ಸಲ್ಮಾನ್​ ಖಾನ್ ಜೊತೆ ಐಕಾನಿಕ್​ ಹಾಡಿಗೆ ಹೆಜ್ಜೆ ಹಾಕಿದ ಬಾಕ್ಸರ್​ ನಿಖತ್​ ಜರೀನ್

ಬಾಕ್ಸರ್​ ‘ನಿಖತ್​ ಜರೀನ್’ ಅವರು ಸಲ್ಮಾನ್​ ಖಾನ್(salman khan)​ ಅವರೊಂದಿಗೆ ಅವರ ‘ಲವ್’ ಚಿತ್ರದ ಹಾಡಿಗೆ ಡ್ಯಾನ್ಸ್​ ಮಾಡಿದ್ದಾರೆ. ಈ ವಿಡಿಯೋವನ್ನ ಬಾಕ್ಸರ್​ ತನ್ನ ಟ್ವಿಟ್ಟರ್​ ಹ್ಯಾಂಡಲ್​ನಲ್ಲಿ ಹಂಚಿಕೊಂಡಿದ್ದು ‘ ಡ್ರೀಮ್ ಕಮ್​ ಟ್ರೂ’ (dream come true) ಹೀಗೆಂದು ಬರೆದುಕೊಂಡಿದ್ದಾರೆ. ವೀಡಿಯೋದಲ್ಲಿ ಸಲ್ಮಾನ್​ ಖಾನ್​ ಕಪ್ಪು ಪ್ಯಾಂಟ್​ನೊಂದಿಗೆ ಬಿಳಿ ಶರ್ಟ್​ನಲ್ಲಿ ಕಾಣಿಸಿಕೊಂಡರೆ, ನಿಖತ್​ ನೀಲಿ ಅಥ್ಲೀಸರ್​ನಲ್ಲಿ ಕಾಣುತ್ತಾರೆ. ಈ ವಿಡಿಯೋದ ಜೊತೆಗೆ ‘ಫೈನಲಿ ಇಂತೇಜರ್​ ಖತಮ್​ ಹುವಾ'(finally intezar khatam hua) ಎಂದು ಬರೆದುಕೊಂಡಿದ್ದಾರೆ.

ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದ್ದಂತೆ ಕಾಮೆಂಟ್ಗ್ಗಳು ಹರಿದು ಬರುತ್ತಿದೆ. ಅಭಿಮಾನಿಯೊಬ್ಬರು ‘ನನಗೆ ಗೊತ್ತಿಲ್ಲ, ಈ ಹಾಡಿನಲ್ಲಿ ಭಾಯ್ ನೃತ್ಯವನ್ನ ನೋಡಿ ಭಾವುಕನಾದೆ ಲವ್​ ಯು ಭಾಯ್​ ಹಾಗೂ ನಿಖತ್​ ನಿಮಗೆ ಧನ್ಯವಾದಗಳು’ ಎಂದಿದ್ದಾರೆ. ಮತ್ತೊಬ್ಬ ಅಭಿಮಾನಿ ‘ನಿಮಗೆ ಅಭಿನಂದನೆಗಳು ಅಂತಿಮವಾಗಿ ನೀವು ಅವರನ್ನು ಭೇಟಿಯಾಗಿದ್ದೀರಿ, ದೇವರು ನಿಮಗೆ ಆಶೀರ್ವದಿಸಲಿ’ ಎಂದಿದ್ದಾರೆ.

ಇದನ್ನೂ ಓದಿ:

ನಿಖತ್​ ಜರೀನ್​ ಅವರು ಮೇ ತಿಂಗಳಿನಲ್ಲಿ ನಡೆದಿದ್ದ ವಿಶ್ವ ಮಹಿಳಾ ಬಾಕ್ಸಿಂಗ್​ ಚಾಂಪಿಯನ್​ಶಿಪ್​ನಲ್ಲಿ ಭಾರತಕ್ಕೆ ಚಿನ್ನದ ಪದಕವನ್ನ ಗೆದ್ದುಕೊಟ್ಟಿದ್ದಾರೆ. ನಿಖತ್​ ಪದಕ ಗೆದ್ದ ನಂತರ ಸಲ್ಮಾನ್ ಖಾನ್​ ಟ್ವಿಟ್ಟರ್​ನಲ್ಲಿ ವಿಶ್​ ಮಾಡಿದ್ದಾರೆ,‘ಚಿನ್ನದ ನಿಖತ್​ಗೆ ಅಭಿನಂದನೆಗಳು’ ಎಂದು ಬರೆದಿದ್ದರು, ಇದನ್ನು ನೋಡಿದ ನಿಖತ್​ ತುಂಬಾ ಖುಷಿಯಾಗಿ ನನ್ನ ಖುಷಿಯನ್ನು ದುಪ್ಪಟ್ಟುಗೊಳಿಸಿದ್ದಕ್ಕಾಗಿ ಧನ್ಯವಾದಗಳು, ಈ ಕ್ಷಣ ಶಾಶ್ವತವಾಗಿ ನನ್ನ ಹೃದಯಲ್ಲಿ ಇರುತ್ತದೆ ಎಂದಿದ್ದರು.

ಸಲ್ಮಾನ್​ ಖಾನ್​ ಅವರ ಮುಂದಿನ ಸಿನಿಮಾ ‘ಕಿಸಿ ಕಾ ಭಾಯ್​ ಕಿಸಿ ಕಾ ಜಾನ್’​ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿದ್ದಾರೆ. ಈ ಚಿತ್ರದಲ್ಲಿ ಪೂಜಾ ಹೆಗ್ಡೆ, ಶೆಹನಾಜ್​ ಗಿಲ್​ ಮತ್ತು ರಾಘವ್​ ಜುಯಲ್​ ನಟಿಸಿದ್ದಾರೆ, ‘ಟೈಗರ್​-3′ ಸಿನಿಮಾದಲ್ಲಿ ಕತ್ರಿನಾ ಕೈಫ್​ ಜೋಡಿಯಾಗಲಿದ್ದಾರೆ.

Finallyyyyy intezar khatam hua❤️@BeingSalmanKhan #fanmoment#dreamcometrue#salmankhan pic.twitter.com/pMTLDqoOno

— Nikhat Zareen (@nikhat_zareen) November 8, 2022

ಇನ್ನಷ್ಟು ಮನರಂಜನಾ ಸುದ್ದಿಗಳಿಗಾಗಿ  ಇಲ್ಲಿ ಕ್ಲಿಕ್​ ಮಾಡಿ

Published On - 10:59 am, Wed, 9 November 22