ಮೂರು ವರ್ಷಗಳ ಬಳಿಕ ಬ್ರೇಕಪ್ ಮಾಡಿಕೊಂಡ ಅನನ್ಯಾ ಪಾಂಡೆ-ಇಶಾನ್​ ಖಟ್ಟರ್

ನಟಿ ಅನನ್ಯಾ ಪಾಂಡೆ (Ananya Panday) ಬಾಲಿವುಡ್​ನಲ್ಲಿ ಈಗತಾನೇ ಗುರುತಿಸಿಕೊಳ್ಳುತ್ತಿದ್ದಾರೆ. ಅವರ ನಟನೆಯ ‘ಗೆಹರಾಯಿಯಾ’ ಸಿನಿಮಾ ತೆರೆಗೆ ಬಂದು ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತು. ಪ್ರೀತಿ ವಿಚಾರದಿಂದಲೂ ಆಗಾಗ ಸುದ್ದಿ ಆಗುತ್ತಾರೆ. ಆದರೆ, ಈಗ ಅನನ್ಯಾ ಪಾಂಡೆ ಬ್ರೇಕಪ್​ ವಿಚಾರಕ್ಕೆ ಸುದ್ದಿಯಾಗಿದ್ದಾರೆ. ಅನನ್ಯಾ ಹಾಗೂ ನಟ ಇಶಾನ್ ಖಟ್ಟರ್ ನಡುವೆ ಇದ್ದ ಮೂರು ವರ್ಷಗಳ ಪ್ರೀತಿ ಬ್ರೇಕಪ್​ನಲ್ಲಿ ಅಂತ್ಯವಾಗಿದೆ ಎಂದು ವರದಿ ಆಗಿದೆ. 2020ರಲ್ಲಿ ತೆರೆಕಂಡ ‘ಖಾಲಿ ಪೀಲಿ’ ಸಿನಿಮಾದಲ್ಲಿ ಇಶಾನ್​ ಖಟ್ಟರ್ (Ishaan Khatter) ಮತ್ತು ಅನನ್ಯಾ ಪಾಂಡೆ ಜೊತೆಯಾಗಿ ನಟಿಸಿದರು. ಆ ಸಿನಿಮಾದ ಶೂಟಿಂಗ್​ ವೇಳೆ ಇಬ್ಬರ ನಡುವೆ ಆಪ್ತತೆ ಬೆಳೆಯಿತು. ಇಬ್ಬರೂ ರಿಲೇಶನ್​ಶಿಪ್​ನಲ್ಲಿದ್ದು ಮೂರು ವರ್ಷಗಳೇ ಕಳೆದಿದ್ದವು. ಈ ಬಾರಿ ಹೊಸ ವರ್ಷವನ್ನು ಇಬ್ಬರೂ ಒಟ್ಟಾಗಿ ಸ್ವಾಗತಿಸಿದ್ದರು. ಆದರೆ, ರಿಲೇಶನ್​ಶಿಪ್​ ಬಗ್ಗೆ ಇಬ್ಬರೂ ಎಲ್ಲಿಯೂ ಹೇಳಿಕೊಂಡಿರಲಿಲ್ಲ. ಈಗ ಇವರ ಸಂಬಂಧ ಬ್ರೇಕಪ್​ನಲ್ಲಿ ಅಂತ್ಯವಾಗಿದೆ.

‘ಅನನ್ಯಾ ಪಾಂಡೆ ಹಾಗೂ ಇಶಾನ್​ ಮೂರು ವರ್ಷ ಒಟ್ಟಾಗಿ ಇದ್ದರು. ಈಗ ಇಬ್ಬರೂ ಬೇರೆ ಆಗುವ ನಿರ್ಧಾರಕ್ಕೆ ಬಂದಿದ್ದಾರೆ. ಇದು ಮ್ಯೂಚುವಲ್​ ನಿರ್ಧಾರ. ಮುಂದೆ ಇಬ್ಬರೂ ಒಟ್ಟಾಗಿ ನಟಿಸಲು ರೆಡಿ ಇದ್ದಾರೆ’ ಎಂದು ಪಿಂಕ್​ವಿಲ್ಲಾ ವರದಿ ಮಾಡಿದೆ.

ಇತ್ತೀಚೆಗೆ ಐಪಿಎಲ್​ನಲ್ಲಿ ಅನನ್ಯಾ ಪಾಂಡೆ ಕಾಣಿಸಿಕೊಂಡಿದ್ದರು. ಆರ್ಯನ್​ ಖಾನ್​ ಹಾಗೂ ಸುಹಾನಾ ಖಾನ್ ಜತೆ ಅನನ್ಯಾ ತುಂಬಾನೇ ಕ್ಲೋಸ್ ಆಗಿದ್ದಾರೆ. ಈ ಕಾರಣಕ್ಕೆ ಶಾರುಖ್ ಒಡೆತನದ ಕೋಲ್ಕತ್ತಾ ತಂಡವನ್ನು ಬೆಂಬಲಿಸಲು ಆರ್ಯನ್ ಹಾಗೂ ಸುಹಾನಾ ತೆರಳಿದ್ದರು. ಈ ವೇಳೆ ಅನನ್ಯಾ ಕೂಡ ಅಲ್ಲಿ ಹಾಜರಿ ಹಾಕಿದ್ದರು.

ಇಶಾನ್​ ನನ್ನ ಫೇವರಿಟ್​ ಎಂದಿದ್ದ ಅನನ್ಯಾ:

ಅನನ್ಯಾ ಸಿಂಗಲ್​ ಆಗಿದ್ದಾರಾ ಅಥವಾ ರಿಲೇಷನ್​ಶಿಪ್​ನಲ್ಲಿ ಇದ್ದಾರಾ ಎಂಬುದು ಅಭಿಮಾನಿಯ ಪ್ರಶ್ನೆ ಆಗಿತ್ತು. ಅದಕ್ಕೆ ನೇರವಾಗಿ ಉತ್ತರ ನೀಡುವ ಬದಲು ಅನನ್ಯಾ ಪಾಂಡೆ ಹಾರಿಕೆ ಉತ್ತರ ನೀಡಿದ್ದರು. ‘ನಾನು ಖುಷಿಯಾಗಿದ್ದೇನೆ’ ಎಂದು ಹೇಳುವ ಮೂಲಕ ಅವರು ಜಾರಿಕೊಂಡಿದ್ದರು. ಹಾಗಾದರೆ ನಿಮ್ಮ ಫೇವರಿಟ್​ ನಟ ಯಾರು ಎಂದು ಕೇಳಲಾಗಿತ್ತು. ಅದಕ್ಕೆ ಅವರು ಇಶಾನ್​ ಖಟ್ಟರ್​ ಹೆಸರು ಹೇಳಿದ್ದರು. ಬಳಿಕ ತಮ್ಮ ಹೇಳಿಕೆಯನ್ನು ಕೊಂಚ ಬದಲಾಯಿಸಿಕೊಂಡಿದ್ದರು. ‘ನನ್ನ ಜೊತೆ ಅಭಿನಯಿಸಿದ ಎಲ್ಲ ನಟರು ನನಗೆ ಇಷ್ಟ. ‘ಗೆಹರಾಯಿಯಾ’ ಬಳಿಕ ‘ಕೋ ಗಯೇ ಹಮ್​ ಕಹಾ’ ಸಿನಿಮಾದಲ್ಲಿ ಸಿದ್ಧಾಂತ್​ ಚತುರ್ವೇದಿ ಜೊತೆ ನಾನು ಮತ್ತೊಮ್ಮೆ ಕೆಲಸ ಮಾಡಲಿದ್ದೇನೆ’ ಎಂದು ಅನನ್ಯಾ ಪಾಂಡೆ ಹೇಳಿದ್ದರು.

ಇದನ್ನೂ ಓದಿ: ಹಾಟ್​ ಅವತಾರದಲ್ಲಿ ಅನನ್ಯಾ ಪಾಂಡೆ

ಅನನ್ಯಾ ಪಾಂಡೆ ಹಾಟ್​ ಡ್ರೆಸ್​ ಬಗ್ಗೆ ಟ್ರೋಲ್​ ದಾಳಿ; ಮಗಳ ರಕ್ಷಣೆಗೆ ಬಂದ ತಂದೆ ಹೇಳಿದ್ದೇನು?