Janhvi Kapoor: ‘ಅಮ್ಮನ ಒಳ್ಳೆಯ ಬುದ್ಧಿ ಮಗಳಿಗೆ ಯಾಕಿಲ್ಲ?’: ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್ ವರ್ತನೆಗೆ ನೆಟ್ಟಿಗರು ಗರಂ
Janhvi Kapoor | Good Luck Jerry: ‘ಜಾನ್ವಿ ಕಪೂರ್ ಅವರು ನಡೆದುಕೊಂಡಿರುವ ರೀತಿ ವೃತ್ತಿಪರವಾಗಿಲ್ಲ. ಅವರ ತುಂಬ ಅಹಂಕಾರದಿಂದ ವರ್ತಿಸಿದ್ದಾರೆ’ ಎಂದು ಜನರು ಟೀಕೆ ಮಾಡುತ್ತಿದ್ದಾರೆ.
ಬಾಲಿವುಡ್ ನಟಿ ಜಾನ್ವಿ ಕಪೂರ್ (Janhvi Kapoor) ಅವರು ಈವರೆಗೂ ಮಾಡಿರುವುದು ಮೂರು ಮತ್ತೊಂದು ಸಿನಿಮಾ ಮಾತ್ರ. ಆದರೂ ಅವರ ಜನಪ್ರಿಯತೆ ದೊಡ್ಡ ಮಟ್ಟದಲ್ಲಿದೆ. ಶ್ರೀದೇವಿ (Sridevi) ಮಗಳು ಎಂಬ ಕಾರಣಕ್ಕೆ ಅವರ ಮೇಲೆ ಜನರು ಹೆಚ್ಚು ಗಮನ ಹರಿಸುತ್ತಾರೆ. ಜಾನ್ವಿ ಕಪೂರ್ ಮಾಡುವ ಪ್ರತಿ ಕೆಲಸವೂ ಚರ್ಚೆಗೆ ಒಳಗಾಗುತ್ತದೆ. ಅನೇಕ ಬಾರಿ ಅವರು ಟ್ರೋಲ್ (Troll) ಆದ ಉದಾಹರಣೆಯೂ ಇದೆ. ಈಗ ಮತ್ತೊಂದು ವಿಚಾರಕ್ಕೆ ಅವರನ್ನು ಟೀಕೆ ಮಾಡಲಾಗುತ್ತಿದೆ. ಅಷ್ಟೇ ಅಲ್ಲದೇ, ಅಮ್ಮನ ಜೊತೆಗೆ ಹೋಲಿಕೆ ಮಾಡಲಾಗುತ್ತಿದೆ. ಜಾನ್ವಿ ಕಪೂರ್ ಅಭಿನಯಿಸಿರುವ ‘ಗುಡ್ ಲಕ್ ಜೆರ್ರಿ’ ಸಿನಿಮಾ ಒಟಿಟಿಯಲ್ಲಿ ಇಂದು (ಜುಲೈ 29) ಬಿಡುಗಡೆ ಆಗಿದೆ. ಈ ಸಂದರ್ಭದಲ್ಲಿಯೇ ಅವರು ಟ್ರೋಲ್ಗೆ ಒಳಗಾಗಿದ್ದಾರೆ. ಕಾರಣ ಏನು? ಇಲ್ಲಿದೆ ವಿವರ..
‘ಗುಡ್ ಲಕ್ ಜೆರ್ರಿ’ ಸಿನಿಮಾದ ಪ್ರಚಾರದ ಸಲುವಾಗಿ ಜಾನ್ವಿ ಕಪೂರ್ ಅವರು ಅನೇಕ ಮಾಧ್ಯಮಗಳಿಗೆ ಸಂದರ್ಶನ ನೀಡಿದ್ದಾರೆ. ಈ ವೇಳೆ ಅವರು ಪತ್ರಕರ್ತೆಯೊಬ್ಬರ ಪ್ರಶ್ನೆಗಳಿಗೆ ಸೂಕ್ತ ರೀತಿಯಲ್ಲಿ ಗಮನ ನೀಡಿಲ್ಲ ಎಂಬ ಕಾರಣಕ್ಕೆ ಟೀಕೆ ಎದುರಾಗಿದೆ. ಅನೇಕ ಬಾರಿ ಪ್ರಶ್ನೆ ಕೇಳಿದರೂ ಕೂಡ ಅದನ್ನು ಜಾನ್ವಿ ನಿರ್ಲಕ್ಷ್ಯ ಮಾಡಿರುವ ವಿಡಿಯೋ ವೈರಲ್ ಆಗಿದೆ. ಅದನ್ನು ಕಂಡು ನೆಟ್ಟಿಗರು ಗರಂ ಆಗಿದ್ದಾರೆ.
‘ನಟಿ ಶ್ರೀದೇವಿ ಅವರು ವರ್ಷಕ್ಕೆ ಹಲವಾರು ಸಿನಿಮಾಗಳನ್ನು ಮಾಡುತ್ತಿದ್ದರು. ಜಾನ್ವಿಗಿಂತಲೂ ಅವರು 10 ಪಟ್ಟು ಹೆಚ್ಚು ಬ್ಯುಸಿ ಆಗಿದ್ದರು. ಆದರೆ ಎಂದಿಗೂ ಜಾನ್ವಿಯ ರೀತಿ ಅವರು ವರ್ತಿಸಿರಲಿಲ್ಲ. ಅಮ್ಮನಿಗೆ ಇದ್ದ ಒಳ್ಳೆಯ ಬುದ್ಧಿ ಮಗಳಿಗೆ ಯಾಕಿಲ್ಲ’ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.
ಜಾನ್ವಿ ಕಪೂರ್ ಅವರು ನಡೆದುಕೊಂಡಿರುವ ರೀತಿ ವೃತ್ತಿಪರವಾಗಿಲ್ಲ. ಅವರ ತುಂಬ ಅಹಂಕಾರದಿಂದ ವರ್ತಿಸಿದ್ದಾರೆ ಎಂದು ಜನರು ಟೀಕೆ ಮಾಡುತ್ತಿದ್ದಾರೆ. ನೆಪೋಟಿಸಂ ಫಲಾನುಭವಿ ಎಂಬ ಕಾರಣದಿಂದಲೂ ಜಾನ್ವಿ ಅವರನ್ನು ಟಾರ್ಗೆಟ್ ಮಾಡುತ್ತಾರೆ. ಈ ಎಲ್ಲ ನೆಗೆಟಿವ್ ಅಂಶಗಳ ಕಡೆಗೆ ಜಾನ್ವಿ ಹೆಚ್ಚು ಗಮನ ನೀಡಿಲ್ಲ.
ತಮಿಳಿನಲ್ಲಿ ನಯನತಾರಾ ನಟಿಸಿದ ‘ಕೊಲಮಾವು ಕೋಕಿಲ’ ಸಿನಿಮಾದ ಹಿಂದಿ ರಿಮೇಕ್ ಆಗಿ ‘ಗುಡ್ ಲಕ್ ಜೆರ್ರಿ’ ಚಿತ್ರ ಮೂಡಿಬಂದಿದೆ. ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್ ಮೂಲಕ ಈ ಸಿನಿಮಾ ರಿಲೀಸ್ ಆಗಿದೆ. ಇದಲ್ಲದೇ, ‘ಮಿಲಿ’, ‘ಮಿಸ್ಟರ್ ಆ್ಯಂಡ್ ಮಿಸಸ್ ಮಾಹಿ’, ‘ಬವಾಲ್’ ಮುಂತಾದ ಚಿತ್ರಗಳು ಜಾನ್ವಿ ಕಪೂರ್ ಕೈಯಲ್ಲಿವೆ.
