ನೀರು ಕುಡಿಯುವಾಗ ಧನುಷ್​ ಬಗ್ಗೆ ಹೊಗಳಿಕೆ; ಎಲ್ಲವೂ ಮೂಗಲ್ಲೇ ಬಂತು

ಧನುಷ್ (Dhanush) ಅವರು ಕಾಲಿವುಡ್​ನ ಸ್ಟಾರ್ ಹೀರೋ. ಅವರಿಗೆ ತಮಿಳು ಚಿತ್ರರಂಗದಲ್ಲಿ ಬೇಜಾನ್ ಬೇಡಿಕೆ ಇರೋದು ಗೊತ್ತೇ ಇದೆ. ಅವರು ಭಿನ್ನ ಸಿನಿಮಾಗಳನ್ನು ಮಾಡುತ್ತಾರೆ. ಅವರು ಈಗ ನಿರ್ದೇಶನಕ್ಕೂ ಇಳಿದಿರೋದು ಗೊತ್ತೇ ಇದೆ. ಈಗ ಧನುಷ್ ಅವರ ಹಳೆಯ ವಿಡಿಯೋ ಒಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ತಮ್ಮ ಬಗ್ಗೆ ಕೇಳಿದ ಹೊಗಳಿಕೆಗೆ ಧನುಷ್ ಸುಸ್ತಾಗಿ ಹೋಗಿದ್ದಾರೆ. ಅವರ ಮೂಗಿನಿಂದ ನೀರು ಬಂದಿದೆ. ಆ ಫನ್ನಿ ವಿಡಿಯೋನ ಇಂದು ನೋಡೋಣ.

ಧನುಷ್ ಹಾಗೂ ಸಾಯಿ ಪಲ್ಲವಿ ‘ಮಾರಿ 2’ ಚಿತ್ರದಲ್ಲಿ ಒಟ್ಟಾಗಿ ನಟಿಸಿದ್ದಾರೆ. ಈ ಸಿನಿಮಾದ ಸುದ್ದಿಗೋಷ್ಠಿ ನಡೆಯುತ್ತಾ ಇತ್ತು. ಅತ್ತ ಆ್ಯಂಕರ್ ಧನುಷ್ ಅವರನ್ನು ಹೊಗಳೋಕೆ ಆರಂಭಿಸಿದರು. ಅವರನ್ನು ವಿಶೇಷ ಹಾಗೂ ವಿಚಿತ್ರ ಶಬ್ದಗಳಿಂದ ಹೊಗಳಿದರು. ಇದನ್ನು ಕೇಳಿ ಧನುಷ್ ಅವರಿಗೆ ಸ್ವತಃ ನಗು ಬಂದು ಹೋಯಿತು. ಆ ಫನ್ನಿ ವಿಡಿಯೋನ ಈಗ ವೈರಲ್ ಮಾಡಲಾಗುತ್ತಿದೆ.

‘ಕರುಣೆ ಎಂದರೆ ಧನುಷ್’ ಎಂದು ಆ್ಯಂಕರ್ ಹೇಳಿದರು. ಈ ವೇಳೆ ಧನುಷ್ ಅವರು ನೀರು ಕುಡಿಯುತ್ತಿದ್ದರು. ನಗು ತಾಳಲಾರದೆ ಅವರ ಮೂಗಿನಿಂದ ನೀರು ಬಂದೇ ಬಿಟ್ಟಿತು. ಈ ಫನ್ನಿ ವಿಡಿಯೋಗೆ ಫ್ಯಾನ್ಸ್ ನಾನಾ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಧನುಷ್ ತಮ್ಮ ಕೆಲಸಗಳಿಗೆ ಹಾಗೂ ತಮ್ಮ ಬಗ್ಗೆ ಎಂದಿಗೂ ಹೊಗಳಿಕೆಯನ್ನು ನಿರೀಕ್ಷಿಸಿದವರು ಅಲ್ಲ ಎಂದು ಕೆಲವರು ಹೇಳಿದ್ದಾರೆ.

ಇದನ್ನೂ ಓದಿ:ಧನುಶ್ ವಿರುದ್ಧ ಗಂಭೀರ ಆರೋಪ ಮಾಡಿದ ನಿರ್ಮಾಣ ಸಂಸ್ಥೆ

ಧನುಷ್ ಅವರು ಸದ್ಯ ‘ಕುಬೇರ’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಈ ವರ್ಷವೇ ಈ ಚಿತ್ರ ರಿಲೀಸ್ ಆಗುವ ನಿರೀಕ್ಷೆ ಇದೆ. ಈ ಚಿತ್ರಕ್ಕೆ ಕನ್ನಡದ ರಶ್ಮಿಕಾ ಮಂದಣ್ಣ ನಾಯಕಿ. ಈ ಚಿತ್ರ ಗೆದ್ದರೆ ರಶ್ಮಿಕಾ ಅವರಿಗೆ ಕಾಲಿವುಡ್​ನಲ್ಲಿ ಬೇಡಿಕೆ ಹೆಚ್ಚುವ ನಿರೀಕ್ಷೆ ಇದೆ. 2024ರಲ್ಲಿ ಧನುಷ್ ನಟನೆಯ ‘ರಾಯನ್’ ಸಿನಿಮಾ ರಿಲೀಸ್ ಆಗಿ ಮೆಚ್ಚುಗೆ ಪಡೆಯಿತು. ಈಗ ಅವರು ಎರಡು ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. ಇದರ ಜೊತೆಗೆ ‘ಕುಬೇರ’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ