ್ಳಲಿದೆ. ಹರಿಯಾಣ, ದೆಹಲಿ ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲೂ ಮತದಾನ ಪೂರ್ಣಗೊಳ್ಳಲಿದೆ. ಉತ್ತರ ದೆಹಲಿ, ಹರಿಯಾಣ ಮತ್ತು ಉತ್ತರ ಪ್ರದೇಶದಲ್ಲಿ ಹೆಚ್ಚುತ್ತಿರುವ ತಾಪಮಾನದ ಪರಿಣಾಮಗಳನ್ನು ತಗ್ಗಿಸಲು ಸಾಕಷ್ಟು ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಚುನಾವಣಾ ಆಯೋಗವು ಚುನಾವಣಾಧಿಕಾರಿಗಳು ಮತ್ತು ಅಧಿಕಾರಿಗಳಿಗೆ ಸೂಚಿಸಿದೆ.

ಬಿಹಾರ ಮತ್ತು ಬಂಗಾಳದಲ್ಲಿ ತಲಾ ಎಂಟು ಸ್ಥಾನಗಳು, ದೆಹಲಿಯಲ್ಲಿ ಏಳು, ಹರಿಯಾಣದಲ್ಲಿ 10, ಜಾರ್ಖಂಡ್‌ನಲ್ಲಿ ನಾಲ್ಕು, ಉತ್ತರ ಪ್ರದೇಶದಲ್ಲಿ 14 ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲಿ ಅನಂತನಾಗ್-ರಜೌರಿಯಲ್ಲಿ ಮತದಾನ ನಡೆದಿದೆ.

ಈ ಹಂತದ ಕೆಲವು ಪ್ರಮುಖ ಸ್ಥಾನಗಳಲ್ಲಿ ನವದೆಹಲಿ, ಈಶಾನ್ಯ ದೆಹಲಿ, ವಾಯುವ್ಯ ದೆಹಲಿ ಮತ್ತು ರಾಷ್ಟ್ರ ರಾಜಧಾನಿಯಲ್ಲಿ ಚಾಂದಿನಿ ಚೌಕ್ ಮತ್ತು ಉತ್ತರ ಪ್ರದೇಶದ ಸುಲ್ತಾನ್‌ಪುರ ಮತ್ತು ಅಜಂಗಢ ಸೇರಿವೆ. ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್-ರಜೌರಿ, ಪಶ್ಚಿಮ ಬಂಗಾಳದ ತಮ್ಲುಕ್, ಮೇದಿನಿಪುರ, ಹರಿಯಾಣದ ಕರ್ನಾಲ್, ಕುರುಕ್ಷೇತ್ರ, ಗುರ್ಗಾಂವ್, ರೋಹ್ಟಕ್ ಮತ್ತು ಒಡಿಶಾದ ಭುವನೇಶ್ವರ್, ಪುರಿ ಮತ್ತು ಸಂಬಲ್ಪುರ್ ಇತರ ಕೆಲವು ಪ್ರಮುಖ ಸ್ಥಾನಗಳಾಗಿವೆ.

2024 ರ ಸಾರ್ವತ್ರಿಕ ಚುನಾವಣೆಯಲ್ಲಿ 51.35% ರಷ್ಟು ಮತದಾನ ದಾಖಲಿಸಿದ  ಅನಂತನಾಗ್-ರಜೌರಿ ಲೋಕಸಭಾ ಕ್ಷೇತ್ರದ ಕಳೆದ 35 ವರ್ಷಗಳಲ್ಲಿ ತನ್ನ ಅತ್ಯಧಿಕ ಮತದಾನವನ್ನು ದಾಖಲಿಸಿದ ಇತಿಹಾಸವನ್ನು ನಿರ್ಮಿಸಿದೆ. ಇದರೊಂದಿಗೆ ಕಾಶ್ಮೀರ ಕಣಿವೆಯ ಎಲ್ಲಾ ಮೂರು ಲೋಕಸಭಾ ಕ್ಷೇತ್ರಗಳು  ಈಗ ಅತ್ಯಧಿಕ ಮತದಾನವನ್ನು ದಾಖಲಿಸಿವೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.

ಎಲ್ಲೆಲ್ಲಿ ಎಷ್ಟು ಮತದಾನ?

ಬಿಹಾರ: ಶೇ 53.42 ಹರಿಯಾಣ: ಶೇ 58.37 ಜಮ್ಮು ಮತ್ತು ಕಾಶ್ಮೀರ : ಶೇ52.28 ಜಾರ್ಖಂಡ್: ಶೇ62.87 ದೆಹಲಿ: ಶೇ54.52 ಒಡಿಶಾ: ಶೇ60.07 ಉತ್ತರ ಪ್ರದೇಶ:ಶೇ 54.03 ಪಶ್ಚಿಮ ಬಂಗಾಳ: ಶೇ78.19

ಚುನಾವಣಾ ಆಯೋಗದ ತಾತ್ಕಾಲಿಕ ಮಾಹಿತಿ ಪ್ರಕಾರ 6ನೇ ಹಂತದಲ್ಲಿ ಶೇ.58.91ರಷ್ಟು ಮತದಾನವಾಗಿದೆ. ಅಂಕಿಅಂಶಗಳ ಪ್ರಕಾರ, ಪಶ್ಚಿಮ ಬಂಗಾಳದಲ್ಲಿ ಶೇ 78.91 ರಷ್ಟು  ಮತದಾನವಾಗಿದೆ. ಜಾರ್ಖಂಡ್‌ನಲ್ಲಿ ಶೇ 62.39 ಮತದಾನವಾಗಿದೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ  51.97 ರಷ್ಟು ಮತದಾನವಾಗಿದೆ. ಬಿಹಾರದಲ್ಲಿ ಶೇ.52.80, ಹರಿಯಾಣದಲ್ಲಿ ಶೇ.58.24, ದೆಹಲಿಯಲ್ಲಿ ಶೇ.54.37, ಒಡಿಶಾದಲ್ಲಿ ಶೇ.59.92 ಮತ್ತು ಉತ್ತರ ಪ್ರದೇಶದಲ್ಲಿ ಶೇ.54.02ರಷ್ಟು ಮತದಾನವಾಗಿದೆ.

ಪಶ್ಚಿಮ ಬಂಗಾಳದಲ್ಲಿ ಶನಿವಾರ ಆರನೇ ಹಂತದಲ್ಲಿ ಮತದಾನ ನಡೆದ ಎಂಟು ಲೋಕಸಭಾ ಕ್ಷೇತ್ರಗಳಲ್ಲಿ ಸಂಜೆ 5 ಗಂಟೆಯವರೆಗೆ ಶೇಕಡಾ 77.99 ರಷ್ಟು ಮತದಾನವಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ತಮ್ಲುಕ್, ಕಂಠಿ, ಘಟಾಲ್, ಜಾರ್‌ಗ್ರಾಮ್, ಮೇದಿನಿಪುರ, ಪುರುಲಿಯಾ, ಬಂಕುರಾ ಮತ್ತು ಬಿಷ್ಣುಪುರ್ ಕ್ಷೇತ್ರಗಳಲ್ಲಿ ಬೆಳಗ್ಗೆ 7 ಗಂಟೆಗೆ ಮತದಾನ ಆರಂಭವಾಗಿದ್ದು ಇದು ಸಂಜೆ 6 ಗಂಟೆಯವರೆಗೆ ಮುಂದುವರೆಯಿತು.

ಬಿಷ್ಣುಪುರ (ಎಸ್‌ಸಿ) ಶೇ.81.47 ಅತಿ ಹೆಚ್ಚು ಮತದಾನವಾಗಿದ್ದು, ತಮ್ಲುಕ್ ಶೇ.79.79, ಜಾರ್‌ಗ್ರಾಮ್ (ಎಸ್‌ಟಿ) ಶೇ.79.68, ಘಟಾಲ್ ಶೇ.78.92, ಮೇದಿನಿಪುರ ಶೇ.77.57, ಬಂಕುರಾ ಶೇ.76.79, ಕಂಠಿ ಶೇ.75.66, ಪುರುಲಿಯಾದಲ್ಲಿ ಶೇ 74.09  ಮತದಾನವಾಗಿದೆ.

ಸಂಜೆ 4 ಗಂಟೆಯವರೆಗೆ ಪಶ್ಚಿಮ ಬಂಗಾಳದ ಚುನಾವಣಾ ಕಚೇರಿಗೆ 1,985 ದೂರುಗಳು ಬಂದಿವೆ ಎಂದು ಅವರು ಹೇಳಿದರು.

ಹರಿಯಾಣದ 10 ಲೋಕಸಭಾ ಕ್ಷೇತ್ರಗಳಲ್ಲಿ ಸಂಜೆ 5 ಗಂಟೆಯವರೆಗೆ 55.93 ರಷ್ಟು ಮತದಾನವಾಗಿದ್ದು ಶನಿವಾರ ಮತದಾನ ಶಾಂತಿಯುತವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮತದಾನ ಸಂಜೆ 6 ಗಂಟೆಗೆ ಕೊನೆಗೊಂಡಿತು ಆದರೆ ಸರದಿಯಲ್ಲಿ ಹಲವಾರು ಜನರು ತಮ್ಮ ಸರದಿಗಾಗಿ ಕಾಯುತ್ತಿದ್ದರಿಂದ ಮತದಾನದ ಸಂಖ್ಯೆ ಹೆಚ್ಚಾಗಲಿದೆ.

ಚುನಾವಣಾ ಆಯೋಗದ ದತ್ತಾಂಶದ ಪ್ರಕಾರ, ಸಂಜೆ 5 ಗಂಟೆಯವರೆಗೆ ಸಿರ್ಸಾದಲ್ಲಿ 59.57 ಪ್ರತಿಶತದಷ್ಟು ಮತದಾನವಾಗಿದೆ. ಅಂಬಾಲಾದಲ್ಲಿ 58.44 ಪ್ರತಿಶತ ಮತ್ತು ಕುರುಕ್ಷೇತ್ರದಲ್ಲಿ 58.38 ರಷ್ಟು ಮತದಾನವಾಗಿದೆ. ಗುರುಗ್ರಾಮ್‌ನಲ್ಲಿ ಅತಿ ಕಡಿಮೆ ಅಂದರೆ ಶೇ.51.75ರಷ್ಟು ಮತದಾನವಾಗಿದೆ.

ಇದನ್ನೂ ಓದಿ: ಅಗ್ನಿಪಥ್ ಯೋಜನೆ ಕುರಿತು ರಾಹುಲ್ ಗಾಂಧಿ ಸುಳ್ಳು ಹೇಳಿ ಜನರ ದಾರಿತಪ್ಪಿಸುತ್ತಿದ್ದಾರೆ: ಅಮಿತ್ ಶಾ

ಭಿವಾನಿ-ಮಹೇಂದ್ರಗಢದಲ್ಲಿ ಶೇ 56.11, ಫರಿದಾಬಾದ್‌ನಲ್ಲಿ ಶೇ 53.64, ಹಿಸಾರ್‌ನಲ್ಲಿ ಶೇ 53.85, ಕರ್ನಾಲ್‌ನಲ್ಲಿ ಶೇ 55.71, ರೋಹ್ಟಕ್‌ನಲ್ಲಿ ಶೇ 58.28 ಮತ್ತು ಸೋನಿಪತ್‌ನಲ್ಲಿ ಶೇ 55.49 ಮತದಾನವಾಗಿದೆ.

ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್-ರಜೌರಿ ಲೋಕಸಭಾ ಕ್ಷೇತ್ರದ 18.36 ಲಕ್ಷ ಮತದಾರರಲ್ಲಿ 51 ಪ್ರತಿಶತಕ್ಕೂ ಹೆಚ್ಚು ಮತದಾರರು ಶನಿವಾರ ಸಂಜೆ 5 ಗಂಟೆಯವರೆಗೆ ತಮ್ಮ ಹಕ್ಕು ಚಲಾಯಿಸಿದ್ದಾರೆ, ಇದು 28 ವರ್ಷಗಳ ಮತದಾನದ ಶೇಕಡಾವಾರು ದಾಖಲೆಯನ್ನು ಮುರಿದಿದೆ ಎಂದು ಅಧಿಕಾರಿಗಳು  ತಿಳಿಸಿದ್ದಾರೆ.

‘ಅನಂತನಾಗ್-ರಜೌರಿ ಲೋಕಸಭಾ ಕ್ಷೇತ್ರದಲ್ಲಿ ಸಂಜೆ 5 ಗಂಟೆಗೆ ಶೇ.51.35ರಷ್ಟು ಮತದಾನವಾಗಿದೆ’ ಎಂದು ಚುನಾವಣಾ ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ರಜೌರಿ ಅಸೆಂಬ್ಲಿ ವಿಭಾಗದಲ್ಲಿ ಅತಿ ಹೆಚ್ಚು ಶೇಕಡಾ 67.09 ರಷ್ಟು ಮತದಾನವಾಗಿದ್ದು, ನೌಶೇರಾದಲ್ಲಿ ಶೇಕಡಾ 65.47 ಮತದಾನವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅನಂತನಾಗ್, ಅನಂತನಾಗ್ ಪಶ್ಚಿಮ ಮತ್ತು ಕುಲ್ಗಾಮ್ ವಿಧಾನಸಭಾ ಕ್ಷೇತ್ರಗಳಲ್ಲಿ ಮಾತ್ರ ಇದುವರೆಗೆ ಶೇಕಡಾ 35 ಕ್ಕಿಂತ ಕಡಿಮೆ ಮತದಾನವಾಗಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ