ಸ್ಟಾರ್ ನಟಿಯರಿಗೆ ಕಿಸ್ ಮಾಡಿ ತೊಂದರೆಗೆ ಸಿಲುಕಿದ್ದ ಇಮ್ರಾನ್ ಹಷ್ಮಿ! ತಪ್ಪು ಒಪ್ಪಿಕೊಂಡ ನಟ
ಬೋಲ್ಡ್ ಪಾತ್ರಗಳಿಂದ ನನಗೆ ಒಂದೇ ರೀತಿಯ ಅವಕಾಶಗಳು ಹರಿದುಬಂದವು. ಆವರೆಗೂ ಕೇಳಿರದ ಬೋಲ್ಡ್ ಕಥೆಗಳನ್ನು ತೆರೆಗೆ ತರಲು ಸಾಧ್ಯವಾಯಿತು. ಅದರ ಜೊತೆಗೆ ತೊಂದರೆ ಕೂಡ ಆಯಿತು ಎಂದು ಇಮ್ರಾನ್ ಹಷ್ಮಿ ಈಗ ಬಾಯಿ ಬಿಟ್ಟಿದ್ದಾರೆ.
Updated on: Mar 22, 2021 | 5:56 PM
ಬಾಲಿವುಡ್ ಸಿನಿಮಾಗಳಲ್ಲಿ ನಟ ಇಮ್ರಾನ್ ಹಷ್ಮಿ ಅವರು ತಮ್ಮದೇ ಛಾಪು ಮೂಡಿಸಿದ್ದಾರೆ. ಬೋಲ್ಡ್ ಪಾತ್ರಗಳ ಮೂಲಕ ಗುರುತಿಸಿಕೊಂಡ ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಲಕ್ಷಾಂತರ ಮಹಿಳಾ ಅಭಿಮಾನಿಗಳಿಗೂ ಇಮ್ರಾನ್ ಹಷ್ಮಿ ಫೇವರಿಟ್. ಆದರೆ ತಾವು ಬದುಕಿನಲ್ಲಿ ಮಾಡಿದ ಚುಂಬನದ ತಪ್ಪಿನ ಬಗ್ಗೆ ಈಗ ಅವರು ಬಾಯಿ ಬಿಟ್ಟಿದ್ದಾರೆ.
ಮರ್ಡರ್ ಸಿನಿಮಾ ಮೂಲಕ ಇಮ್ರಾನ್ ಹಷ್ಮಿಗೆ ದೊಡ್ಡ ಮಟ್ಟದ ಜನಪ್ರಿಯತೆ ಸಿಕ್ಕಿತು. ಅದರಲ್ಲಿ ಅವರು ನಟಿ ಮಲ್ಲಿಕಾ ಶೆರಾವತ್ ಜೊತೆ ತುಂಬಾ ಆಪ್ತವಾಗಿ ಕಾಣಿಸಿಕೊಂಡಿದ್ದರು. ಕಿಸ್ಸಿಂಗ್ ದೃಶ್ಯಗಳಲ್ಲಿ ಮೈಚಳಿ ಬಿಟ್ಟು ನಟಿಸಿದರು. ನಂತರ ಬಂದ ‘ಆಶಿಕ್ ಬನಾಯಾ ಆಪ್ನೆ’ ಸಿನಿಮಾದಲ್ಲಿಯೂ ಅವರು ತನುಶ್ರೀ ದತ್ತ ಜೊತೆ ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ರೊಮ್ಯಾನ್ಸ್ ಮಾಡಿದರು.
ಬಳಿಕ ಬಿಡುಗಡೆ ಆದ ‘ಅಕ್ಸರ್’ ಸಿನಿಮಾದಲ್ಲಿ ಉದಿತಾ ಗೋಸ್ವಾಮಿ ಜೊತೆ ಕೂಡ ಇಮ್ರಾನ್ ಹಷ್ಮಿ ಬಹಳ ಇಂಟಿಮೇಟ್ ಆಗಿ ಕಾಣಿಸಿಕೊಂಡರು. ಈ ಎಲ್ಲ ಕಾರಣಗಳಿಗಾಗಿ ಇಮ್ರಾನ್ ಹಷ್ಮಿಗೆ ಸೀರಿಯಲ್ ಕಿಸ್ಸರ್ ಎಂಬ ಬಿರುದು ಬಂತು. ಆದರೆ ಅದರಿಂದ ತಮ್ಮ ವೃತ್ತಿಜೀವನದ ಮೇಲೆ ಆದ ಪರಿಣಾಮ ಏನು ಎಂಬುದನ್ನು ಈಗ ಇಮ್ರಾನ್ ಹಷ್ಮಿ ಒಪ್ಪಿಕೊಂಡಿದ್ದಾರೆ.
‘ಅಂಥ ಪಾತ್ರಗಳಿಂದ ನನಗೆ ಸೀರಿಯಲ್ ಕಿಸ್ಸರ್ ಇಮೇಜ್ ಬಂತು. ಅದರಿಂದ ನನಗೆ ಇದೇ ರೀತಿಯ ಅವಕಾಶಗಳು ಹರಿದುಬಂದವು. ಆವರೆಗೂ ಕೇಳಿರದ ಬೋಲ್ಡ್ ಕಥೆಗಳನ್ನು ತೆರೆಗೆ ತರಲು ಸಾಧ್ಯವಾಯಿತು. ಅದರ ಜೊತೆಗೆ ತೊಂದರೆ ಕೂಡ ಆಯಿತು’ ಎಂದು ಇಮ್ರಾನ್ ಹಷ್ಮಿ ಈಗ ಬಾಯಿ ಬಿಟ್ಟಿದ್ದಾರೆ. ಯಾಕೆಂದರೆ ಒಂದೇ ರೀತಿಯ ಪಾತ್ರಗಳಿಗೆ ಅವರನ್ನು ಬ್ರ್ಯಾಂಡ್ ಮಾಡಲಾಯಿತು. ಅವರಿಗೆ ಬೇರೆ ರೀತಿಯ ಪಾತ್ರಗಳನ್ನು ಮಾಡುವ ಸಾಮರ್ಥ್ಯ ಇದ್ದರೂ ಕೂಡ ಅವಕಾಶಗಳು ಸಿಗಲಿಲ್ಲ.
ಆ ಬಳಿಕ ತಮ್ಮ ಇಮೇಜ್ ಬದಲಾಯಿಸಿಕೊಳ್ಳಲು ಇಮ್ರಾನ್ ಹಷ್ಮಿ ಹಲವು ಬಗೆಯಲ್ಲಿ ಪ್ರಯತ್ನಿಸಿದರು. ಸೀರಿಯಲ್ ಕಿಸ್ಸರ್, ಲವರ್ ಬಾಯ್ ಇಮೇಜ್ ಬದಿಗಿಟ್ಟು ಬೇರೆ ಬೇರೆ ಪಾತ್ರಗಳನ್ನು ಮಾಡಲು ಪ್ರಯತ್ನಿಸಿದರು. 2019ರಲ್ಲಿ ರಿಲೀಸ್ ಆದ ಬಾರ್ಡ್ ಆಫ್ ಬ್ಲಡ್ ವೆಬ್ ಸೀರಿಸ್ ಮೂಲಕ ತಮ್ಮ ಇಮೇಜ್ಅನ್ನು ಸಂಪೂರ್ಣವಾಗಿ ಬದಲಾಯಿಸಿಕೊಂಡರು. ಸದ್ಯ ಇಮ್ರಾನ್ ಹಷ್ಮಿ ನಟನೆಯ ‘ಮುಂಬೈ ಸಾಗಾ’ ಸಿನಿಮಾ ಬಿಡುಗಡೆ ಆಗಿದ್ದು, ಈ ಚಿತ್ರದ ಪ್ರಚಾರದ ಸಲುವಾಗಿ ಖಾಸಗಿ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಈ ವಿಚಾರಗಳ ಬಗ್ಗೆ ಅವರು ಬಾಯಿ ಬಿಟ್ಟಿದ್ದಾರೆ.
ಇದನ್ನೂ ಓದಿ: ಚಿತ್ರರಂಗಕ್ಕೆ ಮರಳಿದ ರಿಯಾ ಚಕ್ರವರ್ತಿ; ರಿಲೀಸ್ ಆಯ್ತು ಹೊಸ ಸಿನಿಮಾದ ಟ್ರೇಲರ್
ಈದ್ಗೆ ಬಾಲಿವುಡ್ನಲ್ಲಿ ಬಿಗ್ ಕ್ಲ್ಯಾಶ್; ಜಾನ್-ಸಲ್ಲು ಚಿತ್ರಗಳು ಮುಖಾಮುಖಿ
