ಸೈಫ್​ ಪುತ್ರ ತೈಮೂರ್​ ರೀತಿಯೇ ಕಾಣುವ ಇನ್ನೊಬ್ಬ ಬಾಲಕನ ಫೋಟೋ ವೈರಲ್​; ಯಾರಿದು?

ಕೆಲವು ಸೆಲೆಬ್ರಿಟಿಗಳು ತಮ್ಮ ಮಕ್ಕಳನ್ನು ಸಾರ್ವಜನಿಕವಾಗಿ ಕಾಣಿಸಿಕೊಳ್ಳೋಕೆ ಬಿಡುವುದಿಲ್ಲ. ಆದರೆ ಕೆಲವರು ಇಂಥ ನಿರ್ಬಂಧಗಳನ್ನು ಹಾಕಿಕೊಳ್ಳುವುದಿಲ್ಲ. ಕರೀನಾ ಕಪೂರ್​ ಖಾನ್​ ಮತ್ತು ಸೈಫ್​ ಅಲಿ ಖಾನ್​ ಪುತ್ರ ತೈಮೂರ್​ ಅಲಿ ಖಾನ್​ ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಫೇಮಸ್​ ಆಗಿದ್ದಾನೆ. ಆತ ಎಲ್ಲೇ ಹೋದರೂ ಪಾಪರಾಜಿ ಕ್ಯಾಮೆರಾಗಳು ಅವನನ್ನು ಹಿಂಬಾಲಿಸುತ್ತವೆ. ಅಚ್ಚರಿ ಎಂದರೆ ಈಗ ಸೋಶಿಯಲ್​ ಮೀಡಿಯಾದಲ್ಲಿ ಓರ್ವ ಬಾಲಕನ ಫೋಟೋ ವೈರಲ್​ ಆಗಿದೆ. ಆದರೆ ಅದು ತೈಮೂರ್​ ಅಲ್ಲವೇ ಅಲ್ಲ. ಆದರೆ ಈ ಬಾಲಕ ಕೂಡ ತೈಮೂರ್​ ರೀತಿಯೇ ಇದ್ದಾನೆ ಎಂಬುದು ವಿಶೇಷ.

ಸೆಲೆಬ್ರಿಟಿ ಫೋಟೋಗ್ರಾಫರ್​ ವೈರಲ್​ ಭಯಾನಿ ಅವರು ಈ ಬಾಲಕನ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈತನ ಹೆಸರು ಜಾರ್ಯನ್ ಥಾಪರ್​. ತೈಮೂರ್​ ಮತ್ತು ಜಾರ್ಯನ್​ ಫೋಟೋಗಳನ್ನು ಅಕ್ಕ-ಪಕ್ಕ ಇರಿಸಿ ಪೋಸ್ಟ್​ ಮಾಡಲಾಗಿದೆ. ಅದನ್ನು ನೋಡಿ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಹೇರ್​ಸ್ಟೈಲ್​, ಡ್ರೆಸಿಂಗ್ ಸೆನ್ಸ್​ ಎಲ್ಲದರಲ್ಲಿಯೂ ಈ ಇಬ್ಬರು ಬಾಲಕರ ನಡುವೆ ಸಾಮ್ಯತೆ ಇದೆ.

ಪೋಸ್ಟ್​ ಮಾಡಿದ ಕೆಲವೇ ಗಂಟೆಗಳಲ್ಲಿ ಜಾರ್ಯನ್​ ಫೋಟೋಗೆ ಭರ್ಜರಿ ಲೈಕ್ಸ್​ ಸಿಕ್ಕಿದೆ. ಜಾರ್ಯನ್​ ಥಾಪರ್​ನ ಬೇರೆ ಬೇರೆ ಫೋಟೋಗಳು ಕೂಡ ವೈರಲ್​ ಆಗುತ್ತಿವೆ. ಈತನನ್ನು ತೈಮೂರ್​ ಜೊತೆ ಹೋಲಿಕೆ ಮಾಡುತ್ತಿರುವುದಕ್ಕೆ ಕೆಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ‘ಪ್ರತಿ ಮಕ್ಕಳಿಗೆ ಬೇರೆ ಬೇರೆ ಐಡೆಂಟಿಟಿ ಇರುತ್ತದೆ. ಈ ರೀತಿ ಹೋಲಿಕೆ ಮಾಡುವುದು ಸರಿಯಲ್ಲ. ಜಾರ್ಜನ್​ ಥಾಪರ್​ನನ್ನು ಅವನ ಪಾಡಿಗೆ ಬಿಟ್ಟುಬಿಡಿ’ ಎಂಬಿತ್ಯಾದಿ ಕಮೆಂಟ್​ಗಳು ಬಂದಿವೆ.

View this post on Instagram

A post shared by Viral Bhayani (@viralbhayani)

ಈ ವೈರಲ್​ ಫೋಟೋ ಬಗ್ಗೆ ಸದ್ಯ ಕರೀನಾ ಅವರಾಗಲೀ ಸೈಫ್​ ಅಲಿ ಖಾನ್​ ಅವರಾಗಲಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಕರೀನಾ ನಟನೆಯ ‘ಲಾಲ್​ ಸಿಂಗ್​ ಚಡ್ಡಾ’ ಸಿನಿಮಾ ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಆ ಚಿತ್ರಕ್ಕೆ ಆಮಿರ್​ ಖಾನ್​ ಹೀರೋ. ಅತ್ತ, ಸೈಫ್​ ಅಲಿ ಖಾನ್​ ಕೂಡ ಹಲವು ಪ್ರಾಜೆಕ್ಟ್​ಗಳಲ್ಲಿ ಬ್ಯುಸಿ ಆಗಿದ್ದಾರೆ. ಬಹುನಿರೀಕ್ಷಿತ ‘ಆದಿಪುರುಷ್​’ ಚಿತ್ರದಲ್ಲಿ ಅವರು ರಾವಣನ ಪಾತ್ರ ಮಾಡುತ್ತಿದ್ದಾರೆ. ಇತ್ತೀಚೆಗೆ ಅವರ ‘ಭೂತ್​ ಪೊಲೀಸ್​’ ಸಿನಿಮಾ ಓಟಿಟಿಯಲ್ಲಿ ಬಿಡುಗಡೆಯಾಗಿ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತು.

ಇದನ್ನೂ ಓದಿ:

ಯಶ್​ ರಿಜೆಕ್ಟ್​ ಮಾಡಿದ್ದ ಚಿತ್ರದಲ್ಲಿ ಸೈಫ್​ ಅಲಿ ಖಾನ್​ ನಟಿಸಿ ಹೀನಾಯವಾಗಿ ಸೋತರು; ಯಾವುದು ಆ ಸಿನಿಮಾ?

ಹುಟ್ಟುಹಬ್ಬದ ದಿನ ಸೈಫ್​ ಜತೆ ಎಂಜಾಯ್​ ಮಾಡಲು ಮಾಲ್ಡೀವ್ಸ್​ಗೆ ತೆರಳಿದ ಕರೀನಾ

Published On - 8:20 am, Thu, 28 October 21