ಸಲ್ಮಾನ್ ಖಾನ್ ಜತೆ ಕೆಲಸ ಮಾಡಿದ್ರೆ ಆಗುವ ಲಾಭ-ನಷ್ಟದ ಬಗ್ಗೆ ಬಾಯ್ಬಿಟ್ಟ ಪ್ರೇಯಸಿ ಯೂಲಿಯಾ
Main Chala song: ಯೂಲಿಯಾ ವಂಟೂರ್ ಓರ್ವ ಗಾಯಕಿಯೂ ಹೌದು. ‘ಮೈ ಚಲಾ’ ಹಾಡಿಗೆ ಅವರು ಧ್ವನಿ ನೀಡಿದ್ದಾರೆ. ಈ ಗೀತೆಯಲ್ಲಿ ಸಲ್ಮಾನ್ ಖಾನ್ ಮತ್ತು ಪ್ರಗ್ಯಾ ಜೈಸ್ವಾಲ್ ಜೋಡಿಯಾಗಿ ನಟಿಸಿದ್ದಾರೆ.
Updated on: Jan 28, 2022 | 11:49 AM
ನಟ ಸಲ್ಮಾನ್ ಖಾನ್ಗೆ (Salman Khan) ಈಗ 56 ವರ್ಷ ವಯಸ್ಸು. ಆದ್ರೂ ಇನ್ನೂ ಮದುವೆ ಆಗಿಲ್ಲ. ಸಲ್ಲು ಭಾಯ್ ಶಾದಿ ಯಾವಾಗ ಎಂಬ ಪ್ರಶ್ನೆ ದಶಕಗಳಿಂದಲೂ ಕೇಳಿಬರುತ್ತಲೇ ಇದೆ. ಆದರೆ ಅದಕ್ಕೆ ಈವರೆಗೆ ಉತ್ತರ ಸಿಕ್ಕಿಲ್ಲ. ಈ ನಡುವೆ ಸಲ್ಮಾನ್ ಖಾನ್ ಅವರ ಹೆಸರು ಅನೇಕ ಸುಂದರಿಯರ (Salman Khan Girlfriend) ಜೊತೆಗೆ ತಳುಕು ಹಾಕಿಕೊಳ್ಳುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ರೊಮೇನಿಯನ್ ಬೆಡಗಿ ಯೂಲಿಯಾ ವಂಟೂರ್ (Iulia Vantur) ಜೊತೆ ಸಲ್ಮಾನ್ ಖಾನ್ ಒಡನಾಟ ಹೆಚ್ಚಿದೆ. ಅನೇಕ ಸಂದರ್ಭಗಳಲ್ಲಿ ಅವರಿಬ್ಬರು ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಸಲ್ಮಾನ್ ಖಾನ್ ಬಳಗದಲ್ಲಿಯೇ ಯೂಲಿಯಾ ವಂಟೂರ್ ಅವರು ಜಾಗ ಪಡೆದುಕೊಂಡಿದ್ದಾರೆ. ಸಲ್ಲು ಇದ್ದಲ್ಲಿ ಯೂಲಿಯಾ ಇದ್ದೇ ಇರುತ್ತಾರೆ ಎಂಬ ಮಾತು ಕೇಳಿಬರುತ್ತದೆ. ಈಗ ಈ ಜೋಡಿ ಒಂದು ಹಾಡಿನಲ್ಲಿ ಜೊತೆಯಾಗಿ ಕೆಲಸ ಮಾಡಿದೆ. ಹೀಗೆ ಸಲ್ಮಾನ್ ಖಾನ್ ಜೊತೆ ಕೆಲಸ ಮಾಡುವ ಅವಕಾಶ ಎಲ್ಲರಿಗೂ ಸಿಗೋದಿಲ್ಲ. ಒಂದು ವೇಳೆ ಸಿಕ್ಕರೆ ಅದರ ಲಾಭ-ನಷ್ಟಗಳು ಏನು ಎಂಬುದರ ಬಗ್ಗೆ ಯೂಲಿಯಾ ವಂಟೂರ್ ಮಾತನಾಡಿದ್ದಾರೆ. ‘ಇ ಟೈಮ್ಸ್’ಗೆ ನೀಡಿದ ಸಂದರ್ಶನದಲ್ಲಿ ಅವರು ಈ ವಿಚಾರಗಳ ಬಗ್ಗೆ ಬಾಯ್ಬಿಟ್ಟಿದ್ದಾರೆ.
ಯೂಲಿಯಾ ವಂಟೂರ್ ಓರ್ವ ಗಾಯಕಿಯೂ ಹೌದು. ಗಾಯಕ ಗುರು ರಂಧವಾ ಜೊತೆ ಸೇರಿ ಅವರು ‘ಮೈ ಚಲಾ’ ಹಾಡಿಗೆ ಧ್ವನಿ ನೀಡಿದ್ದಾರೆ. ಈ ಹಾಡಿನಲ್ಲಿ ಸಲ್ಮಾನ್ ಖಾನ್ ಮತ್ತು ಪ್ರಗ್ಯಾ ಜೈಸ್ವಾಲ್ ಅವರು ನಟಿಸಿದ್ದಾರೆ. ಸಲ್ಲು ಜತೆ ಕೆಲಸ ಮಾಡಿದ ಅನುಭವವನ್ನು ಯೂಲಿಯಾ ವಂಟೂರ್ ಹಂಚಿಕೊಂಡಿದ್ದಾರೆ. ಸಲ್ಮಾನ್ ಖಾನ್ ಓರ್ವ ಸೂಪರ್ ಸ್ಟಾರ್. ಅವರ ಜೊತೆ ಕೆಲಸ ಮಾಡಿದರೆ ಲಾಭವೂ ಇದೆ, ನಷ್ಟವೂ ಇದೆ.
ಸಲ್ಮಾನ್ ಖಾನ್ ಜತೆ ಕೆಲಸ ಮಾಡುವವರು ಅವರ ನೆರಳಿನಿಂದ ಹೊರಬಂದು ಸ್ವಂತವಾಗಿ ಗುರುತಿಸಿಕೊಳ್ಳುವುದು ಕಷ್ಟ. ‘ಇದೊಂದು ಅನಾನುಕೂಲ. ನಾವು ಅವರ ನೆರಳಿನಿಂದ ಹೊರಬರಬೇಕು ಎಂದರೆ ತುಂಬಾ ಶ್ರಮಪಡಬೇಕು’ ಎಂದು ಯೂಲಿಯಾ ಹೇಳಿದ್ದಾರೆ. ಸಲ್ಮಾನ್ ಖಾನ್ ಅವರಿಗೆ ಚಿತ್ರರಂಗದಲ್ಲಿ ಹಲವು ದಶಕಗಳ ಅನುಭವ ಇದೆ. ಅದರಿಂದ ಅವರ ಜೊತೆಗೆ ಇರುವವರಿಗೆ ಸಹಾಯ ಆಗುತ್ತದೆ. ಆದರೆ ಸ್ವಂತವಾಗಿ ಗುರುತಿಸಿಕೊಳ್ಳಬೇಕು ಎನ್ನುವವರು ತುಂಬ ಕಷ್ಟಪಡಬೇಕು ಎಂಬುದನ್ನು ಯೂಲಿಯಾ ಒಪ್ಪಿಕೊಂಡಿದ್ದಾರೆ.
‘ನಿಮ್ಮನ್ನು ನಾನು ಮುಟ್ಟಬಹುದೇ?’
‘ಮೈ ಚಲಾ’ ಮ್ಯೂಸಿಕ್ ವಿಡಿಯೋದಲ್ಲಿ ಪ್ರಗ್ಯಾ ಜೈಸ್ವಾಲ್ ಮತ್ತು ಸಲ್ಮಾನ್ ಖಾನ್ ಅವರು ಜೊತೆಯಾಗಿ ನಟಿಸಿದ್ದಾರೆ. ಮೊದಲ ದಿನದ ಶೂಟಿಂಗ್ ಅನುಭವದ ಬಗ್ಗೆ ಅವರು ಇತ್ತೀಚೆಗೆ ಮಾತನಾಡಿದ್ದರು. ‘ಮೊದಲ ದಿನ ನಾನು ಸಲ್ಮಾನ್ ಖಾನ್ ಅವರನ್ನು ಭೇಟಿ ಆದಾಗ ನಾನು ಏನು ಮಾಡಬಹುದು, ಏನು ಮಾಡಬಾರದು ಎಂಬ ಬಗ್ಗೆ ಅರಿವು ನನಗೆ ಇರಲಿಲ್ಲ. ಸಲ್ಮಾನ್ ಖಾನ್ ಅವರಂಥ ದೊಡ್ಡ ಸ್ಟಾರ್ ನಟನನ್ನು ಭೇಟಿಯಾದಾಗ ಅವರಿಗೆ ಕಿರಿಕಿರಿ ಆಗುವಂತೆ ನಾವು ನಡೆದುಕೊಳ್ಳಬಾರದು. ಅಪ್ಪಿತಪ್ಪಿಯೂ ಕೂಡ ಅವರಿಗೆ ಕೋಪ ಬರುವಂತೆ ನಾವು ವರ್ತಿಸಬಾರದು. ಹಾಗಾಗಿ ನಾನು ಹೆಚ್ಚಿನ ಎಚ್ಚರಿಕೆಯಿಂದ ನಡೆದುಕೊಂಡೆ. ನಿಮ್ಮನ್ನು ನಾನು ಮುಟ್ಟಬಹುದೇ ಅಂತ ಮೊದಲ ಬಾರಿಗೆ ಅನುಮತಿ ಕೇಳಿದೆ’ ಎಂದು ಪ್ರಗ್ಯಾ ಜೈಸ್ವಾಲ್ ಹೇಳಿದ್ದರು.
ಇದನ್ನೂ ಓದಿ:
ಸಲ್ಮಾನ್ ಖಾನ್ ಪರ ಲಾಯರ್ ಶ್ರೀಕಾಂತ್ ಶಿವಡೆ ಕ್ಯಾನ್ಸರ್ನಿಂದ ನಿಧನ; ‘ತಕ್ಕ ಶಿಕ್ಷೆ ಸಿಕ್ತು’ ಎಂದ ನೆಟ್ಟಿಗರು
‘ನನ್ನ ಧರ್ಮದ ಬಗ್ಗೆ ಮಾತಾಡ್ಬೇಡಿ’; ಪಕ್ಕದ ಮನೆಯವರಿಗೆ ಎಚ್ಚರಿಕೆ ನೀಡಿ ಕೇಸ್ ಜಡಿದ ಸಲ್ಮಾನ್ ಖಾನ್
