Godfather: ಹೇಗಿದೆ ‘ಗಾಡ್ ಫಾದರ್’ ಚಿತ್ರ? ಟ್ವಿಟರ್ ವಿಮರ್ಶೆ ಮೂಲಕ ಅಭಿಪ್ರಾಯ ತಿಳಿಸಿದ ‘ಮೆಗಾಸ್ಟಾರ್’ ಫ್ಯಾನ್ಸ್
Godfather Twitter Review: ‘ಚಿರಂಜೀವಿ ಮತ್ತೆ ಫಾರ್ಮ್ಗೆ ಬಂದಿದ್ದಾರೆ. ನಯನತಾರಾ ಹಾಗೂ ಸಲ್ಮಾನ್ ಖಾನ್ ನಟನೆ ಕೂಡ ಸೂಪರ್ ಆಗಿದೆ’ ಎಂದು ‘ಗಾಡ್ ಫಾದರ್’ ನೋಡಿದ ಪ್ರೇಕ್ಷಕರು ಹೊಗಳುತ್ತಿದ್ದಾರೆ.
Updated on:Oct 05, 2022 | 10:06 AM
‘ಮೆಗಾಸ್ಟಾರ್’ ಚಿರಂಜೀವಿ (Mega Star Chiranjeevi) ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ಚಿರು ನಟನೆಯ ‘ಗಾಡ್ ಫಾದರ್’ ಸಿನಿಮಾ ಇಂದು (ಅ.5) ಬಿಡುಗಡೆ ಆಗಿದೆ. 2022ರ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಸ್ಥಾನ ಪಡೆದ ಈ ಸಿನಿಮಾ ವಿಶ್ವಾದ್ಯಂತ ತೆರೆಕಂಡಿದೆ. ಮೊದಲ ದಿನ ಮೊದಲ ಶೋ ನೋಡಲು ಫ್ಯಾನ್ಸ್ ಮುಗಿಬಿದ್ದಿದ್ದಾರೆ. ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್ (Salman Khan) ಕೂಡ ನಟಿಸಿರುವುದು ವಿಶೇಷ. ಹಾಗಾಗಿ ಹಿಂದಿಗೂ ಡಬ್ ಆಗಿ ಈ ಸಿನಿಮಾ ತೆರೆಕಂಡಿದೆ. ದಕ್ಷಿಣ ಭಾರತದ ಜೊತೆಗೆ ಉತ್ತರ ಭಾರತದ ಸಿನಿಪ್ರಿಯರ ವಲಯದಲ್ಲೂ ಈ ಸಿನಿಮಾ ಧೂಳೆಬ್ಬಿಸುತ್ತಿದೆ. ಅಭಿಮಾನಿಗಳು ಟ್ವಿಟರ್ ಮೂಲಕ ‘ಗಾಡ್ ಫಾದರ್’ ಚಿತ್ರದ ವಿಮರ್ಶೆ (Godfather Twitter Review) ತಿಳಿಸುತ್ತಿದ್ದಾರೆ. ಈ ಸಿನಿಮಾ ಸೂಪರ್ ಹಿಟ್ ಆಗುವುದು ಖಚಿತ ಎಂಬ ಅನಿಸಿಕೆ ಬಹುತೇಕರಿಂದ ವ್ಯಕ್ತವಾಗುತ್ತಿದೆ.
ಚಿರಂಜೀವಿ ನಟನೆಯ ‘ಆಚಾರ್ಯ’ ಸಿನಿಮಾ ಈ ವರ್ಷ ಏಪ್ರಿಲ್ ತಿಂಗಳಲ್ಲಿ ಬಿಡುಗಡೆ ಆಗಿ ಹೀನಾಯವಾಗಿ ಸೋಲುಂಡಿತ್ತು. ಹಾಗಾಗಿ ಚಿರುಗೆ ತುರ್ತಾಗಿ ಒಂದು ಗೆಲುವು ಬೇಕಿತ್ತು. ‘ಗಾಡ್ ಫಾದರ್’ ಸಿನಿಮಾದಿಂದ ಅವರಿಗೆ ಭಾರಿ ಯಶಸ್ಸು ಸಿಗುವ ಸೂಚನೆ ಮೊದಲ ದಿನವೇ ಕಾಣಿಸಿದೆ. ಈ ಚಿತ್ರಕ್ಕೆ ಮೋಹನ್ ರಾಜ ನಿರ್ದೇಶನ ಮಾಡಿದ್ದಾರೆ.
ಅಂದಹಾಗೆ, ಇದು ಮಲಯಾಳಂನ ‘ಲೂಸಿಫರ್’ ಚಿತ್ರದ ತೆಲುಗು ರಿಮೇಕ್. ಮೂಲ ಸಿನಿಮಾದಲ್ಲಿ ಮೋಹನ್ ಲಾಲ್ ಮಾಡಿದ್ದ ಪಾತ್ರವನ್ನು ತೆಲುಗಿನಲ್ಲಿ ಚಿರಂಜೀವಿ ಮಾಡಿದ್ದಾರೆ. ಮಲಯಾಳಂನಲ್ಲಿ ಪೃಥ್ವಿರಾಜ್ ಸುಕುಮಾರನ್ ಮಾಡಿದ್ದ ಅತಿಥಿ ಪಾತ್ರವನ್ನು ತೆಲುಗಿನಲ್ಲಿ ಸಲ್ಮಾನ್ ಖಾನ್ ನಿಭಾಯಿಸಿದ್ದಾರೆ. ಸಲ್ಲು ಮತ್ತು ಜಿರಂಜೀವಿ ಅವರ ಜುಗಲ್ಬಂದಿ ನೋಡಲು ಚಿತ್ರಮಂದಿರಕ್ಕೆ ಫ್ಯಾನ್ಸ್ ಮುಗಿಬಿದ್ದಿದ್ದಾರೆ.
Show done ??
Boss is Back DOT
Congratulations to mega fans, @KChiruTweets @jayam_mohanraja
Pre climax adiripoindi climax apt ga undi ??
Wait for the surprise ??#GodFather #GodFatherOnOct5th https://t.co/RcYf4CNTYl
— SSMB28 (@akayjaymb) October 4, 2022
‘ಗಾಡ್ ಫಾದರ್’ ಚಿತ್ರದ ಪ್ರೀ-ಕ್ಲೈಮ್ಯಾಕ್ಸ್ ತುಂಬ ಚೆನ್ನಾಗಿದೆ. ಚಿರಂಜೀವಿ ಮತ್ತೆ ಫಾರ್ಮ್ಗೆ ಬಂದಿದ್ದಾರೆ. ನಯನತಾರಾ ಮತ್ತು ಸಲ್ಮಾನ್ ಖಾನ್ ನಟನೆ ಕೂಡ ಸೂಪರ್ ಆಗಿದೆ. ಫೈಟಿಂಗ್ ದೃಶ್ಯಗಳು, ಹಿನ್ನೆಲೆ ಸಂಗೀತ ಚೆನ್ನಾಗಿದೆ ಎಂದು ಫ್ಯಾನ್ಸ್ ಹೊಗಳುತ್ತಿದ್ದಾರೆ.
Excellent 2nd Half ?@actorsatyadev Performance ?
Aah BGM enti @MusicThaman Anna Assalu ???@BeingSalmanKhan Bhai ??#Nayanathara Acting ???
Blast Baby Song ???
KCPD KCPD KCPD scene ?? Climax Was Good ???#GodFather #GodFatherFromToday #GodFatherOnOct5th
— ??????? ????????™★???★ ? (@Prathap4JSPK) October 5, 2022
#Godfather Review: 3.75/5 Perfect and Pure Mass & Family Entatainer Chiranjeevi Swag is Next Level Sallu Bhai did his Roll Perfectly ??#GodFatherReview pic.twitter.com/mN5cV1BD6a
— Rusthum (@JanasenaniPK) October 4, 2022
ಟಾಲಿವುಡ್ನಲ್ಲಿ ಬಾಕ್ಸ್ ಆಫೀಸ್ ಕ್ಲ್ಯಾಶ್ ಏರ್ಪಟ್ಟಿದೆ. ಇಂದು (ಅ.5) ಚಿರಂಜೀವಿ ನಟನೆಯ ‘ಗಾಡ್ ಫಾದರ್’ ಸಿನಿಮಾದ ಜೊತೆಯಲ್ಲಿ ಅಕ್ಕಿನೇನಿ ನಾಗಾರ್ಜುನ ಅಭಿನಯದ ‘ದಿ ಘೋಸ್ಟ್’ ಚಿತ್ರ ಬಿಡುಗಡೆ ಆಗಿದೆ. ಇಬ್ಬರು ಸ್ಟಾರ್ ನಟರ ಸಿನಿಮಾಗಳು ಮುಖಾಮುಖಿ ಆಗಿರುವುದರಿಂದ ಗಲ್ಲಾಪೆಟ್ಟಿಗೆಯಲ್ಲಿ ಭಾರಿ ಪೈಪೋಟಿ ಏರ್ಪಟ್ಟಿದೆ. ಯಾವ ಸಿನಿಮಾ ಹೆಚ್ಚು ಕಲೆಕ್ಷನ್ ಮಾಡಲಿದೆ ಎಂಬ ಕೌತುಕ ಮೂಡಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 10:06 am, Wed, 5 October 22
