‘ಶೈತಾನ್​’ ಚಿತ್ರಕ್ಕೆ ಬರಲಿದೆ ಸೀಕ್ವೆಲ್; ಹೊಸ ದಾಖಲೆ ಬರೆದ ಅಜಯ್ ದೇವಗನ್

ಅಜಯ್ ದೇವಗನ್ ನಟನೆಯ ‘ಶೈತಾನ್’ ಸಿನಿಮಾ ದೊಡ್ಡ ಗೆಲುವು ಕಂಡಿತು. ಈ ಚಿತ್ರದಿಂದ ಅವರಿಗೆ ಭರ್ಜರಿ ಗೆಲುವು ಸಿಕ್ಕಿದೆ. ಈ ಸಿನಿಮಾಗೆ ಈಗ ಸೀಕ್ವೆಲ್ ಮಾಡಲು ತಂಡ ರೆಡಿ ಆಗಿದೆ. ಅಜಯ್ ದೇವಗನ್ ಅವರು ಸೀಕ್ವೆಲ್​ನಲ್ಲಿ ನಟಿಸಲಿದ್ದಾರೆ. ಈ ಮೂಲಕ ‘ಶೈತಾನ್’ ಫ್ರಾಂಚೈಸ್​ನ ಭಾಗವಾಗಿ ಅಜಯ್ ಇರಲಿದ್ದಾರೆ. ಇದರ ಜೊತೆಗೆ ಅವರು ವಿಶೇಷ ದಾಖಲೆಯನ್ನು ಕೂಡ ಬರೆದಿದ್ದಾರೆ.

ಈ ವರ್ಷ ರಿಲೀಸ್ ಆದ ‘ಶೈತಾನ್’ ಸಿನಿಮಾ ಮೆಚ್ಚುಗೆ ಪಡೆಯಿತು. ಬ್ಲ್ಯಾಕ್ ಮ್ಯಾಜಿಕ್​ನ ಕಥೆ ಈ ಚಿತ್ರದಲ್ಲಿ ಇತ್ತು. ಅಜಯ್ ದೇವಗನ್ ಈ ಚಿತ್ರಕ್ಕೆ ಹೀರೋ. ಜ್ಯೋತಿಕಾ ಅವರು ಅಜಯ್ ದೇವಗನ್ ಪತ್ನಿ ಪಾತ್ರದಲ್ಲಿ ಕಾಣಸಿಕೊಂಡಿದ್ದರು. ಆರ್​. ಮಾಧವನ್ ಅವರು ನೆಗೆಟಿವ್ ಶೇಡ್​ನ ಪಾತ್ರ ಮಾಡಿದ್ದರು. ಈಗ ‘ಶೈತಾನ್’ ಫ್ರಾಂಚೈಸ್ ಆಗಿ ಬದಲಾಗುತ್ತಿದೆ. ಭಾರತದ ಹೀರೋ ಒಬ್ಬರು ಅತಿ ಹೆಚ್ಚು ಫ್ರಾಂಚೈಸ್​​ಗಳಲ್ಲಿ ನಟಿಸಿದ ಖ್ಯಾತಿ ಅಜಯ್ ದೇವಗನ್​ಗೆ ಸಿಕ್ಕಿದೆ.

‘ಶೈತಾನ್ 2’ ಚಿತ್ರಕ್ಕೆ ಸ್ಕ್ರಿಪ್ಟ್ ಫೈನಲ್ ಆಗಿದೆ. ಅಜಯ್ ದೇವಗನ್ ಹಾಗೂ ಸಿನಿಮಾ ತಂಡದವರು ಮಾತುಕತೆ ನಡೆಸಿದ್ದು, ಈ ಸಿನಿಮಾ ಸೆಟ್ಟೇರಬೇಕು ಎಂದು ಆಶಿಸಿದ್ದಾರೆ. ಅಜಯ್ ದೇವಗನ್ ಅವರು ಬೇರೆ ಬೇರೆ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಇದರ ಜೊತೆಗೆ ಅವರು ಈ ಚಿತ್ರದ ಕೆಲಸದಲ್ಲೂ ತೊಡಗಿಕೊಳ್ಳಲಿದ್ದಾರೆ.

ಸದ್ಯ ಅಜಯ್ ದೇವಗನ್ ಹಲವು ಸಿನಿಮಾ ಸೀಕ್ವೆಲ್​ಗಳಲ್ಲಿ ನಟಿಸುತ್ತಿದ್ದಾರೆ. ‘ಸಿಂಗಂ ಅಗೇನ್’, ‘ರೇಡ್​ 2’ ‘ದೇ ದೇ ಪ್ಯಾರ್ ದೇ 2’ ಹಾಗೂ ‘ಸನ್ ಆಫ್ ಸರ್ದಾರ್ 2’ ಚಿತ್ರಗಳಲ್ಲಿ ಅವರು ಬ್ಯುಸಿ ಇದ್ದಾರೆ. ಈಗ ಈ ಸಾಲಿಗೆ ‘ಶೈತಾನ್ 2’ ಕೂಡ ಸೇರ್ಪಡೆ ಆಗಿದೆ.

ಇದನ್ನೂ ಓದಿ: ಮೊದಲ ದಲಿತ ಕ್ರಿಕೇಟಿಗನ ಬಗ್ಗೆ ಬಯೋಪಿಕ್; ಮುಖ್ಯಭೂಮಿಕೆಯಲ್ಲಿ ಅಜಯ್ ದೇವಗನ್ 

ಅಜಯ್ ದೇವಗನ್ ಅವರು ಈ ಮೊದಲು ‘ಗೋಲ್​ಮಾಲ್’ (4 ಸಿನಿಮಾಗಳು), ‘ಸಿಂಗಂ’ (2 ಸಿನಿಮಾ), ‘ಧಮಾಲ್’ (3 ಸಿನಿಮಾಗಳಿದ್ದು ‘ಟೋಟಲ್ ಧಮಾಲ್​’ನಲ್ಲಿ ನಟನೆ), ‘ದೃಶ್ಯಂ’ (2 ಸಿನಿಮಾ) ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.