‘ಭೂಲ್​ ಭುಲಯ್ಯ 3’ ಟ್ರೇಲರ್: ದೆವ್ವದ ಲುಕ್​ನಲ್ಲಿ ಮಾಧುರಿ ದೀಕ್ಷಿತ್​, ವಿದ್ಯಾ ಬಾಲನ್

ಬಹುನಿರೀಕ್ಷಿತ ‘ಭೂಲ್​ ಭುಲಯ್ಯ 3’ ಸಿನಿಮಾದ ಟ್ರೇಲರ್​ ಬಿಡುಗಡೆ ಆಗಿದೆ. ಕೆಲವೇ ದಿನಗಳ ಹಿಂದೆ ಬಂದಿದ್ದ ಟೀಸರ್​ನಲ್ಲಿ ಹಾರರ್​ ದೃಶ್ಯಗಳು ಇದ್ದವು. ಈಗ ಟ್ರೇಲರ್​ನಲ್ಲಿ ಅಂತಹ ದೃಶ್ಯಗಳು ಇನ್ನಷ್ಟು ಹೆಚ್ಚಿವೆ. ವಿದ್ಯಾ ಬಾಲನ್​, ಕಾರ್ತಿಕ್​ ಆರ್ಯನ್​, ಮಾಧುರಿ ದೀಕ್ಷಿತ್, ತೃಪ್ತಿ ದಿಮ್ರಿ ಮುಂತಾದ ಕಲಾವಿದರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ವರ್ಷ ದೀಪಾವಳಿ ಪ್ರಯುಕ್ತ ‘ಭೂಲ್​ ಭುಲಯ್ಯ 3’ ಸಿನಿಮಾ ರಿಲೀಸ್​ ಆಗಲಿದೆ. ಟ್ರೇಲರ್​ ಮೂಲಕ ಕೌತುಕ ಹೆಚ್ಚಿಸಿರುವ ಈ ಚಿತ್ರವನ್ನು ನೋಡಲು ಪ್ರೇಕ್ಷಕರು ಕಾದಿದ್ದಾರೆ.

‘ಭೂಲ್​ ಭುಲಯ್ಯ’ ಮತ್ತು ‘ಭೂಲ್​ ಭುಲಯ್ಯ 2’ ಸಿನಿಮಾದಲ್ಲಿ ಮಂಜುಳಿಕಾ ಎಂಬ ಪಾತ್ರ ಹೈಲೈಟ್​ ಆಗಿತ್ತು. ಈಗ ‘ಭೂಲ್​ ಭುಲಯ್ಯ 3’ ಸಿನಿಮಾದಲ್ಲೂ ಆ ಪಾತ್ರವೇ ಪ್ರಧಾನವಾಗಿ ಇರಲಿದೆ. ಟ್ವಿಸ್ಟ್​ ಏನೆಂದರೆ, ಈ ಬಾರಿ ಮಂಜುಳಿಕಾ ಪಾತ್ರವನ್ನು ಇಬ್ಬರು ಮಾಡಿದ್ದಾರೆ. ಮಾಧುರಿ ದೀಕ್ಷಿತ್​ ಮತ್ತು ವಿದ್ಯಾ ಬಾಲನ್​ ಅವರು ಮಂಜುಳಿಕಾ ಆಗಿ ಕಾಣಿಸಿಕೊಳ್ಳಲಿದ್ದಾರೆ.

ಇದನ್ನೂ ಓದಿ: ಹಾರರ್ ಸಿನಿಮಾ ಒಪ್ಪಿಕೊಂಡ ರಶ್ಮಿಕಾ ಮಂದಣ್ಣ; ಕರ್ನಾಟಕದಲ್ಲಿ ನಡೆಯಲಿದೆ ಕಥೆ

ಮಾಧುರಿ ದೀಕ್ಷಿತ್​ ಮತ್ತು ವಿದ್ಯಾ ಬಾಲನ್​ ಅವರಲ್ಲಿ ನಿಜವಾದ ಮಂಜುಳಿಕಾ ಯಾರು ಎಂಬುದು ತಿಳಿಯಲು ಅಭಿಮಾನಿಗಳು ‘ಭೂಲ್​ ಭುಲಯ್ಯ 3’ ಸಿನಿಮಾವನ್ನು ನೋಡಬೇಕು. ಅನೀಸ್​ ಬಾಜ್ಮಿ ಅವರು ಈ ಸಿನಿಮಾಗೆ ನಿರ್ದೇಶನ ಮಾಡಿದ್ದಾರೆ. ನವೆಂಬರ್​ 1ರಂದು ಈ ಚಿತ್ರ ಬಿಡುಗಡೆ ಆಗಲಿದ್ದು ಬಾಕ್ಸ್​ ಆಫೀಸ್​ನಲ್ಲಿ ಕಮಾಲ್​ ಮಾಡುವ ಮುನ್ಸೂಚನೆ ಕಾಣಿಸಿದೆ. ಸಿನಿಮಾ ಬಗ್ಗೆ ಕ್ರೇಜ್​ ಸೃಷ್ಟಿಯಾಗಿದೆ.

‘ಭೂಲ್​ ಭುಲಯ್ಯ 3’ ಟ್ರೇಲರ್:

ಇದು ಕೇವಲ ಹಾರರ್ ಸಿನಿಮಾ ಅಲ್ಲ. ಹಾರರ್​ ಜೊತೆ ಕಾಮಿಡಿ ಕಥೆಯನ್ನೂ ಈ ಸಿನಿಮಾ ಒಳಗೊಂಡಿದೆ ಎಂಬುದು ಟ್ರೇಲರ್​ನಲ್ಲಿ ಸ್ಪಷ್ಟವಾಗಿದೆ. ದೆವ್ವ-ಭೂತ ನೋಡಿ ಹೆದರುವ ಪ್ರೇಕ್ಷಕರು ಕಾಮಿಡಿ ದೃಶ್ಯಗಳನ್ನು ನೋಡಿ ಎಂಜಾಯ್​ ಕೂಡ ಮಾಡಲಿದ್ದಾರೆ. ವಿಜಯ್ ರಾಝ್​, ಸಂಜಯ್​ ಮಿಶ್ರಾ, ರಾಜ್​ಪಾಲ್​ ಯಾಧವ್​ ಮುಂತಾದ ಕಾಮಿಡಿ ಕಲಾವಿದರು ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಸದ್ಯ ಈ ಚಿತ್ರದ ಟ್ರೇಲರ್​ಗೆ ಎಲ್ಲರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಕಾರ್ತಿಕ್​ ಆರ್ಯನ್​ ಅವರ ವೃತ್ತಿಜೀವನಕ್ಕೆ ‘ಭೂಲ್​ ಭುಲಯ್ಯ 3’ ಸಿನಿಮಾದಿಂದ ಮತ್ತೊಂದು ದೊಡ್ಡ ಯಶಸ್ಸು ಸಿಗುವ ನಿರೀಕ್ಷೆ ಇದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.