44 ಕೋಟಿ ರೂಪಾಯಿಗೆ ಮನೆ ಮಾರಿಕೊಂಡ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್​; ಖರೀದಿಸಿದ ಹೀರೋ ಯಾರು?

Janhvi Kapoor: 2020ರಲ್ಲಿ 39 ಕೋಟಿ ರೂಪಾಯಿಗೆ ಖರೀದಿಸಿದ್ದ ಪ್ರಾಪರ್ಟಿಯನ್ನು ಜಾನ್ವಿ ಕಪೂರ್ ಅವರು ಈಗ 44 ಕೋಟಿ ರೂಪಾಯಿಗೆ ಮಾರಾಟ ಮಾಡಿದ್ದಾರೆ. ಆ ಮೂಲಕ ಅವರು 5 ಕೋಟಿ ರೂಪಾಯಿ ಲಾಭ ಮಾಡಿಕೊಂಡಿದ್ದಾರೆ.

44 ಕೋಟಿ ರೂಪಾಯಿಗೆ ಮನೆ ಮಾರಿಕೊಂಡ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್​; ಖರೀದಿಸಿದ ಹೀರೋ ಯಾರು?
ಜಾನ್ವಿ ಕಪೂರ್
TV9kannada Web Team

| Edited By: Madan Kumar

Jul 31, 2022 | 2:30 PM

ನಟಿ ಜಾನ್ವಿ ಕಪೂರ್​ (Janhvi Kapoor) ಅವರು ಒಂದಿಲ್ಲೊಂದು ಕಾರಣಕ್ಕೆ ಪ್ರತಿ ದಿನ ಸುದ್ದಿ ಆಗುತ್ತಾರೆ. ಸಿನಿಮಾಗಿಂತಲೂ ಹೆಚ್ಚಾಗಿ ಅವರ ಖಾಸಗಿ ಜೀವನದ ವಿಷಯಗಳೇ ಹೈಲೈಟ್​ ಆಗುತ್ತವೆ. ಈಗ ಅವರು ಮನೆ ಮಾರಿಕೊಂಡಿರುವ ಬಗ್ಗೆ ಹಲವೆಡೆ ವರದಿ ಆಗಿದೆ. ಬರೋಬ್ಬರಿ 44 ಕೋಟಿ ರೂಪಾಯಿಗೆ ಅವರು ಮುಂಬೈನ ಅಪಾರ್ಟ್​ಮೆಂಟ್​ (Apartment) ಫ್ಲಾಟ್​ಗಳನ್ನು ಮಾರಿದ್ದಾರೆ. ಬಾಲಿವುಡ್​ನ ಖ್ಯಾತ ನಟ ರಾಜ್​ಕುಮಾರ್​ ರಾವ್​ (Rajkummar Rao) ಅವರು ಇದನ್ನು ಖರೀದಿಸಿದ್ದಾರೆ. ಸದ್ಯ ಬಿ-ಟೌನ್​ನಲ್ಲಿ ಈ ಸುದ್ದಿ ಹರಿದಾಡುತ್ತಿದೆ. ಸೆಲೆಬ್ರಿಟಿ ಕಿಡ್​ ಎಂಬ ಕಾರಣಕ್ಕೆ ಜಾನ್ವಿ ಕಪೂರ್​ ಅವರಿಗೆ ಹಲವು ಅವಕಾಶಗಳು ಬರುತ್ತಿವೆ. ಒಳ್ಳೆಯ ಸಂಭಾವನೆಯೂ ಸಿಗುತ್ತಿದೆ. ಈ ಸಂದರ್ಭದಲ್ಲಿ ಅವರು ಮನೆ ಮಾರಿಕೊಂಡಿದ್ದರು ಯಾಕೆ ಎಂಬ ಕೌತುಕದ ಪ್ರಶ್ನೆ ಮೂಡಿದೆ.

2020ರಲ್ಲಿ ಜಾನ್ವಿ ಕಪೂರ್​ ಅವರು ಜುಹೂನಲ್ಲಿ ಇರುವ ಪ್ರತಿಷ್ಠಿತ ಅಪಾರ್ಟ್​ಮೆಂಟ್​ನಲ್ಲಿ 14, 15 ಮತ್ತು 16ನೇ ಫ್ಲೋರ್​ನಲ್ಲಿ ಇರುವ ಫ್ಲಾಟ್​ಗಳನ್ನು ಖರೀದಿಸಿದ್ದರು. ಆಗ ಅವರು 39 ಕೋಟಿ ರೂಪಾಯಿ ನೀಡಿದ್ದರು. ಆರು ಪಾರ್ಕಿಂಗ್ ಸ್ಲಾಟ್​ಗಳನ್ನು ಒಳಗೊಂಡಿರುವ ಈ ಪ್ರಾಪರ್ಟಿಗೆ ಈಗ ಸಖತ್​ ಬೇಡಿಕೆ ಇದೆ. ಇದನ್ನು 44 ಕೋಟಿ ರೂಪಾಯಿಗೆ ಮಾರಾಟ ಮಾಡುವ ಮೂಲಕ ಜಾನ್ವಿ ಕಪೂರ್​ ಅವರು 5 ಕೋಟಿ ರೂಪಾಯಿ ಲಾಭ ಮಾಡಿಕೊಂಡಿದ್ದಾರೆ.

ಮೂಲಗಳ ಪ್ರಕಾರ, ಈ ವರ್ಷ ಮಾರ್ಚ್​ 31ಕ್ಕೆ ಜಾನ್ವಿ ಕಪೂರ್​ ಮತ್ತು ರಾಜ್​ಕುಮಾರ್​ ರಾವ್​ ನಡುವೆ ಡೀಲ್​ ಕುದುರಿತ್ತು. ಜುಲೈ 21ಕ್ಕೆ ರಿಜಿಸ್ಟ್ರೇಷನ್​ ಆಗಿದೆ. ರಾಜ್​ಕುಮಾರ್​ ರಾವ್​ ಅವರು ಬರೋಬ್ಬರಿ 2.19 ಕೋಟಿ ರೂಪಾಯಿ ಸ್ಟಾಂಪ್​ ಡ್ಯೂಟಿ ಪಾವತಿಸಿದ್ದಾರೆ. ಈ ಆಸ್ತಿ ಖರೀದಿ ಮಾಡುವ ಮೂಲಕ ರಾಜ್​ಕುಮಾರ್​ ಮತ್ತು ಪತ್ರಲೇಖ ದಂಪತಿ ಜುಹೂನಲ್ಲಿ ಮನೆ ಮಾಡಿದಂತಾಗಿದೆ.

ಇದನ್ನೂ ಓದಿ

ಬಾಲಿವುಡ್​ನ ಬಹುತೇಕ ಸ್ಟಾರ್​ ನಟ-ನಟಿಯರು, ತಂತ್ರಜ್ಞರು ಜುಹೂ ಮತ್ತು ಬಾಂದ್ರಾದಲ್ಲಿ ವಾಸಿಸುತ್ತಾರೆ. ಈ ಪ್ರತಿಷ್ಠಿತ ಏರಿಯಾಗಳಲ್ಲಿ ಮನೆ ಖರೀದಿ ಮಾಡಬೇಕು ಎಂಬುದು ಎಲ್ಲರ ಆಸೆ ಆಗಿರುತ್ತದೆ. ಅಂಥ ಆಸೆಯನ್ನು ರಾಜ್​ಕುಮಾರ್​ ರಾವ್​ ಈಡೇರಿಸಿಕೊಂಡಿದ್ದಾರೆ. ಈ ವರ್ಷ ತೆರೆಕಂಡ ‘ಬದಾಯಿ ದೋ’ ಸಿನಿಮಾದಿಂದ ರಾಜ್​ಕುಮಾರ್​ ರಾವ್​ ಗಮನ ಸೆಳೆದಿದ್ದಾರೆ. ‘ಭೀಡ್​’, ‘ಮೋನಿಕಾ ಓ ಮೈ ಡಾರ್ಲಿಂಗ್’​, ‘ಮಿಸ್ಟರ್​ ಆ್ಯಂಡ್​ ಮಿಸಸ್​ ಮಾಹಿ’ ಮುಂತಾದ ಸಿನಿಮಾಗಳಲ್ಲಿ ಅವರು ನಟಿಸುತ್ತಿದ್ದಾರೆ.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada