12 ವರ್ಷ ಹಿರಿಯ ಮಹಿಳೆ ಜತೆಗಿನ ಪ್ರೀತಿ ಬಗ್ಗೆ ಬಾಯಿ ಬಿಟ್ಟ ಅರ್ಜುನ್ ಕಪೂರ್; ಬೇರೆ ಕಾರಣಕ್ಕೆ ತಂದೆ ಬೋನಿ ಕಪೂರ್ ಕಣ್ಣೀರು
Arjun Kapoor | Malaika Arora: ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ತಮ್ಮ ಸಂಬಂಧದ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದು ಕಡಿಮೆ. ಈಗ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅರ್ಜುನ್ ಕಪೂರ್ ಕೆಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.
Updated on:May 23, 2021 | 12:53 PM
ಪ್ರೀತಿ ಕುರುಡು ಅಂತಾರೆ. ಯಾವಾಗ, ಯಾರಿಗೆ ಯಾರ ಮೇಲೆ ಬೇಕಾದರೂ ಪ್ರೀತಿ ಆಗಬಹುದು. ಅದಕ್ಕೆ ಲೆಕ್ಕಾಚಾರವೇ ಇರುವುದಿಲ್ಲ. ಈ ಮಾತಿಗೆ ಪಕ್ಕಾ ಉದಾಹರಣೆ ಎಂದರೆ ಬಾಲಿವುಡ್ ನಟ ಅರ್ಜುನ್ ಕಪೂರ್ ಮತ್ತು ನಟಿ ಮಲೈಕಾ ಅರೋರಾ. ಇಬ್ಬರ ನಡುವೆ ಅತಿ ಅಪರೂಪದ ಸಂಬಂಧ ಇದೆ. ಒಂದು ಕಾಲದಲ್ಲಿ ಟಾಪ್ ಐಟಂ ಡ್ಯಾನ್ಸರ್ ಆಗಿದ್ದ ಮಲೈಕಾ ಅರೋರಾ ಅವರಿಗೆ ಈಗ 47 ವರ್ಷ ವಯಸ್ಸು. ಅವರನ್ನು ಪ್ರೀತಿಸುತ್ತಿರುವ ನಟ ಅರ್ಜುನ್ ಕಪೂರ್ಗೆ 35ರ ಪ್ರಾಯ. ಈ ಬಗ್ಗೆ ಈಗ ಅರ್ಜುನ್ ಕಪೂರ್ ಮಾತನಾಡಿದ್ದಾರೆ.
ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ತುಂಬಾ ಆತ್ಮೀಯವಾಗಿರುವ ಅನೇಕ ಫೋಟೋಗಳು ಅವರ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಕಾಣಸಿಗುತ್ತವೆ. ಆದರೆ ಈ ಜೋಡಿ ತಮ್ಮ ಸಂಬಂಧದ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದು ಕಡಿಮೆ. ಈಗ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅರ್ಜುನ್ ಕಪೂರ್ ಕೆಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ‘ನನ್ನ ಖಾಸಗಿ ಜೀವನದ ಬಗ್ಗೆ ನಾನು ಹೆಚ್ಚು ಮಾತನಾಡುವುದಿಲ್ಲ. ಯಾಕೆಂದರೆ ನಾವು ನಮ್ಮ ಸಂಗಾತಿಯನ್ನು ಗೌರವಿಸಬೇಕು’ ಎಂದು ಅರ್ಜುನ್ ಕಪೂರ್ ಹೇಳಿದ್ದಾರೆ.
ನಟ, ನಿರ್ಮಾಪಕ ಅರ್ಬಾಜ್ ಖಾನ್ ಜೊತೆ ಮಲೈಕಾ ಮದುವೆ ಆಗಿದ್ದರು. ಡಿವೋರ್ಸ್ ಪಡೆದು ದೂರಾಗಿರುವ ಅವರಿಗೆ ಅರ್ಹಾನ್ ಖಾನ್ ಎಂಬ ಮಗ ಇದ್ದಾನೆ. ಆತನ ಬಗ್ಗೆಯೂ ಅರ್ಜುನ್ ಕಾಳಜಿ ಹೊಂದಿದ್ದಾರೆ. ಆತನ ಬಗ್ಗೆ ಅವರಿಗೆ ಅಷ್ಟು ಕರುಣೆ ಮೂಡಲು ಕಾರಣವೂ ಇದೆ. ಅರ್ಜುನ್ ಕಪೂರ್ ತಂದೆ ಬೋನಿ ಕಪೂರ್ ಅವರು ತಮ್ಮ ಹೆಂಡತಿಯನ್ನು (ಮೋನಾ ಶೌರಿ ಕಪೂರ್) ಬಿಟ್ಟು ಶ್ರೀದೇವಿಯನ್ನು ಮದುವೆ ಆದಾಗ ಅರ್ಜುನ್ ಕಪೂರ್ ಕಣ್ಣೀರು ಹಾಕಿದ್ದರು. ಈಗ ಅದೇ ಪರಿಸ್ಥಿತಿ ಅರ್ಹಾನ್ ಖಾನ್ಗೆ ಆಗಬಾರದು ಎಂಬುದು ಅರ್ಜುನ್ ಆಶಯವಂತೆ.
ಅದೇನೇ ಇರಲಿ, ಒಂದು ಕಡೆ ಅರ್ಜುನ್ ಕಪೂರ್ ತಮ್ಮ ರಿಲೇಷನ್ಶಿಪ್ ಬಗ್ಗೆ ಮಾತನಾಡುತ್ತಿದ್ದರೆ, ಇನ್ನೊಂದು ಕಡೆ ಅವರ ತಂದೆ ಬೋನಿ ಕಪೂರ್ ಬೇರೆ ವಿಚಾರಕ್ಕೆ ಕಣ್ಣೀರು ಹಾಕುತ್ತಿದ್ದಾರೆ. ಅಜಯ್ ದೇವಗನ್ ನಟನೆಯು ‘ಮೈದಾನ್’ ಚಿತ್ರಕ್ಕೆ ಬೋನಿ ನಿರ್ಮಾಪಕರು. ಆ ಚಿತ್ರಕ್ಕಾಗಿ ಅವರು ಕೋಟ್ಯಂತರ ರೂ. ವೆಚ್ಚದಲ್ಲಿ ಹಾಕಲಾಗಿದ್ದ ಸೆಟ್ ತೌಕ್ತೆ ಚಂಡಮಾರುತದ ಕಾರಣದಿಂದ ಸರ್ವನಾಶ ಆಗಿದೆ. ಅದರಿಂದ ಬೋನಿ ಕಪೂರ್ಗೆ ಸಿಕ್ಕಾಪಟ್ಟೆ ನಷ್ಟ ಆಗಿದೆ. ‘ಅದನ್ನು ನೆನಪಿಸಿಕೊಂಡರೆ ನನಗೆ ಅಳುಬರುತ್ತದೆ’ ಎಂದು ಅವರು ತಲೆ ಮೇಲೆ ಕೈಹೊತ್ತುಕೊಂಡು ಕುಳಿತಿದ್ದಾರೆ.
ಇದನ್ನೂ ಓದಿ:
ಶಿಲ್ಪಾ ಶೆಟ್ಟಿ, ಮಲೈಕಾ Hottest Moms ಅಂತೆ! ಹೋಲಿಕೆಯ ವಿರುದ್ಧ ಆಕ್ರೋಶ
ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್ ಜೊತೆ ಸುತ್ತಾಡುತ್ತಿರುವ ಹುಡುಗ ಯಾರು? ಫೋಟೋ ವೈರಲ್
Published On - 12:44 pm, Sun, 23 May 21
