ನಟನೆ ಬಿಟ್ಟು ಕಾರ್ಗಿಲ್ ಯುದ್ಧಕ್ಕೆ ಹೋಗಿದ್ದ ನಾನಾ ಪಾಟೇಕರ್; ಈ ವಿಚಾರ ಗೊತ್ತೇ?

ವಿಭಿನ್ನ ಪಾತ್ರಗಳು ಮತ್ತು ವಿಭಿನ್ನ ಚಿತ್ರಗಳ ಮೂಲಕ ಭಾರತೀಯ ಚಿತ್ರರಂಗದಲ್ಲಿ ಹೆಸರು ಮಾಡಿದ ಅನೇಕರು ಇದ್ದಾರೆ. ಅವರ ಪೈಕಿ ನಾನಾ ಪಾಟೇಕರ್ ಕೂಡ ಒಬ್ಬರು. ತಮ್ಮ ವಿಶಿಷ್ಟ ಅಭಿನಯದಿಂದ ಪ್ರೇಕ್ಷಕರ ಹೃದಯದಲ್ಲಿ ಸ್ಥಾನ ಪಡೆದ ಅವರು ಮೂರು ಬಾರಿ ರಾಷ್ಟ್ರಪ್ರಶಸ್ತಿ ಪಡೆದಿದ್ದಾರೆ. ವೃತ್ತಿಜೀವನವು ಉತ್ತುಂಗದಲ್ಲಿದ್ದಾಗ, ಅವರು ಕಾರ್ಗಿಲ್ ಯುದ್ಧದ ಸಮಯದಲ್ಲಿ ಸೈನ್ಯಕ್ಕೆ ಸೇರಿಕೊಂಡರು ಮತ್ತು ಗಡಿಗಳಲ್ಲಿ ಗಮನಾರ್ಹ ಸೇವೆಗಳನ್ನು ಸಲ್ಲಿಸಿದರು. ಈ ಕುತೂಹಲಕಾರಿ ಸಂಗತಿಯನ್ನು ನಾನಾ ಪಾಟೇಕರ್ ಸ್ವತಃ ಬಹಿರಂಗಪಡಿಸಿದ್ದಾರೆ. ದೇಶ ಸಂಕಷ್ಟದಲ್ಲಿರುವಾಗ ಸೇನೆಗೆ ಸೇರಬೇಕೆಂಬ ಹಂಬಲ ಅವರ ಮಾತಿನಲ್ಲಿ ಎದ್ದುಕಾಣುತ್ತಿತ್ತು.

ವರ್ಷಗಟ್ಟಲೆ ಬೆಳ್ಳಿತೆರೆಯಲ್ಲಿ ನಟನಾಗಿ ರಂಜಿಸಿರುವ ನಾನಾ ಪಾಟೇಕರ್ ಕಾರ್ಗಿಲ್ ಯುದ್ಧದ ವೇಳೆ ಸೇನೆಗೆ ಸೇರಿ ಸೇವೆ ಸಲ್ಲಿಸಿದ ವಿಷಯ ತಿಳಿದ ಜನ ಬೆಚ್ಚಿಬಿದ್ದಿದ್ದಾರೆ. ಇತ್ತೀಚೆಗಷ್ಟೇ ಅಮಿತಾಭ್​ ಬಚ್ಚನ್ ಅವರ ‘ಕೌನ್ ಬನೇಗಾ ಕರೋಡ್​ಪತಿ’ ಶೋನಲ್ಲಿ ಭಾಗವಹಿಸಿದ್ದ ಅವರು ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.

ನಾನಾ ಪಾಟೇಕರ್ ಹಿಂದಿ ಚಿತ್ರರಂಗದಲ್ಲಿ ಹಲವು ಚಿತ್ರಗಳಲ್ಲಿ ನಟಿಸಿ ನಟನಾಗಿ ಹೆಸರು ಮಾಡಿದ್ದಾರೆ. ನಾನಾ ಪಾಟೇಕರ್ ಮಿಲಿಟರಿಯಲ್ಲಿಯೂ ಇದ್ದರು. 1990ರ ಆರಂಭದ ದಿನಗಳಲ್ಲಿ, ‘ಪ್ರಹಾರ್’ ಸಿನಿಮಾ ಮಾಡುವಾ ಅವರು ಮೂರು ವರ್ಷಗಳ ಕಾಲ ಮರಾಠಾ ಲೈಟ್ ಪದಾತಿದಳದಲ್ಲಿ ತರಬೇತಿ ಪಡೆದರು. 1999ರಲ್ಲಿ ಅವರು ಕಾರ್ಗಿಲ್ ಯುದ್ಧದಲ್ಲಿ ಭಾಗವಹಿಸಲು ಬಯಸಿದ್ದರು. ಕೂಡಲೇ ಸೇನೆಯ ಹಿರಿಯ ಅಧಿಕಾರಿಗಳ ಜತೆಗೆ ಮುಂಚೂಣಿಗೆ ತೆರಳುವ ಇಚ್ಛೆಯನ್ನು ವ್ಯಕ್ತಪಡಿಸಿದರು.

ಇದಕ್ಕೆ ರಕ್ಷಣಾ ಸಚಿವರಿಂದ ಅನುಮತಿ ಬೇಕು ಎಂದು ತಿಳಿದು ಅಂದಿನ ರಕ್ಷಣಾ ಸಚಿವ ಜಾರ್ಜ್ ಫೆರ್ನಾಂಡಿಸ್ ಅವರಿಗೆ ಕರೆ ಮಾಡಿ ಮರಾಠಾ ಲಘು ಪದಾತಿ ದಳದಲ್ಲಿ ತರಬೇತಿ ಪಡೆದಿರುವುದಾಗಿ ತಿಳಿಸಿದರು. ತಕ್ಷಣವೇ ಅವರಿಗೆ ಅನುಮತಿ ನೀಡಲಾಯಿತು. ಆಗಸ್ಟ್ 1999ರಲ್ಲಿ, ನಾನಾ ಪಾಟೇಕರ್ ಅವರು ಗಡಿ ನಿಯಂತ್ರಣ ರೇಖೆಯಲ್ಲಿ ಎರಡು ವಾರಗಳನ್ನು ಕಳೆದರು. ಸೈನಿಕರಿಗೆ ಸಹಾಯ ಮಾಡಿದರು ಮತ್ತು ಗಾಯಗೊಂಡವರಿಗೆ ಮೂಲ ಆಸ್ಪತ್ರೆಯಲ್ಲಿ ಕೆಲಸ ಮಾಡಿದರು. ಅಲ್ಲಿನ ಪರಿಸ್ಥಿತಿಗಳು ತುಂಬಾ ಕಠಿಣವಾಗಿದ್ದವು ಎಂದ ಅವರು.. ಶ್ರೀನಗರಕ್ಕೆ ಹೋದಾಗ 76 ಕೆಜಿ ತೂಕವಿತ್ತು, ಆದರೆ ಹಿಂದಿರುಗಿದಾಗ 56 ಕೆಜಿ ಇತ್ತು.

ಇದನ್ನೂ ಓದಿ: ಲೈಂಗಿಕ ದೌರ್ಜನ್ಯ ಆರೋಪಕ್ಕೆ ಕೊನೆಗೂ ಪ್ರತಿಕ್ರಿಯಿಸಿದ ನಟ ನಾನಾ ಪಾಟೇಕರ್

ಕಾರ್ಗಿಲ್ ಯುದ್ಧದಲ್ಲಿ ಸೈನಿಕರಾಗಿ ದೇಶಕ್ಕೆ ಸೇವೆ ಸಲ್ಲಿಸಿದ್ದರು. ಇದನ್ನು ತಿಳಿದ ಜನ ನಾನಾ ಪಾಟೇಕರ್ ಅವರನ್ನು ಹೊಗಳುತ್ತಿದ್ದಾರೆ. ಕಾರ್ಗಿಲ್ ಯುದ್ಧದ ನಂತರ, ನಾನಾ ಪಾಟೇಕರ್ ತಮ್ಮ ಚಲನಚಿತ್ರ ಪ್ರಯಾಣವನ್ನು ಪುನರಾರಂಭಿಸಿದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.