ಜಾನ್ವಿ ಕಪೂರ್ ಬಾಯ್ಫ್ರೆಂಡ್ಗೆ ದಲಿತ ಎಂದು ಮೂದಲಿಸಿದ ಅಭಿಮಾನಿ: ಸಿಕ್ತು ಖಡಕ್ ಉತ್ತರ
Janhvi Kapoor-Shikhar Pahariya: ಜಾನ್ವಿ ಕಪೂರ್ ಅವರ ಗೆಳೆಯ ಶಿಖರ್ ಪಹಾಡಿಯಾ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಜಾತೀಯತೆಯ ಕಾಮೆಂಟ್‌ಗೆ ತೀಕ್ಷ್ಣವಾಗಿ ಉತ್ತರಿಸಿದ್ದಾರೆ. ದೀಪಾವಳಿಯ ಫೋಟೋಗೆ ಬಂದ ಕಾಮೆಂಟ್‌ಗೆ ಉತ್ತರಿಸುತ್ತಾ, ಅವರು ಭಾರತದ ವೈವಿಧ್ಯತೆ ಮತ್ತು ಏಕತೆಯನ್ನು ಒತ್ತಿಹೇಳಿದ್ದಾರೆ. ಶಿಖರ್ ಹಾಗೂ ಜಾನ್ಹವಿ ಪರಸ್ಪರ ಪ್ರೀತಿಯಲ್ಲಿದ್ದು, ಶೀಘ್ರವೇ ಮದುವೆ ಸಹ ಆಗಲಿದ್ದಾರೆ.
Updated on:Mar 18, 2025 | 8:36 PM
ನಟಿ ಜಾನ್ಹವಿ ಕಪೂರ್ (Janhvi Kapoor) ಅವರ ಗೆಳೆಯ ಮತ್ತು ಮಾಜಿ ರಾಜ್ಯ ಮುಖ್ಯಮಂತ್ರಿ ಸುಶೀಲ್ ಕುಮಾರ್ ಶಿಂಧೆ ಅವರ ಮೊಮ್ಮಗ ಶಿಖರ್ ಪಹಾಡಿಯಾ ಸಾಮಾಜಿಕ ಮಾಧ್ಯಮದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಅವರು ತಮಗೆ ಬರುವ ಕಾಮೆಂಟ್ಗಳಿಗೆ ಉತ್ತರಿಸುತ್ತಾರೆ. ಶಿಖರ್ ಕಳೆದ ವರ್ಷದ ದೀಪಾವಳಿ ಆಚರಣೆಯ ಫೋಟೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದರಲ್ಲಿ ಸಾಕು ನಾಯಿ ಜೊತೆ ಅವರು ಕಾಣಿಸಿಕೊಂಡಿದ್ದಾರೆ. ಅದೇ ಫೋಟೋಗೆ ಒಬ್ಬ ಬಳಕೆದಾರರು ‘ಆದರೆ ನೀವು ದಲಿತರು’ ಎಂದು ಕಾಮೆಂಟ್ ಮಾಡಿದ್ದಾನೆ. ಶಿಖರ್ ಈ ಕಾಮೆಂಟ್‌ನ ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಂಡು ಒಂದು ಉದ್ದವಾದ ಪೋಸ್ಟ್ ಬರೆದಿದ್ದಾರೆ.
‘2025 ರಲ್ಲೂ ನಿಮ್ಮಂತಹ ಸಣ್ಣ, ಹಿಂದುಳಿದ ಚಿಂತನೆ ಹೊಂದಿರುವ ಜನರು ಇರುವುದು ನಿಜಕ್ಕೂ ದುರದೃಷ್ಟಕರ’ ಎಂದು ಶಿಖರ್ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದಿದ್ದಾರೆ. ‘ದೀಪಾವಳಿಯು ಬೆಳಕು, ಪ್ರಗತಿ ಮತ್ತು ಏಕತೆಯ ಆಚರಣೆಯಾಗಿದೆ. ಅದು ನಿಮ್ಮ ಸೀಮಿತ ಬುದ್ಧಿಶಕ್ತಿಗೆ ಮೀರಿದ ಪರಿಕಲ್ಪನೆಗಳು. ಭಾರತದ ಶಕ್ತಿ ಯಾವಾಗಲೂ ಅದರ ವೈವಿಧ್ಯತೆ ಮತ್ತು ಎಲ್ಲರನ್ನೂ ಒಳಗೊಳ್ಳುವಿಕೆಯಲ್ಲಿದೆ. ಅದು ನಿಮಗೆ ಅರ್ಥವಾಗುವುದಿಲ್ಲ. ಅಂತಹ ಅಜ್ಞಾನವನ್ನು ಹರಡುವ ಬದಲು, ನೀವು ನಿಮ್ಮನ್ನು ಶಿಕ್ಷಣ ಮಾಡಿಕೊಳ್ಳುವತ್ತ ಗಮನ ಹರಿಸಬೇಕು. ಏಕೆಂದರೆ ಈಗ ಇಲ್ಲಿ ನಿಜವಾಗಿಯೂ ಅಸ್ಪೃಶ್ಯವಾಗಿರುವುದು ನಿಮ್ಮ ಆಲೋಚನಾ ಮಟ್ಟ ಮಾತ್ರ’ ಎಂದಿದ್ದಾರೆ.
ಇದನ್ನೂ ಓದಿ:ಮದುವೆ ತಯಾರಿಯಲ್ಲಿ ಬ್ಯುಸಿಯಾದರೆ ನಟಿ ಜಾನ್ಹವಿ ಕಪೂರ್?
ಶಿಖರ್ ಪಹಾರಿಯಾ ಅವರು ಮಾಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ಸುಶೀಲ್ ಕುಮಾರ್ ಶಿಂಧೆ ಅವರ ಮೊಮ್ಮಗ. ಅವರ ತಾಯಿ ಸ್ಮೃತಿ ಶಿಂಧೆ ಓರ್ವ ನಟಿ. ಏತನ್ಮಧ್ಯೆ, ಹಿರಿಯ ಸಹೋದರ ವೀರ್ ಪಹಾಡಿಯಾ ಇತ್ತೀಚೆಗೆ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ್ದಾರೆ. ಅವರು ಅಕ್ಷಯ್ ಕುಮಾರ್ ಅವರ ‘ಸ್ಕೈಫೋರ್ಸ್’ ಚಿತ್ರದಲ್ಲಿ ನಟನೆಗೆ ಪಾದಾರ್ಪಣೆ ಮಾಡಿದರು. ಇದರಲ್ಲಿ ಅವರು ಅಕ್ಷಯ್ ಕುಮಾರ್, ಸಾರಾ ಅಲಿ ಖಾನ್ ಮತ್ತು ನಿಮ್ರತ್ ಕೌರ್ ಅವರೊಂದಿಗೆ ನಟಿಸಿದ್ದಾರೆ.
ಶಿಖರ್ ಮತ್ತು ಜಾನ್ವಿ ಕಳೆದ ಕೆಲವು ವರ್ಷಗಳಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದಾರೆ. ಇಬ್ಬರೂ ತಮ್ಮ ಪ್ರೀತಿಯನ್ನು ಮಾಧ್ಯಮಗಳಿಗೆ ಸಾರ್ವಜನಿಕವಾಗಿ ಒಪ್ಪಿಕೊಂಡಿಲ್ಲವಾದರೂ, ಅವರು ವಿವಿಧ ಪಾರ್ಟಿಗಳು, ಕಾರ್ಯಕ್ರಮಗಳು ಮತ್ತು ಚಲನಚಿತ್ರ ಪ್ರದರ್ಶನಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಜಾನ್ವಿ ಮತ್ತು ಶಿಖರ್ ಅವರ ತಾಯಿ ಕೂಡ ಒಟ್ಟಿಗೆ ಸಿದ್ಧಿವಿನಾಯಕ ಗಣೇಶನ ದರ್ಶನ ಪಡೆದರು.
ಸಂದರ್ಶನವೊಂದರಲ್ಲಿ ಜಾನ್ವಿ ಶಿಖರ್ ಬಗ್ಗೆ ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾರೆ. ‘ಅವನು ನನ್ನ ಜೀವನದಲ್ಲಿ 15-16 ವರ್ಷ ವಯಸ್ಸಿನಿಂದಲೂ ಇದ್ದಾನೆ. ನನ್ನ ಕನಸುಗಳು ಯಾವಾಗಲೂ ಅವನ ಕನಸುಗಳೇ ಆಗಿವೆ ಮತ್ತು ಅವನ ಕನಸುಗಳು ಯಾವಾಗಲೂ ನನ್ನದೇ ಆಗಿವೆ ಎಂದು ನಾನು ಭಾವಿಸುತ್ತೇನೆ. ನಾವು ತುಂಬಾ ಆತ್ಮೀಯರು’ ಎಂದಿದ್ದರು.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 8:35 pm, Tue, 18 March 25
