Mili Twitter Review: ಜಾನ್ವಿ ಕಪೂರ್​ ಅಭಿನಯಕ್ಕೆ ಕೇಳಿಬರ್ತಿದೆ ಮೆಚ್ಚುಗೆ; ‘ಮಿಲಿ’ ನೋಡಿ ವಿಮರ್ಶೆ ತಿಳಿಸಿದ ಸಿನಿಪ್ರಿಯರು

ಮಲಯಾಳಂನ ‘ಹೆಲೆನ್​’ ಸಿನಿಮಾ 2019ರಲ್ಲಿ ಬಿಡುಗಡೆ ಆಗಿ ಜನರಿಂದ ಮೆಚ್ಚುಗೆ ಪಡೆದುಕೊಂಡಿತ್ತು. ನಾಯಕಿಪ್ರಧಾನ ಕಥೆಯುಳ್ಳ ಆ ಚಿತ್ರವನ್ನು ಹಿಂದಿಯಲ್ಲಿ ‘ಮಿಲಿ’ (Mili Movie) ಎಂದು ರಿಮೇಕ್​ ಮಾಡಲಾಗಿದೆ. ಜಾನ್ವಿ ಕಪೂರ್​ ಅವರು ಈ ಸಿನಿಮಾದಲ್ಲಿ ಮುಖ್ಯಭೂಮಿಕೆ ನಿಭಾಯಿಸಿದ್ದಾರೆ. ಬೋನಿ ಕಪೂರ್​ ಅವರು ಮಗಳು ಜಾನ್ವಿಗಾಗಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ದೊಡ್ಡ ಗೆಲುವಿಗಾಗಿ ಜಾನ್ವಿ ಕಪೂರ್ (Janhvi Kapoor) ಕಾಯುತ್ತಿದ್ದಾರೆ. ಈ ಸಿನಿಮಾದಿಂದಲಾದರೂ ಯಶಸ್ಸು ಸಿಗಬಹುದು ಎಂಬ ನಿರೀಕ್ಷೆಯಲ್ಲೇ ಇಂದು (ನವೆಂಬರ್​ 4) ‘ಮಿಲಿ’ ಬಿಡುಗಡೆ ಮಾಡಲಾಗಿದೆ. ಜಾನ್ವಿ ಕಪೂರ್​ ಜೊತೆಗೆ ಸನ್ನಿ ಕೌಶಲ್​ ಹಾಗೂ ಮನೋಜ್​ ಪಾಹ್ವಾ ಅವರು ನಟಿಸಿದ್ದಾರೆ. ಮೊದಲ ದಿನ ಸಿನಿಮಾ ನೋಡಿಬಂದ ಪ್ರೇಕ್ಷಕರು ಟ್ವಿಟರ್​ ಮೂಲಕ ತಮ್ಮ ವಿಮರ್ಶೆ (Mili Movie Twitter Review) ತಿಳಿಸುತ್ತಿದ್ದಾರೆ.

ಅದೇಕೋ ಗೊತ್ತಿಲ್ಲ ಜಾನ್ವಿ ಕಪೂರ್​ ಅವರಿಗೆ ರಿಮೇಕ್​ ಮೇಲೆ ಮೋಹ. ಬ್ಯಾಕ್​ ಟು ಬ್ಯಾಕ್​ ರಿಮೇಕ್​ ಸಿನಿಮಾಗಳನ್ನು ಅವರು ಮಾಡುತ್ತಿದ್ದಾರೆ. ದಕ್ಷಿಣದ ಕಥೆಯನ್ನು ಉತ್ತರ ಭಾರತದ ಪ್ರೇಕ್ಷಕರಿಗೆ ಪರಿಚಯಿಸಲು ಅವರು ಹೆಚ್ಚು ಉತ್ಸಾಹ ತೋರಿಸುತ್ತಾರೆ. ‘ಮಿಲಿ’ ಕೂಡ ರಿಮೇಕ್​ ಸಿನಿಮಾ ಆಗಿರುವುದರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಕೆಲವರಿಗೆ ಈ ಸಿನಿಮಾ ತುಂಬ ಇಷ್ಟ ಆಗಿದೆ.

ಇದನ್ನೂ ಓದಿ

44 ಕೋಟಿ ರೂಪಾಯಿಗೆ ಮನೆ ಮಾರಿಕೊಂಡ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್​; ಖರೀದಿಸಿದ ಹೀರೋ ಯಾರು?

ಡಿಗ್ಲಾಮ್ ಲುಕ್​ನಲ್ಲಿ ನಟಿ ಜಾನ್ವಿ ಕಪೂರ್​; ಆದರೆ, ಈ ನಟಿ ನೀವಂದುಕೊಂಡ ಹಾಗಲ್ಲ

Janhvi Kapoor: ಜಾನ್ವಿ ಕಪೂರ್​ ಫೋಟೋ ವೈರಲ್​; ಶ್ರೀದೇವಿ ಪುತ್ರಿಯ ಅಂದ-ಚಂದ ಕಂಡು ವಾವ್​ ಎಂದ ಅಭಿಮಾನಿಗಳು

Janhvi Kapoor: ಪ್ರಕೃತಿಯ ಮಡಿಲಿನಲ್ಲಿ ಜಾನ್ವಿ ಕಪೂರ್ ವಿಹಾರ; ಫೋಟೋಗಳಿಗೆ ಮಸ್ತ್​ ಪೋಸ್​​

One word review : “WINNER” ⭐⭐⭐ Watch Mili for #jahnvikapoor‘s outstanding performance, First half is fabulous, second half pace is little slow but manageable. After all the film is a winner. I strongly recommend this film. #Mili #MiliReview #rottenrocky pic.twitter.com/eFESG0c1ic

— Rotten Rocky (@rottenrocky9) November 4, 2022

ನಟನೆಯ ಕಾರಣದಿಂದ ಜಾನ್ವಿ ಕಪೂರ್​ ಅವರು ಅನೇಕ ಬಾರಿ ಟೀಕೆಗೆ ಒಳಗಾಗಿದ್ದರು. ಆದರೆ ‘ಮಿಲಿ’ ಸಿನಿಮಾದಲ್ಲಿನ ಅವರ ನಟನೆಗೆ ಬಹುತೇಕರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಮೊದಲರ್ಧ ತುಂಬ ಚೆನ್ನಾಗಿದೆ. ದ್ವಿತೀಯಾರ್ಧದ ನಿರೂಪಣೆ ಒಂಚೂರು ನಿಧಾನಗತಿಯಲ್ಲಿ ಇದೆ ಎಂದು ಪ್ರೇಕ್ಷಕರೊಬ್ಬರು ಟ್ವೀಟ್​ ಮಾಡಿದ್ದಾರೆ.

#MiliReview

⭐️⭐️⭐️⭐️

Mili works in all department. Screenplay and Script of the film is engaging. Direction is Brilliant. Mili is a film that shows the acting prowess of Janhvi Kapoor. One of the finest film of Janhvi Kapoor.

— Siddharth Mathur (@TheSidMathur) November 4, 2022

ಇಡೀ ಸಿನಿಮಾದಲ್ಲಿ ಜಾನ್ವಿ ಕಪೂರ್​ ಅವರ ಪಾತ್ರವೇ ಹೈಲೈಟ್​ ಆಗಿದೆ. ಆ ದೃಷ್ಟಿಯಿಂದ ಇದು ಅವರಿಗೆ ಬೆಸ್ಟ್​ ಆಯ್ಕೆ ಎಂದು ಅನೇಕರು ಅಭಿಪ್ರಾಯಪಟ್ಟಿದ್ದಾರೆ. ಅಭಿನಯವನ್ನು ತೋರಿಸಲು ಈ ಪಾತ್ರ ಅವರಿಗೆ ಹೆಚ್ಚು ಅನುಕೂಲ ಆಗಿದೆ. ಒಂದೊಳ್ಳೆಯ ಥ್ರಿಲ್​ ನೀಡುವ ಈ ಚಿತ್ರವನ್ನು ಒಮ್ಮೆಯಾದರೂ ನೋಡಬೇಕು ಎಂದು ಅಭಿಮಾನಿಗಳು ಅನಿಸಿಕೆ ಹಂಚಿಕೊಂಡಿದ್ದಾರೆ.

#MiliReview #JanhviKapoor ???As #Mili is Just Brilliant? ⭐️⭐️⭐️⭐️ Struggling Amidst A Freezing Ambience Will Chill You For Sure!@BoneyKapoor @ZeeStudios_ Survival Thriller-Drama is A Must Watch?@sunnykaushal89 @arrahman @actormanojpahwa @mathukutty_here @bayviewprojects pic.twitter.com/FWY35tqfR9

— HEMANT SANGANEE (@HemantSanganee) November 3, 2022

ಮಲಯಾಳಂನ ಮೂಲ ಸಿನಿಮಾವನ್ನು ನೋಡದೇ ಇರುವವರಿಗೆ ‘ಮಿಲಿ’ ಚಿತ್ರ ಹೆಚ್ಚು ಇಷ್ಟ ಆಗುತ್ತಿದೆ. ಫ್ರೀಜರ್​ನಲ್ಲಿ ಸಿಕ್ಕಿಕೊಂಡು ಪ್ರಾಣ ಉಳಿಸಿಕೊಳ್ಳಲು ಹೋರಾಡುವ ಯುವತಿಯ ಕಥೆಯನ್ನು ಈ ಸಿನಿಮಾ ಒಳಗೊಂಡಿದೆ. ಅಂತಿಮವಾಗಿ ಆಕೆಗೆ ಏನಾಗುತ್ತದೆ ಎಂಬುದನ್ನು ತಿಳಿಯಲು ಪೂರ್ತಿ ಸಿನಿಮಾ ನೋಡಬೇಕು.

ವಿಮರ್ಶೆಯ ದೃಷ್ಟಿಯಿಂದ ‘ಮಿಲಿ’ ಸಿನಿಮಾ ಗೆದ್ದಿದೆ. ಎಲ್ಲರೂ ಈ ಚಿತ್ರದ ಗುಣಮಟ್ಟವನ್ನು ಮತ್ತು ಜಾನ್ವಿ ಕಪೂರ್​ ಅವರ ಅಭಿನಯವನ್ನು ಹೊಗಳಿದ್ದಾರೆ. ಒಟ್ಟಾರೆ ಬಾಕ್ಸ್​ ಆಫೀಸ್​ನಲ್ಲಿ ಈ ಸಿನಿಮಾ ಎಷ್ಟು ಕಲೆಕ್ಷನ್​ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.