Mithilesh Chaturvedi: ಹೃದಯ ಸಂಬಂಧಿ ಕಾಯಿಲೆಯಿಂದ ನಟ ಮಿತಿಲೇಶ್​ ಚತುರ್ವೇದಿ ನಿಧನ; ಕಂಬನಿ ಮಿಡಿದ ಸೆಲೆಬ್ರಿಟಿಗಳು

ಹಿಂದಿ ಚಿತ್ರರಂಗದ ಖ್ಯಾತ ನಟ ಮಿತಿಲೇಶ್​ ಚತುರ್ವೇದಿ (Mithilesh Chaturvedi) ಅವರು ನಿಧನರಾಗಿದ್ದಾರೆ. ಹಲವು ದಿನಗಳಿಂದ ಅವರು ಹೃದಯ ಸಂಬಂಧಿ ಕಾಯಿಲೆಯಿಂದ (Heart Ailment) ಬಳಲುತ್ತಿದ್ದರು ಎನ್ನಲಾಗಿದೆ. ಬುಧವಾರ (ಆಗಸ್ಟ್​ 3) ಅವರು ಕೊನೆಯುಸಿರು ಎಳೆದರು ಎಂದು ತಿಳಿದುಬಂದಿದೆ. ಲಖನೌನಲ್ಲಿ ಅವರು ನಿಧನರಾದರು ಎಂಬ ಸುದ್ದಿಯನ್ನು ಅವರ ಅಳಿಯ ಆಶಿಶ್​ ಚತುರ್ವೇದಿ ಸೋಶಿಯಲ್​ ಮೀಡಿಯಾ ಮೂಲಕ ಖಚಿತಪಡಿಸಿದ್ದಾರೆ. ಹಲವು ವರ್ಷಗಳಿಂದ ಅವರು ಬಾಲಿವುಡ್​ನಲ್ಲಿ ಸಕ್ರಿಯರಾಗಿದ್ದರು. ‘ಕೋಯಿ ಮಿಲ್​ ಗಯಾ’, ‘ಗದರ್​: ಏಕ್​ ಪ್ರೇಮ್​ ಕಥಾ’ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದರು. ಮಿತಿಲೇಶ್​ ಚತುರ್ವೇದಿ ನಿಧನಕ್ಕೆ (Mithilesh Chaturvedi Death) ಚಿತ್ರರಂಗದ ಅನೇಕ ಸೆಲೆಬ್ರಿಟಿಗಳು ಮತ್ತು ಅಭಿಮಾನಿಗಳು ಕಂಬನಿ ಮಿಡಿಯುತ್ತಿದ್ದಾರೆ.

ಹಲವು ಬಗೆಯ ಪಾತ್ರಗಳನ್ನು ಮಾಡಿ ಮಿತಿಲೇಶ್​ ಚತುರ್ವೇದಿ ಗಮನ ಸೆಳೆದಿದ್ದರು. ಸಿನಿಮಾ ಮಾತ್ರವಲ್ಲದೇ ರಂಗಭೂಮಿಯಲ್ಲೂ ಅವರ ಸಕ್ರಿಯರಾಗಿದ್ದರು. ಅನೇಕ ಜಾಹೀರಾತುಗಳಲ್ಲೂ ಅವರು ಅಭಿನಯಿಸಿದ್ದರು. ವೆಬ್​ ಸರಣಿ ಲೋಕದಲ್ಲೂ ಅವರಿಗೆ ಡಿಮ್ಯಾಂಡ್​ ಇತ್ತು. ಇಂಥ ಪ್ರತಿಭಾವಂತ ನಟನನ್ನು ಕಳೆದುಕೊಂಡು ಹಿಂದಿ ಚಿತ್ರರಂಗ ಬಡವಾಗಿದೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಅಭಿಮಾನಿಗಳು ಪ್ರಾರ್ಥಿಸುತ್ತಿದ್ದಾರೆ.

ಇದನ್ನೂ ಓದಿ

ಯೋಗರಾಜ್ ಭಟ್ ಮಾವ, ಸ್ಯಾಂಡಲ್​ವುಡ್ ಕಲಾವಿದ ಸತ್ಯ ನಾರಾಯಣ್ ಹೃದಯಾಘಾತದಿಂದ ನಿಧನ

Edava Basheer Death: ಹಾಡುವಾಗಲೇ ವೇದಿಕೆಯಲ್ಲಿ ಕುಸಿದು ಬಿದ್ದು ಆರ್ಕೆಸ್ಟ್ರಾ ಗಾಯಕ ಎಡವ ಬಶೀರ್​ ನಿಧನ; ವಿಡಿಯೋ ವೈರಲ್​

Chalapathi Chowdary Death: ಹಿರಿಯ ನಟ ಕ್ಯಾಪ್ಟನ್​ ಚಲಪತಿ ಚೌದ್ರಿ ನಿಧನ

Mohan Juneja: ಖ್ಯಾತ ನಟ ಮೋಹನ್​ ಜುನೇಜ ನಿಧನ; ‘ಕೆಜಿಎಫ್​’ ಚಿತ್ರದಲ್ಲಿ ಅಭಿನಯಿಸಿದ್ದ ಜನಪ್ರಿಯ ಕಲಾವಿದ ಇನ್ನಿಲ್ಲ

@RakeshRoshan_N@iHrithik@FilmKRAFTfilms@IftpcM@CintaaOfficial Rest in Peace, Mithilesh Chaturvedi Ji ? We’ve lost a Very Fine Actor & Person today ? pic.twitter.com/patXlbfGXx

— Jaiदीप Seन (@jaidsen) August 4, 2022

‘ತಾಲ್​’, ‘ಗದ್ದರ್​: ಏಕ್​ ಪ್ರೇಮ್​ ಕಥಾ’, ‘ಕೋಯಿ ಮಿಲ್​ ಗಯಾ’, ‘ಬಂಟಿ ಔರ್​ ಬಬ್ಲಿ’, ‘ಗಾಂಧಿ ಮೈ ಫಾದರ್​’ ಮುಂತಾದವು ಮಿತಿಲೇಶ್​ ಚತುರ್ವೇದಿ ನಟನೆಯ ಪ್ರಮುಖ ಸಿನಿಮಾಗಳು. ಹನ್ಸಲ್​ ಮೆಹ್ತಾ ನಿರ್ದೇಶನದ ಸೂಪರ್​ ಹಿಟ್ ‘ಸ್ಕ್ಯಾಮ್​: 1992’ ವೆಬ್​ ಸಿರೀಸ್​ನಲ್ಲಿ ಅವರು ಅಭಿನಯಿಸಿದ್ದರು. ಮಿತಿಲೇಶ್​ ಚತುರ್ವೇದಿ ಅವರು ಕೊನೆಯದಾಗಿ ಕಾಣಿಸಿಕೊಂಡಿದ್ದು ಅಮಿತಾಭ್​ ಬಚ್ಚನ್​ ನಟನೆಯ ‘ಗುಲಾಬೋ ಸಿತಾಬೋ’ ಸಿನಿಮಾದಲ್ಲಿ.

Published On - 10:49 am, Thu, 4 August 22