Salaar Vs Dunki: ಅಡ್ವಾನ್ಸ್​ ಬುಕಿಂಗ್​ನಲ್ಲಿ ‘ಸಲಾರ್​’ ಚಿತ್ರವನ್ನು ಹಿಂದಿಕ್ಕಿದ ‘ಡಂಕಿ’

ಒಂದು ದಿನದ ಅಂತರದಲ್ಲಿ ‘ಸಲಾರ್​’ ಮತ್ತು ‘ಡಂಕಿ’ (Dunki) ಸಿನಿಮಾಗಳು ತೆರೆ ಕಾಣಲಿವೆ. ಡಿಸೆಂಬರ್​ 21ರಂದು ‘ಡಂಕಿ’ ಸಿನಿಮಾ ಬಿಡುಗಡೆ ಆಗಲಿದೆ. ಶಾರುಖ್​ ಖಾನ್​ (Shah Rukh Khan) ನಟನೆಯ ಈ ಸಿನಿಮಾ ಮೇಲೆ ಅಭಿಮಾನಿಗಳಿಗೆ ಸಖತ್​ ನಿರೀಕ್ಷೆ ಇದೆ. ಡಿಸೆಂಬರ್​ 22ರಂದು ಪ್ರಭಾಸ್​ ಅಭಿನಯದ ‘ಸಲಾರ್​’ (Salaar Movie) ಚಿತ್ರ ತೆರೆಕಾಣಲಿದೆ. ಇದು ಕೂಡ ಹೈಪ್​ ಕ್ರಿಯೇಟ್​ ಮಾಡಿದೆ. ಕಲೆಕ್ಷನ್​ ವಿಚಾರದಲ್ಲಿ ಈ ಎರಡು ಸಿನಿಮಾಗಳ ನಡುವೆ ಪೈಪೋಟಿ ಏರ್ಪಡಲಿದೆ. ಅಡ್ವಾನ್ಸ್​ ಟಿಕೆಟ್​ ಬುಕಿಂಗ್​ನಲ್ಲಿ ‘ಸಲಾರ್​’ ಸಿನಿಮಾವನ್ನು ‘ಡಂಕಿ’ ಚಿತ್ರ ಹಿಂದಿಕ್ಕಿದೆ.

2023ರ ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿಯಲ್ಲಿ ‘ಡಂಕಿ’ ಮತ್ತು ‘ಸಲಾರ್​’ ಸಿನಿಮಾಗಳು ಸ್ಥಾನ ಪಡೆದುಕೊಂಡಿವೆ. ಇತ್ತೀಚೆಗಷ್ಟೇ ಈ ಚಿತ್ರಗಳಿಗೆ ಅಡ್ವಾನ್ಸ್​ ಟಿಕೆಟ್​ ಬುಕಿಂಗ್​ ಆರಂಭ ಆಯಿತು. Sacnilk ವರದಿಯ ಪ್ರಕಾರ 5 ಭಾಷೆಗಳಲ್ಲಿ ‘ಸಲಾರ್​’ ಸಿನಿಮಾಗೆ 6.03 ಕೋಟಿ ರೂಪಾಯಿ ಮೊತ್ತದ ಟಿಕೆಟ್​ಗಳು ಬುಕ್​ ಆಗಿವೆ. ಹಿಂದಿಯಲ್ಲಿ ಮಾತ್ರ ರಿಲೀಸ್​ ಆಗಲಿರುವ ‘ಡಂಕಿ’ ಸಿನಿಮಾಗೆ 7.46 ಕೋಟಿ ರೂಪಾಯಿ ಮೊತ್ತದ ಟಿಕೆಟ್​ಗಳು ಬುಕ್​ ಆಗಿವೆ.

ಇದನ್ನೂ ಓದಿ: Dunki: ‘ಯು/ಎ’ ಪ್ರಮಾಣಪತ್ರ ಪಡೆದ ‘ಡಂಕಿ’; ಸಿನಿಮಾದ ಅವಧಿ ಬಗ್ಗೆಯೂ ಸಿಕ್ತು ಮಾಹಿತಿ

‘ಸಲಾರ್​’ ಸಿನಿಮಾದ 2,48,564 ಟಿಕೆಟ್​ಗಳು ಸೋಲ್ಡ್​ ಔಟ್​ ಆಗಿವೆ. ‘ಡಂಕಿ’ ಸಿನಿಮಾಗೆ ಅದಕ್ಕಿಂತಲೂ ಹೆಚ್ಚು ಟಿಕೆಟ್​ಗಳು ಮಾರಾಟ ಆಗಿವೆ. ಪ್ರಶಾಂತ್​ ನೀಲ್​ ಅವರು ‘ಸಲಾರ್​’ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ರಾಜ್​ಕುಮಾರ್​ ಹಿರಾನಿ ಅವರು ‘ಡಂಕಿ’ ಸಿನಿಮಾಗೆ ಆ್ಯಕ್ಷನ್​-ಕಟ್​ ಹೇಳಿದ್ದಾರೆ. ಈ ಎರಡೂ ಸಿನಿಮಾಗಳು ಬೇರೆ ಬೇರೆ ಪ್ರಕಾರದಲ್ಲಿವೆ. ‘ಡಂಕಿ’ ಕ್ಲಾಸ್​ ಆಗಿದ್ದರೆ, ‘ಸಲಾರ್​’ ಮಾಸ್​ ಆಗಿದೆ.

ಇದನ್ನೂ ಓದಿ: ‘ಜವಾನ್​’, ‘ಪಠಾಣ್​’ ರೀತಿಯೇ ‘ಡಂಕಿ’ ಕೂಡ ಹಿಟ್​ ಆಗುತ್ತೆ ಎಂಬುದಕ್ಕೆ ಇಲ್ಲಿವೆ ಕಾರಣಗಳು..

‘ಬಾಹುಬಲಿ 2’ ಬಳಿಕ ಪ್ರಭಾಸ್​ ಅವರು ಸತತ ಸೋಲು ಕಂಡಿದ್ದು, ‘ಸಲಾರ್​’ ಮೂಲಕ ಗೆಲ್ಲುವ ಅನಿವಾರ್ಯತೆ ಇದೆ. ಶಾರುಖ್​ ಖಾನ್​ ಅವರು 2023ರಲ್ಲಿ ಎರಡು ಬ್ಲಾಕ್​ ಬಸ್ಟರ್​ ಹಿಟ್​ ನೀಡಿದ್ದು, ‘ಡಂಕಿ’ ಮೂಲಕ ಮೂರನೇ ಗೆಲುವಿಗಾಗಿ ಕಾದಿದ್ದಾರೆ. ಕ್ರಿಸ್​ ಮಸ್​ ಸಂದರ್ಭದ ರಜೆಯ ಲಾಭ ಪಡೆಯಲು ಈ ಎರಡೂ ಸಿನಿಮಾಗಳು ಪ್ಲ್ಯಾನ್​ ಮಾಡಿಕೊಂಡಿವೆ. ಮೊದಲ ದಿನ ಯಾವ ಚಿತ್ರಕ್ಕೆ ಎಷ್ಟು ಕಲೆಕ್ಷನ್​ ಆಗಲಿದೆ ಎಂಬುದನ್ನು ತಿಳಿಯುವ ಕೌತುಕ ಹೆಚ್ಚಾಗಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.