‘ನಿನಗೆ ತಂದೆ ಇಲ್ಲ’: ತನ್ನ ಮಗುವಿಗೆ ಸತ್ಯ ತಿಳಿಸಿದ ಏಕ್ತಾ ಕಪೂರ್

ಕಳೆದ ಕೆಲವು ವರ್ಷಗಳಲ್ಲಿ, ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಅನೇಕ ಸೆಲೆಬ್ರಿಟಿಗಳು ಸಿಂಗಲ್ ಪೇರೆಂಟ್‌ಹುಡ್ ಅನ್ನು ಅಳವಡಿಸಿಕೊಂಡಿದ್ದಾರೆ. ನಿರ್ಮಾಪಕ-ನಿರ್ದೇಶಕ ಕರಣ್ ಜೋಹರ್, ನಟ ತುಷಾರ್ ಕಪೂರ್, ನಿರ್ಮಾಪಕಿ ಏಕ್ತಾ ಕಪೂರ್ ಬಾಡಿಗೆ ತಾಯ್ತನದ ಮೂಲಕ ಪೋಷಕರಾಗಲು ನಿರ್ಧರಿಸಿದರು. ಏಕ್ತಾ ಕಪೂರ್ 2019 ರಲ್ಲಿ ಬಾಡಿಗೆ ತಾಯ್ತನದ ಮೂಲಕ ಮಗನ ತಾಯಿಯಾದರು. ಅವರ ಮಗನ ಹೆಸರು ರವಿ ಕಪೂರ್. ಸಂದರ್ಶನವೊಂದರಲ್ಲಿ ಏಕ್ತಾ ತಮ್ಮ ಹೊಸ ಜವಾಬ್ದಾರಿಯ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ಏಕ್ತಾ ಕಪೂರ್ಗೆ ಇನ್ನೂ ವಿವಾಹ ಆಗಿಲ್ಲ.

‘ನನ್ನ ಜೀವನದಲ್ಲಿ ನಾನು ಬಹಳಷ್ಟು ಜನರನ್ನು ಹೊಂದಿದ್ದೇನೆ. ಅವರು ನಿರಂತರವಾಗಿ ನನಗೆ ಸಲಹೆ ನೀಡುತ್ತಾರೆ. ನಾನು ನನ್ನ ಮಗನೊಂದಿಗೆ ಮಾತನಾಡುತ್ತೇನೆ. ಅವನು ಏಳು ತಿಂಗಳ ಮಗುವಾಗಿದ್ದಾಗ, ನಿನಗೆ ತಂದೆ ಇಲ್ಲ ಮತ್ತು ನಾನು ನಿನ್ನೊಂದಿಗೆ ಇರುತ್ತೇನೆ ಎಂದು ನಾನು ಅವನಿಗೆ ಹೇಳಿದೆ. ಖಂಡಿತ ನನಗೂ ತಪ್ಪಿತಸ್ಥ ಭಾವನೆ ಇದೆ. ಆದರೆ ಪರಿಪೂರ್ಣತೆಯು ಮರೀಚಿಕೆಯಂತೆ ಮತ್ತು ನಾನು ಪರಿಪೂರ್ಣ ತಾಯಿಯಲ್ಲ’ ಎಂದು ಅವರು ಹೇಳಿದ್ದಾರೆ. ಟ್ವಿಟರ್‌ನಲ್ಲಿ ಈ ಮೊದಲು ಅವರು ಏಳು ವರ್ಷಗಳಿಂದ ತಾಯಿಯಾಗಲು ಪ್ರಯತ್ನಿಸುತ್ತಿರುವುದನ್ನು ಬಹಿರಂಗಪಡಿಸಿದ್ದಾರೆ. ಈ ಏಳು ವರ್ಷಗಳಲ್ಲಿ ಆಕೆಯ ವೈದ್ಯರು ಆಕೆಗೆ ವಿವಿಧ ಆಯ್ಕೆಗಳನ್ನು ಸೂಚಿಸಿದ್ದರು.

ಇದನ್ನೂ ಓದಿ: ಸಾವಿರ ಕೋಟಿ ರೂಪಾಯಿ ಬಿಸ್ನೆಸ್ ಮಾಡಿದ ನಿರ್ದೇಶಕ ಅಟ್ಲಿಗೆ ಬಾಲಿವುಡ್​ನಲ್ಲಿ ಇದೆಂಥ ಸ್ಥಿತಿ

ಏಕ್ತಾ ಕಪೂರ್ ಎರಡನೇ ಬಾರಿಗೆ ತಾಯಿಯಾಗುವ ಬಗ್ಗೆಯೂ ಮಾತುಕತೆ ನಡೆಯುತ್ತಿದೆ. ಬಾಡಿಗೆ ತಾಯ್ತನದ ಮೂಲಕ ಏಕ್ತಾ ಎರಡನೇ ಬಾರಿಗೆ ತಾಯಿಯಾಗಲು ಪ್ರಯತ್ನಿಸುತ್ತಿದ್ದಾರೆ ಎಂದು ಬಾಲಿವುಡ್ ಲೈಫ್ ವೆಬ್‌ಸೈಟ್ ವರದಿ ಮಾಡಿದೆ. ಆದರೆ ಈ ವರದಿಯ ನಂತರ, ಅದರಲ್ಲಿ ಯಾವುದೇ ಸತ್ಯವಿಲ್ಲ ಎಂದು ಏಕ್ತಾ ಕಪೂರ್ ಅವರ ಆಪ್ತ ಮೂಲಗಳು ಸ್ಪಷ್ಟಪಡಿಸಿವೆ. ‘ಈ ವರದಿಯು ಹಾಸ್ಯಾಸ್ಪದ ಮತ್ತು ಅತ್ಯಂತ ತಪ್ಪು’ ಎಂದು ಅವರು ಹೇಳಿದರು.

ಈ ಹಿಂದೆ, ನಿರ್ಮಾಪಕ-ನಿರ್ದೇಶಕ ಕರಣ್ ಜೋಹರ್ ಸಹ ಸಿಂಗಲ್ ಪೇರೆಂಟ್‌ಹುಡ್ ಬಗ್ಗೆ ಮುಕ್ತವಾಗಿ ಹೇಳಿದ್ದರು. 2017ರಲ್ಲಿ ಬಾಡಿಗೆ ತಾಯ್ತನದ ಮೂಲಕ ಅವಳಿ ಮಕ್ಕಳಿಗೆ ತಂದೆಯಾದರು. ತಾಯಿ ಜೊತೆಗೆ ತನ್ನ ಮಕ್ಕಳಿಬ್ಬರನ್ನೂ ಅವರು ನೋಡಿಕೊಳ್ಳುತ್ತಿದ್ದಾರೆ. ಆದರೆ ಮಕ್ಕಳು ತಮ್ಮ ತಾಯಿಯ ಬಗ್ಗೆ ಪ್ರಶ್ನೆಗಳನ್ನು ಕೇಳಿದಾಗ, ಅವರು ಏನು ಉತ್ತರಿಸಬೇಕೆಂದು ತಿಳಿಯುತ್ತಿಲ್ಲ. ಮಕ್ಕಳ ಈ ಪ್ರಶ್ನೆಗಳಿಗೆ ಉತ್ತರಿಸಲು ಅಗತ್ಯ ಮಾರ್ಗದರ್ಶನ ಪಡೆಯಬೇಕು ಎಂದಿದ್ದರು. ಏಕ್ತಾ ಕಪೂರ್ ಅವರ ಸಹೋದರ ಮತ್ತು ನಟ ತುಷಾರ್ ಕಪೂರ್ ಕೂಡ ಬಾಡಿಗೆ ತಾಯ್ತನವನ್ನು ಆರಿಸಿಕೊಂಡರು. 2016ರಲ್ಲಿ ಬಾಡಿಗೆ ತಾಯ್ತನದ ಮೂಲಕ ಮಗನ ತಂದೆಯಾದರು. ತುಷಾರನ ಮಗನ ಹೆಸರು ಲಕ್ಷ್ಯ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ