Jennifer Lopez: ಬೆತ್ತಲೆ ಫೋಟೋ ಮೂಲಕ ಬರ್ತ್ಡೇ ಆಚರಿಸಿಕೊಂಡ ನಟಿ ಜೆನಿಫರ್ ಲೋಪೆಜ್
Jennifer Lopez Photo: ನಟ ರಣವೀರ್ ಸಿಂಗ್ ಅವರು ಇತ್ತೀಚೆಗೆ ನಗ್ನವಾಗಿ ಪೋಸ್ ನೀಡುವ ಮೂಲಕ ಟೀಕೆಗೆ ಒಳಗಾಗಿದ್ದರು. ಈಗಿನದ್ದು ಜೆನಿಫರ್ ಲೋಪೆಜ್ ಸರದಿ.
Updated on:Jul 25, 2022 | 10:59 AM
ನಟಿ, ಗಾಯಕಿ ಜೆನಿಫರ್ ಲೋಪೆಜ್ (Jennifer Lopez) ಅವರು ವಿಶ್ವಾದ್ಯಂತ ಖ್ಯಾತಿ ಹೊಂದಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ಅವರನ್ನು 20 ಕೋಟಿಗೂ ಅಧಿಕ ಜನರು ಫಾಲೋ ಮಾಡುತ್ತಾರೆ. ಸಿನಿಮಾ, ಸಂಗೀತ ಮಾತ್ರವಲ್ಲದೇ ವೈಯಕ್ತಿಕ ಕಾರಣದಿಂದಲೂ ಜೆನಿಫರ್ ಲೋಪೆಜ್ ಅವರು ಆಗಾಗ ಸುದ್ದಿ ಆಗುತ್ತಾರೆ. ಈ ಖ್ಯಾತ ನಟಿಗೆ ಜುಲೈ 24ರಂದು ಹುಟ್ಟುಹಬ್ಬದ ಸಂಭ್ರಮ. ಆ ಪ್ರಯುಕ್ತ ಎಲ್ಲರೂ ಅವರಿಗೆ ಶುಭಾಶಯ ಕೋರಿದ್ದಾರೆ. 53ನೇ ವಸಂತಕ್ಕೆ ಅವರು ಕಾಲಿಟ್ಟಿದ್ದಾರೆ. ಅಚ್ಚರಿ ಎಂದರೆ, ಈ ವಿಶೇಷ ದಿನದಂದು ಜೆನಿಫರ್ ಲೋಪೆಜ್ ಅವರು ಬೆತ್ತಲೆ ಫೋಟೋ (Jennifer Lopez Photo) ಹಂಚಿಕೊಂಡಿದ್ದಾರೆ! ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ನೆಟ್ಟಿಗರು ಇದನ್ನು ಕಂಡು ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಇತ್ತೀಚೆಗೆ ನಟ ರಣವೀರ್ ಸಿಂಗ್ (Ranveer Singh) ಕೂಡ ಇದೇ ರೀತಿ ನಗ್ನವಾಗಿ ಪೋಸ್ ನೀಡುವ ಮೂಲಕ ಟೀಕೆಗೆ ಒಳಗಾಗಿದ್ದರು. ಈಗಿನದ್ದು ಜೆನಿಫರ್ ಲೋಪೆಜ್ ಸರದಿ.
ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸಿ ಫೇಮಸ್ ಆಗಿರುವ ಜೆನಿಫರ್ ಲೋಪೆಜ್ ಅವರು ಅನೇಕ ಪ್ರತಿಷ್ಠಿತ ಕಂಪನಿಗಳಿಗೆ ಪ್ರಚಾರ ರಾಯಭಾರಿ ಆಗಿದ್ದಾರೆ. ಅವುಗಳಿಂದಲೂ ಅವರಿಗೆ ಕೋಟ್ಯಂತರ ರೂಪಾಯಿ ಹಣ ಸಿಗುತ್ತದೆ. ಬರ್ತ್ಡೇ ಪ್ರಯುಕ್ತ ಅವರು ಒಂದು ಸ್ಕಿನ್ ಕೇರ್ ಉತ್ಪನ್ನದ ಜಾಹೀರಾತನ್ನು ಹಂಚಿಕೊಂಡಿದ್ದಾರೆ. ಆ ಜಾಹೀರಾತಿನ ಸಲುವಾಗಿಯೇ ಅವರು ಬೆತ್ತಲಾಗಿ ಪೋಸ್ ನೀಡಿದ್ದಾರೆ.
53 ವರ್ಷ ವಯಸ್ಸಾಗಿದ್ದರೂ ಕೂಡ ಜೆನಿಫರ್ ಲೋಪೆಜ್ ಅವರು ಫಿಟ್ನೆಸ್ ಕಾಪಾಡಿಕೊಂಡಿದ್ದಾರೆ. ಗ್ಲಾಮರಸ್ ಆಗಿ ಅವರು ಫೋಟೋಶೂಟ್ ಮಾಡಿಸುತ್ತಾರೆ. ಅವರ ಚೆಲುವಿಗೆ ಕೋಟ್ಯಂತರ ಮಂದಿ ಮಾರುಹೋಗಿದ್ದಾರೆ. ಈ ವಯಸ್ಸಿನಲ್ಲಿ ಹದಿಹರೆಯದ ಹುಡುಗಿಯರನ್ನೂ ನಾಚಿಸುವಂತಿರುವ ಜೆನಿಫರ್ ಲೋಪೆಜ್ಗೆ ಅಭಿಮಾನಿಗಳು ಭೇಷ್ ಎನ್ನುತ್ತಿದ್ದಾರೆ. ಕೆಲವರು ಈ ಫೋಟೋ ಕಂಡು ಟ್ರೋಲ್ ಕೂಡ ಮಾಡಿದ್ದಾರೆ.
View this post on Instagram
ಕೆಲವೇ ದಿನಗಳ ಹಿಂದೆ ನಟ ರಣವೀರ್ ಸಿಂಗ್ ಕೂಡ ನಗ್ನವಾಗಿ ಪೋಸ್ ನೀಡಿದ್ದರು. ‘ಪೇಪರ್ ಮ್ಯಾಗಜಿನ್’ ಸಲುವಾಗಿ ಅವರು ಆ ರೀತಿ ಫೋಟೋಶೂಟ್ ಮಾಡಿಸಿದ್ದರು. ಆ ಸಂಚಿಕೆಯಲ್ಲಿ ಅವರ ಸಂದರ್ಶನ ಕೂಡ ಪ್ರಕಟ ಆಗಿತ್ತು. ‘ನಟಿಸುವಾಗ ಬೆತ್ತಲಾಗುವುದು ನನಗೆ ತುಂಬ ಸುಲಭ. ಸಾವಿರಾರು ಜನರ ಎದುರಿನಲ್ಲಿ ನಾನು ನಗ್ನವಾಗಬಲ್ಲೆ. ಆದರೆ ಅವರಿಗೆ ಮುಜುಗರ ಆಗುತ್ತದೆ ಅಷ್ಟೇ’ ಎಂದು ರಣವೀರ್ ಸಿಂಗ್ ಹೇಳಿದ್ದರು.
Published On - 10:59 am, Mon, 25 July 22
