‘ಇದನ್ನು ನೋಡಿ ಕಲಿಯಿರಿ’; ‘ಹನುಮಾನ್’ ಉದಾಹರಣೆ ಕೊಟ್ಟು ‘ಆದಿಪುರುಷ್’ ನಿರ್ದೇಶಕನ ಟ್ರೋಲ್

ಕಳೆದ ವರ್ಷ ರಿಲೀಸ್ ಆದ ಪ್ರಭಾಸ್ (Prabhas) ನಟನೆಯ ‘ಆದಿಪುರುಷ್’ ಸಿನಿಮಾ ಡಿಸಾಸ್ಟರ್ ಆಯಿತು. ಈ ಚಿತ್ರದ ಬಳಿಕ ತೆರೆಗೆ ಬಂದ ಪ್ರಭಾಸ್ ನಟನೆಯ ‘ಸಲಾರ್’ ಸಿನಿಮಾ ಗೆದ್ದು ಬೀಗಿತು. ಆದರೂ ಪ್ರೇಕ್ಷಕರೂ ‘ಆದಿಪುರುಷ್’ ತಂಡ ಮಾಡಿದ ತಪ್ಪನ್ನು ಮರೆತಿಲ್ಲ. ಸಮಯ ಸಿಕ್ಕಾಗಲೆಲ್ಲ ಈ ಅವಕಾಶ ಬಳಕೆ ಮಾಡಿಕೊಂಡು ಟ್ರೋಲ್ ಮಾಡಲಾಗುತ್ತಿದೆ. ಈಗ ‘ಹನುಮಾನ್’ ಸಿನಿಮಾ ರಿಲೀಸ್ ಆಗಿ ಹಿಟ್ ಆಗಿದೆ. ಈ ಚಿತ್ರದ ಕಥೆ, ಮೇಕಿಂಗ್, ವಿಎಫ್​ಎಕ್ಸ್ ಗಮನ ಸೆಳೆದಿದೆ. ಹೀಗಾಗಿ, ಪ್ರೇಕ್ಷಕರು ‘ಆದಿಪುರುಷ್’ ನಿರ್ದೇಶಕ ಓಂ ರಾವತ್ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ.

ತೆಜ ಸಜ್ಜಾ ಅವರು ‘ಹನುಮಾನ್’ ಸಿನಿಮಾದಲ್ಲಿ ನಟಿಸಿದ್ದಾರೆ. ಮಹೇಶ್ ಬಾಬು ನಟನೆಯ ‘ಗುಂಟೂರು ಖಾರಂ’ ಸಿನಿಮಾ ಎದುರು ರಿಲೀಸ್ ಆಗಿ ಈ ಚಿತ್ರ ಗೆದ್ದು ಬೀಗಿದೆ. ಈ ಸಿನಿಮಾ ರಿಲೀಸ್ ಆದ ಬಳಿಕ ‘ಆದಿಪುರುಷ್’ ತಂಡ ಮಾಡಿದ ಡಿಸಾಸ್ಟರ್ ನೆನಪಾಗಿದೆ. ಈ ಬಗ್ಗೆ ಟ್ರೋಲ್ ಮಾಡುವ ಕೆಲಸ ಆಗುತ್ತಿದೆ.

ಎಲ್ಲಾ ರೀತಿಯಲ್ಲೂ ‘ಆದಿಪುರುಷ್’ ಚಿತ್ರವನ್ನು ‘ಹನುಮಾನ್​’ ಹಿಂದಿಕ್ಕಿದೆ ಎಂದು ಫ್ಯಾನ್ಸ್ ಅಭಿಪ್ರಾಯ ಹೊರಾಹಾಕುತ್ತಿದ್ದಾರೆ. ದೊಡ್ಡ ಬಜೆಟ್​ನಲ್ಲಿ ‘ಆದಿಪುರುಷ್’ ನಿರ್ಮಾಣ ಆಗಿತ್ತು. ಆದರೆ, ಬಜೆಟ್ ಸರಿಯಾಗಿ ಬಳಕೆ ಆಗಿಲ್ಲ. ನಿರೀಕ್ಷೆಯನ್ನು ಸಿನಿಮಾ ಹುಸಿ ಮಾಡಿತ್ತು. ಹೀಗಾಗಿ ‘ಹನುಮಾನ್’ ನೋಡಿದ ಅನೇಕರು ‘ಈ ಚಿತ್ರ ನೋಡಿ ಕಲಿಯಿರಿ’ ಎಂದು ಓಂ ರಾವತ್​ಗೆ ಬುದ್ಧಿವಾದ ಹೇಳಿದ್ದಾರೆ.

ಇದನ್ನೂ ಓದಿ: ರಾಮ್​ ಗೋಪಾಲ್​ ವರ್ಮಾ ಕಂಡಂತೆ ರಾಜಮೌಳಿ; ಸಿನಿ ಮಾಂತ್ರಿಕನ ಬಗ್ಗೆ ಆರ್​ಜಿವಿ ಬರೆದ ವಿಶೇಷ ಲೇಖನ..

ಪ್ರಶಾಂತ್ ವರ್ಮ ಅವರು ‘ಹನುಮಾನ್’ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಸಣ್ಣ ಬಜೆಟ್​ನಲ್ಲಿ ಒಳ್ಳೆಯ ಗ್ರಾಫಿಕ್ಸ್ ಮಾಡಿದ ಅವರನ್ನು ಎಲ್ಲರೂ ಕೊಂಡಾಡುತ್ತಿದ್ದಾರೆ. ಹನುಮಂತನ ಸ್ಫೂರ್ತಿಯಾಗಿ ಇಟ್ಟುಕೊಂಡು ‘ಹನುಮಾನ್’ ಚಿತ್ರದ ಕಥೆ ಸಿದ್ಧವಾಗಿದೆ. ಇದನ್ನು ಕಟ್ಟಿಕೊಟ್ಟ ರೀತಿ ಎಲ್ಲರಿಗೂ ಇಷ್ಟ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 8:27 am, Sat, 13 January 24