ತೆರಿಗೆ ತಪ್ಪಿಸಿದ ನಟಿಗೆ ಬಿತ್ತು ಬರೋಬ್ಬರಿ 338 ಕೋಟಿ ದಂಡ; ಮಾಜಿ ಪ್ರಿಯಕರನಿಂದಲೇ ಬಯಲಾಯ್ತು ಅಕ್ರಮ

ನಟಿ ಜೆಂಗ್ ಶುವಾಂಗ್ ಚೀನಾದಲ್ಲಿ ತುಂಬಾನೇ ಫೇಮಸ್​. ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಆದರೆ, ಚೀನಾ ಸರ್ಕಾರದ ಕಣ್ಣಿಗೆ ಮಣ್ಣೆರೆಚಲು ಹೋಗಿ ದೊಡ್ಡ ಮೊತ್ತದ ದಂಡ ವಿಧಿಸಿಕೊಂಡಿದ್ದಾರೆ.

ತೆರಿಗೆ ತಪ್ಪಿಸಿದ ನಟಿಗೆ ಬಿತ್ತು ಬರೋಬ್ಬರಿ 338 ಕೋಟಿ ದಂಡ; ಮಾಜಿ ಪ್ರಿಯಕರನಿಂದಲೇ ಬಯಲಾಯ್ತು ಅಕ್ರಮ
ತೆರಿಗೆ ತಪ್ಪಿಸಿದ ನಟಿಗೆ ಬಿತ್ತು ಬರೋಬ್ಬರಿ 338 ಕೋಟಿ ದಂಡ; ಮಾಜಿ ಪ್ರಿಯಕರನಿಂದಲೇ ಬಯಲಾಯ್ತು ಅಕ್ರಮ

ದೊಡ್ಡ ಸಂಭಾವನೆ ಪಡೆಯುವ ಬಹುತೇಕರು ತೆರಿಗೆಯಿಂದ ತಪ್ಪಿಸಿಕೊಳ್ಳಲು ನಾನಾ ಮಾರ್ಗಗಳ ಮೊರೆ ಹೋಗುತ್ತಾರೆ. ಕೆಲವರು ಕಡಿಮೆ ಆದಾಯ ತೋರಿಸಿ ತೆರಿಗೆಯಿಂದ ತಪ್ಪಿಸಿಕೊಂಡರೆ, ಇನ್ನೂ ಕೆಲವರು ಯಾರೂ ಊಹಿಸದ ಮಟ್ಟಕ್ಕೆ ಇಳಿದು ಸರ್ಕಾರದ ಕಣ್ಣಿಗೆ ಮಣ್ಣೆರೆಚುತ್ತಾರೆ. ಈ ರೀತಿ ಮಾಡೋದು ಅಪರಾಧ. ಇದಕ್ಕೆ ಎಲ್ಲಾ ರಾಷ್ಟ್ರಗಳಲ್ಲೂ ಕಠಿಣ ಶಿಕ್ಷೆ ಇದೆ. ಈಗ ಚೀನಾದಲ್ಲಿ ಇದೇ ರೀತಿಯ ಪ್ರಕರಣ ಬೆಳಕಿಗೆ ಬಂದಿದೆ.  ತೆರಿಗೆ ತಪ್ಪಿಸಿದ ನಟಿಗೆ ಬರೋಬ್ಬರಿ 338 ಕೋಟಿ ರೂಪಾಯಿ ದಂಡ ವಿಧಿಸಲಾಗಿದೆ. ಈ ಪ್ರಕರಣ ಬೆಳಕಿಗೆ ಬಂದಿದ್ದು ಅವರ ಮಾಜಿ ಪ್ರಿಯಕರನಿಂದ ಅನ್ನೋದು ವಿಚಿತ್ರ.

ನಟಿ ಜೆಂಗ್ ಶುವಾಂಗ್ ಚೀನಾದಲ್ಲಿ ತುಂಬಾನೇ ಫೇಮಸ್​. ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಆದರೆ, ಚೀನಾ ಸರ್ಕಾರದ ಕಣ್ಣಿಗೆ ಮಣ್ಣೆರೆಚಲು ಹೋಗಿ ದೊಡ್ಡ ಮೊತ್ತದ ದಂಡ ವಿಧಿಸಿಕೊಂಡಿದ್ದಾರೆ. ಚೀನಾದಲ್ಲಿ ಇತ್ತೀಚೆಗೆ ತೆರಿಗೆ ನಿಯಮಗಳನ್ನು ಕಠಿಣ ಗೊಳಿಸಲಾಗಿದೆ. ಜೆಂಗ್​ ತಪ್ಪು ಮಾಡಿದ್ದು ಸಾಬೀತಾಗಿದ್ದು, ಬರೋಬ್ಬರಿ 4.61 ಕೋಟಿ ಡಾಲರ್​ ಅಂದರೆ ಸುಮಾರು 338 ಕೋಟಿ ರೂಪಾಯಿ ದಂಡ ಬಿದ್ದಿದೆ.

ಜೆಂಗ್​ ಎರಡು ಪ್ರಾಜೆಕ್ಟ್​​ಗಳಿಗೆ ಸಹಿ ಹಾಕಿದ್ದರು. ನಿರ್ಮಾಪಕರಿಂದ ದೊಡ್ಡ ಮೊತ್ತದ ಸಂಭಾವನೆಯನ್ನೂ ಪಡೆದುಕೊಂಡಿದ್ದರು. ಆದರೆ, ತೆರಿಗೆಯಿಂದ ತಪ್ಪಿಸಿಕೊಳ್ಳಲು ಕಡಿಮೆ ಹಣ ಪಡೆದಿದ್ದೇನೆ ಎಂಬುದಾಗಿ ಬಿಂಬಿಸಿದ್ದರು. ಈ ಮೂಲಕ ಕಡಿಮೆ ತೆರಿಗೆ ಪಾವತಿ ಮಾಡಿದ್ದರು.

ಈ ಟ್ಯಾಕ್ಸ್​ ವಿಚಾರ ಬೆಳಕಿಗೆ ಬಂದಿದ್ದು ತುಂಬಾನೇ ಅಚ್ಚರಿಯ ರೀತಿಯಲ್ಲಿ. ನಿರ್ಮಾಪಕ ಜಾಂಗ್​ ಹೆಂಗ್​ ಜತೆ ಜೆಂಗ್​ ರಿಲೇಶನ್​ಶಿಪ್​ನಲ್ಲಿದ್ದರು. ಆದರೆ, ಇಬ್ಬರದ್ದೂ ಬ್ರೇಕಪ್​ ಆಗಿತ್ತು. ಜೆಂಗ್​ ಮಾಡಿದ ಅಕ್ರಮದ ಇಂಚಿಂಚು ಮಾಹಿತಿ ಜಾಂಗ್​ಗೆ ಇತ್ತು. ಅವರು ಆದಾಯ ತೆರಿಗೆ ಇಲಾಖೆಗೆ ಈ ಬಗ್ಗೆ ಮಾಹಿತಿ ನೀಡಿದ್ದರು. ಈ ಮೂಲಕ ನಟಿಯ ಅಕ್ರಮ ಬಯಲಿಗೆ ಬಂದಿತ್ತು.

ಈ ಮೊದಲು ಬಾಡಿಗೆ ತಾಯ್ತನದ ವಿಚಾರದಲ್ಲಿ ಜೆಂಗ್​ ಸುದ್ದಿಯಾಗಿದ್ದರು. ಅಮೆರಿಕದ ಮಹಿಳೆಯೊಬ್ಬಳನ್ನು ಬಾಡಿಗೆ ತಾಯಿ ಆಗಲು ನೇಮಿಸಿಕೊಂಡಿದ್ದರು. ಆದರೆ, ಬಾಯ್​ಫ್ರೆಂಡ್​ ಜತೆ ಜೆಂಗ್​ಗೆ ಬ್ರೇಕಪ್​ ಆಗಿತ್ತು. ಈ ವೇಳೆ ಅಬಾರ್ಷನ್​ ಮಾಡಿಕೊಳ್ಳುವಂತೆ ಮಹಿಳೆಗೆ ಒತ್ತಾಯ ಹೇರಿದ್ದರು ಜೆಂಗ್​.

ಇದನ್ನೂ ಓದಿ: ರಾಜ್​ಕುಮಾರ್​ ಸಿನಿಮಾ ಟೈಟಲ್​ ಮರುಬಳಕೆ ಮಾಡದಂತೆ ಅಭಿಮಾನಿಗಳ ಆಗ್ರಹ; ಸ್ಪಂದಿಸಿದ ಫಿಲ್ಮ್​ ಚೇಂಬರ್

Read Full Article

Click on your DTH Provider to Add TV9 Kannada