ಬಾಲಿವುಡ್ಗೆ ಹೋಗಿ ಏಕಾಏಕಿ ಗ್ಲಾಮರ್ ಅವತಾರ ತಾಳಿದ ನಟಿ ಕೀರ್ತಿ ಸುರೇಶ್
ಇತ್ತೀಚೆಗೆ ‘ಬೇಬಿ ಜಾನ್’ ಸಿನಿಮಾದ ಚಿತ್ರೀಕರಣದ ವೇಳೆ ನಟ ವರುಣ್ ಧವನ್ ಅವರ ಬರ್ತ್ಡೇ ಸೆಲೆಬ್ರೇಟ್ ಮಾಡಲಾಯಿತು. ಅಂದು ಸಾಂಗ್ ಚಿತ್ರೀಕರಣ ನಡೆಯುತ್ತಿತ್ತು. ಕೀರ್ತಿ ಸುರೇಶ್ ಅವರು ಶೂಟಿಂಗ್ ನಡುವೆಯೇ ವರುಣ್ ಧವನ್ಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ಈ ಸಂದರ್ಭದಲ್ಲಿ ಅವರು ಧರಿಸಿದ್ದ ಹಾಡಿನ ಕಾಸ್ಟ್ಯೂಮ್ ಗಮನ ಸೆಳೆದಿದೆ. ಗ್ಲಾಮರಸ್ ಗೆಟಪ್ನಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ.
Updated on: Apr 25, 2024 | 6:05 PM
ದಕ್ಷಿಣ ಭಾರತದ ಖ್ಯಾತ ನಟಿ ಕೀರ್ತಿ ಸುರೇಶ್ (Keerthy Suresh) ಅವರಿಗೆ ದೊಡ್ಡ ಫ್ಯಾನ್ಸ್ ಫಾಲೋಯಿಂಗ್ ಇದೆ. ಹೆಚ್ಚಾಗಿ ಅವರು ಗ್ಲಾಮರ್ ಪಾತ್ರಕ್ಕೆ ಕಟ್ಟುಬಿದ್ದವರಲ್ಲ. ಅಭಿನಯದ ಮೂಲಕವೇ ಜನರನ್ನು ಸೆಳೆದುಕೊಂಡ ನಟಿ ಅವರು. ಆದರೆ ಈಗ ಅವರು ಬಾಲಿವುಡ್ಗೆ (Bollywood) ಕಾಲಿಟ್ಟಿದ್ದು, ಅಲ್ಲಿ ಏಕಾಏಕಿ ಗ್ಲಾಮರ್ ಅವತಾರ ತಾಳುವ ಸೂಚನೆ ನೀಡಿದ್ದಾರೆ. ಇದು ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ. ಕೀರ್ತಿ ಸುರೇಶ್ ಅವರು ವರುಣ್ ಧವನ್ (Varun Dhawan) ಜೊತೆ ‘ಬೇಬಿ ಜಾನ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದ ಶೂಟಿಂಗ್ ಸೆಟ್ನಿಂದ ಕೆಲವು ಫೋಟೋಗಳು ವೈರಲ್ ಆಗಿವೆ.
‘ಬೇಬಿ ಜಾನ್’ ಸೆಟ್ನಲ್ಲಿ ಇತ್ತೀಚೆಗೆ ನಟ ವರುಣ್ ಧವನ್ ಅವರ ಬರ್ತ್ಡೇ ಆಚರಿಸಲಾಯಿತು. ಅಂದು ಹಾಡಿನ ಶೂಟಿಂಗ್ ನಡೆಯುತ್ತಿತ್ತು ಎನ್ನಲಾಗಿದೆ. ಅದರಲ್ಲಿ ಕೀರ್ತಿ ಸುರೇಶ್, ವರುಣ್ ಧವನ್ ಭಾಗಿ ಆಗಿದ್ದರು. ಶೂಟಿಂಗ್ ಬಿಡುವಿನಲ್ಲಿ ವರುಣ್ ಧವನ್ ಅವರ ಹುಟ್ಟುಹಬ್ಬವನ್ನು ಸೆಲೆಬ್ರೇಟ್ ಮಾಡಲಾಗಿದೆ. ಹಾಡಿನ ಕಾಸ್ಟ್ಯೂಮ್ನಲ್ಲೇ ಕೀರ್ತಿ ಸುರೇಶ್ ಅವರು ಬಂದು ವರುಣ್ ಧವನ್ಗೆ ವಿಶ್ ಮಾಡಿದ್ದಾರೆ. ಆ ವೇಳೆ ಅವರ ಗ್ಲಾಮರಸ್ ಗೆಟಪ್ ಗಮನ ಸೆಳೆದಿದೆ.
View this post on Instagram
‘ಮಹಾನಟಿ’ ಸಿನಿಮಾದಲ್ಲಿ ಲೆಜೆಂಡರಿ ನಟಿ ಸಾವಿತ್ರಿಯ ಪಾತ್ರ ಮಾಡುವ ಮೂಲಕ ಕೀರ್ತಿ ಸುರೇಶ್ ಅವರು ಅಪಾರ ಜನಮೆಚ್ಚುಗೆ ಗಳಿಸಿದರು. ಆ ಸಿನಿಮಾಗೆ ಅವರು ರಾಷ್ಟ್ರ ಪ್ರಶಸ್ತಿ ಕೂಡ ಪಡೆದುಕೊಂಡರು. ಆ ಬಳಿಕ ಅವರು ಮಹೇಶ್ ಬಾಬು ಜೊತೆ ‘ಸರ್ಕಾರು ವಾರಿ ಪಾಟ’ ಸಿನಿಮಾದ ಹಾಡಿನಲ್ಲಿ ಸ್ವಲ್ಪ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದರು. ಈಗ ಬಾಲಿವುಡ್ನಲ್ಲಿ ಅವರು ಸಂಪೂರ್ಣ ಗ್ಲಾಮರ್ ಗೆಟಪ್ನಲ್ಲಿ ಅಭಿಮಾನಿಗಳ ಎದುರು ಬರುತ್ತಾರೆ ಎನ್ನಲಾಗಿದೆ.
ಇದನ್ನೂ ಓದಿ: ಗೆಳತಿ ಮದುವೆಗೆ ದುಬಾರಿ ಉಡುಗೊರೆ ಕೊಟ್ಟ ನಟಿ ಕೀರ್ತಿ ಸುರೇಶ್
‘ಬೇಬಿ ಜಾನ್’ ಇದು ತಮಿಳಿನ ‘ಥೇರಿ’ ಸಿನಿಮಾದ ಹಿಂದಿ ರಿಮೇಕ್. ಮೂಲ ಸಿನಿಮಾದಲ್ಲಿ ದಳಪತಿ ವಿಜಯ್ ಮಾಡಿದ್ದ ಪಾತ್ರವನ್ನು ಬಾಲಿವುಡ್ನಲ್ಲಿ ವರುಣ್ ಧವನ್ ಮಾಡುತ್ತಿದ್ದಾರೆ. ‘ಥೇರಿ’ ಚಿತ್ರದಲ್ಲಿ ಸಮಂತಾ ರುತ್ ಪ್ರಭು ನಾಯಕಿ ಆಗಿದ್ದರು. ಆ ಪಾತ್ರವನ್ನು ಹಿಂದಿಯಲ್ಲಿ ಕೀರ್ತಿ ಸುರೇಶ್ ಮಾಡುತ್ತಿದ್ದಾರೆ. ಈ ಸಿನಿಮಾವನ್ನು ಅಟ್ಲಿ ಅವರು ನಿರ್ಮಾಣ ಮಾಡುತ್ತಿದ್ದಾರೆ. ಶೀಘ್ರದಲ್ಲೇ ಈ ಸಿನಿಮಾ ಬಿಡುಗಡೆ ಆಗಲಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
