‘ಗದರ್ 2’ ಘರ್ಜನೆಗೆ ‘ಕೆಜಿಎಫ್ 2’ ಚಿತ್ರದ ದಾಖಲೆ ಉಡೀಸ್; ಎಷ್ಟಾಯಿತು ಒಟ್ಟು ಕಲೆಕ್ಷನ್?
ಯಶ್ ನಟನೆಯ ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾ ಹಿಂದಿಗೆ ಡಬ್ ಆಗಿ ತೆರೆಕಂಡಿತ್ತು. ಹಿಂದಿ ವರ್ಷನ್ನಿಂದ ಆ ಸಿನಿಮಾಗೆ ಬರೋಬ್ಬರಿ 434 ಕೋಟಿ ರೂಪಾಯಿ ಕಲೆಕ್ಷನ್ ಆಗಿತ್ತು. ಈಗ ಆ ಚಿತ್ರದ ಗಳಿಕೆಯನ್ನೂ ಮೀರಿಸಿ ‘ಗದರ್ 2’ ಸಿನಿಮಾ ಕಲೆಕ್ಷನ್ ಮಾಡಿದೆ. ಆ ಮೂಲಕ ಸನ್ನಿ ಡಿಯೋಲ್ ಅವರು ಜಯಭೇರಿ ಬಾರಿಸಿದ್ದಾರೆ.
ನಟ ಸನ್ನಿ ಡಿಯೋಲ್ (Sunny Deol) ಅಭಿನಯದ ‘ಗದರ್ 2’ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಸುನಾಮಿ ಎಬ್ಬಿಸಿದೆ. ಈ ಚಿತ್ರ ಈ ಪರಿ ಅಬ್ಬರಿಸುತ್ತದೆ ಎಂದು ಬಹುತೇಕರು ಊಹಿಸಿರಲಿಲ್ಲ. ‘ಒಎಂಜಿ 2’ ಮತ್ತು ‘ಜೈಲರ್’ ಸಿನಿಮಾದ ಎದುರಿನಲ್ಲಿ ‘ಗದರ್ 2’ (Gadar 2) ಚಿತ್ರ ಬಿಡುಗಡೆಯಾಗಿ ಭರ್ಜರಿ ಪೈಪೋಟಿ ನೀಡಿದೆ. ಸತತ 16 ದಿನಗಳ ಕಾಲ ಗಲ್ಲಾಪೆಟ್ಟಿಗೆಯಲ್ಲಿ ಈ ಸಿನಿಮಾ ಅಬ್ಬರಿಸಿದೆ. ಇದರ ಮೋಡಿಗೆ ಜನರು ಮನ ಸೋತಿದ್ದಾರೆ. ಈ ಮೊದಲು ಸ್ಟಾರ್ ನಟರ ಸಿನಿಮಾಗಳು ಮಾಡಿದ್ದ ದಾಖಲೆಗಳನ್ನು ‘ಗದರ್ 2’ ಚಿತ್ರ ಮುರಿದುಹಾಕಿದೆ. ಅಚ್ಚರಿ ಎಂದರೆ ಹಿಂದಿ ಮಾರುಕಟ್ಟೆಯಲ್ಲಿ ‘ಕೆಜಿಎಫ್: ಚಾಪ್ಟರ್ 2’ (KGF: Chapter 2) ಸಿನಿಮಾದ ಗಳಿಕೆಯನ್ನೂ ಕೂಡ ‘ಗದರ್ 2’ ಸಿನಿಮಾ ಮೀರಿಸಿದೆ. ಆ ಮೂಲಕ ಹಿಂದಿಯಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಮೂರನೇ ಸಿನಿಮಾ ಎಂಬ ಖ್ಯಾತಿ ಈ ಚಿತ್ರಕ್ಕೆ ಸಿಕ್ಕಿದೆ.
ಯಶ್ ನಟನೆಯ ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾ ಹಿಂದಿಗೆ ಡಬ್ ಆಗಿ ತೆರೆಕಂಡಿತ್ತು. ಹಿಂದಿ ವರ್ಷನ್ನಿಂದ ಆ ಸಿನಿಮಾಗೆ ಬರೋಬ್ಬರಿ 434 ಕೋಟಿ ರೂಪಾಯಿ ಕಲೆಕ್ಷನ್ ಆಗಿತ್ತು. ಈಗ ಆ ಚಿತ್ರದ ಗಳಿಕೆಯನ್ನೂ ಮೀರಿಸಿ ‘ಗದರ್ 2’ ಸಿನಿಮಾ ಕಲೆಕ್ಷನ್ ಮಾಡಿದೆ. ಆ ಮೂಲಕ ಸನ್ನಿ ಡಿಯೋಲ್ ಅವರು ಜಯಭೇರಿ ಬಾರಿಸಿದ್ದಾರೆ. ಈ ಚಿತ್ರದ ಅಬ್ಬರ ಇನ್ನೂ ನಿಂತಿಲ್ಲ. ಇನ್ನೂ ಒಂದಷ್ಟು ದಿನಗಳ ಕಾಲ ಉತ್ತಮವಾಗಿ ಕಮಾಯಿ ಮಾಡುವ ಸಾಧ್ಯತೆ ದಟ್ಟವಾಗಿದೆ. ಮೂರನೇ ವೀಕೆಂಡ್ನಲ್ಲಿ ಈ ಚಿತ್ರಕ್ಕೆ ಎರಡಂಕಿ ಕಲೆಕ್ಷನ್ ಆಗಿರುವುದು ಗಮನಾರ್ಹ ವಿಚಾರ.
ಇದನ್ನೂ ಓದಿ: ಗದರ್ 2 ; ಪಾಕ್ ವಿರೋಧಿಯಲ್ಲ, ಪಾಕ್-ಭಾರತದ ಬಿಕ್ಕಟ್ಟಿಗೆ ರಾಜಕೀಯ ಕಾರಣ: ಸನ್ನಿ ಡಿಯೋಲ್
‘ಗದರ್ 2’ ಸಿನಿಮಾದ ಒಟ್ಟು ಕಲೆಕ್ಷನ್ ಈಗ 440 ಕೋಟಿ ರೂಪಾಯಿ ಆಗಿದೆ. ಭಾನುವಾರದ (ಆಗಸ್ಟ್ 27) ಗಳಿಕೆ ಕೂಡ ಸೇರಿದರೆ 450 ಕೋಟಿ ರೂಪಾಯಿ ಮೀರುವ ಸಾಧ್ಯತೆ ಇದೆ. ಈಗ ಈ ಚಿತ್ರದ ಎದುರು ಇರುವ ಟಾರ್ಗೆಟ್ ‘ಪಠಾಣ್’ ಮತ್ತು ‘ಬಾಹುಬಲಿ 2’ ಸಿನಿಮಾಗಳು. ಈ ವರ್ಷ ತೆರೆಕಂಡ ‘ಪಠಾಣ್’ ಸಿನಿಮಾ 525 ಕೋಟಿ ರೂಪಾಯಿ ಗಳಿಸಿತ್ತು. ‘ಬಾಹುಬಲಿ 2’ ಚಿತ್ರದ ಹಿಂದಿ ವರ್ಷನ್ಗೆ 511 ಕೋಟಿ ರೂಪಾಯಿ ಕಲೆಕ್ಷನ್ ಆಗಿತ್ತು. ಆ ಸಿನಿಮಾಗಳನ್ನು ಹಿಂದಿಕ್ಕಲು ‘ಗದರ್ 2’ ಸಿನಿಮಾಗೆ ಸಾಧ್ಯವಾಗುತ್ತಾ ಎಂಬುದನ್ನು ಕಾದುನೋಡಬೇಕು.
ಇದನ್ನೂ ಓದಿ: ‘ಸಿನಿಮಾ ಹಿಟ್ ಆದ ಬಳಿಕ ಸನ್ನಿ ಡಿಯೋಲ್ಗೆ ಸೊಕ್ಕು ಬಂತು’; ನಟನ ವರ್ತನೆಗೆ ಆಕ್ರೋಶ
ಅನಿಲ್ ಶರ್ಮಾ ಅವರು ‘ಗದರ್ 2’ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಸನ್ನಿ ಡಿಯೋಲ್ ಮತ್ತು ಅಮೀಷಾ ಪಟೇಲ್ ಅವರು ಜೋಡಿಯಾಗಿ ನಟಿಸಿದ್ದಾರೆ. ಆ್ಯಕ್ಷನ್ ಪ್ರಿಯರಿಗೆ ಈ ಸಿನಿಮಾ ಸಖತ್ ಇಷ್ಟ ಆಗಿದೆ. ‘ಒಎಂಜಿ 2’ ಮತ್ತು ‘ಜೈಲರ್’ ಸಿನಿಮಾದ ಪೈಪೋಟಿ ಇದ್ದರೂ ಕೂಡ ‘ಗದರ್ 2’ ಸಿನಿಮಾ ಅಬ್ಬರಿಸಿದೆ. ಆಗಸ್ಟ್ 25ರಂದು ಹೊಸ ಸಿನಿಮಾಗಳು ರಿಲೀಸ್ ಆಗಿದ್ದರೂ ಕೂಡ ಸನ್ನಿ ಡಿಯೋಲ್ ಹವಾ ನಿಂತಿಲ್ಲ. ನಾಲ್ಕನೇ ವಾರವೂ ಈ ಸಿನಿಮಾ ಅನೇಕ ಕಡೆಗಳಲ್ಲಿ ಉತ್ತಮವಾಗಿ ಪ್ರದರ್ಶನ ಕಾಣುತ್ತಿದೆ. ಸನ್ನಿ ಡಿಯೋಲ್ ಅವರ ವೃತ್ತಿಜೀವನದ ಬಹುದೊಡ್ಡ ಚಿತ್ರವಾಗಿ ‘ಗದರ್ 2’ ಹೊರಹೊಮ್ಮಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
