ಪ್ರಿಯಾಂಕಾ ಚೋಪ್ರಾ-ನಿಕ್ ಜೋನಸ್ ದಾಂಪತ್ಯಕ್ಕೆ 3 ವರ್ಷ; ಹೇಗಿದೆ ವೆಡ್ಡಿಂಗ್ ಆ್ಯನಿವರ್ಸರಿ ಸಂಭ್ರಮ?
Priyanka Chopra | Nick Jonas: ಮೂರು ವರ್ಷಗಳ ದಾಂಪತ್ಯದ ಸಿಹಿ ಕ್ಷಣಗಳನ್ನು ಮೆಲುಕು ಹಾಕುತ್ತ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ಡಿನ್ನರ್ ಸವಿದಿದ್ದಾರೆ. ಈ ಜೋಡಿಗೆ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳಿಂದ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು ಹರಿದು ಬರುತ್ತಿವೆ.
ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಅವರು ಖುಷಿಯ ಉತ್ತುಂಗದಲ್ಲಿದ್ದಾರೆ. ಅದಕ್ಕೆ ಕಾರಣ ಅವರ ವೆಡ್ಡಿಂಗ್ ಆ್ಯನಿವರ್ಸರಿ. ಪತಿ ನಿಕ್ ಜೋನಸ್ (Nick Jonas) ಜತೆ ಅವರು ಲಂಡನ್ನಲ್ಲಿ ವಿವಾಹ ವಾರ್ಷಿಕೋತ್ಸವ (Wedding Anniversary) ಆಚರಿಸಿಕೊಂಡಿದ್ದಾರೆ. ಈ ಸಂಭ್ರಮದ ಕ್ಷಣಗಳು ಫೋಟೋ ಮತ್ತು ವಿಡಿಯೋದಲ್ಲಿ ಸೆರೆ ಆಗಿವೆ. ಅವುಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ. ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ಅವರು 2018ರ ಡಿ.1ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಖುಷಿಖುಷಿಯಾಗಿ ಮೂರು ವಸಂತಗಳನ್ನು ಅವರು ಜೊತೆಯಲ್ಲಿ ಕಳೆದಿದ್ದಾರೆ. ಇಬ್ಬರೂ ಸಿನಿಮಾ ಕ್ಷೇತ್ರದಲ್ಲಿ ಬ್ಯುಸಿ ಆಗಿದ್ದರೂ ಕೂಡ ಪರಸ್ಪರ ಸಮಯ ಕೊಟ್ಟುಕೊಳ್ಳುತ್ತಾರೆ. ಈಗ ವೆಡ್ಡಿಂಗ್ ಆ್ಯನಿವರ್ಸರಿಯನ್ನು ಪತ್ನಿಯ ಆಸೆಯಂತೆಯೇ ನಿಕ್ ಜೋನಸ್ ಆಚರಿಸಿದ್ದಾರೆ.
ಬಗೆಬಗೆಯ ಕ್ಯಾಂಡಲ್ಗಳಿಂದ ಮತ್ತು ಹಲವು ರೀತಿಯ ಹೂವುಗಳಿಂದ ಟೇಬಲ್ ಅಲಂಕರಿಸಲಾಗಿದೆ. ಹಿನ್ನೆಲೆಯಲ್ಲಿ ರೊಮ್ಯಾಂಟಿಕ್ ಸಂಗೀತ ಕೇಳಿಬರುತ್ತಿದೆ. ‘ಎಂದೆಂದಿಗೂ’ (Forever) ಜೊತೆಗಿರುವುದಾಗಿ ಭರವಸೆ ನೀಡಲು ಅಕ್ಷರಗಳನ್ನು ಜೋಡಿಸಿಡಲಾಗಿದೆ. ಇಂಥ ಒಂದು ಸುಮಧುರ ರಾತ್ರಿಯಲ್ಲಿ ಮೂರು ವರ್ಷದ ದಾಂಪತ್ಯದ ಸಿಹಿ ಕ್ಷಣಗಳನ್ನು ಮೆಲುಕು ಹಾಕುತ್ತ ಪ್ರಿಯಾಂಕಾ ಮತ್ತು ನಿಕ್ ಜೋನಸ್ ಡಿನ್ನರ್ ಸವಿದಿದ್ದಾರೆ. ಈ ಸ್ಟಾರ್ ಜೋಡಿಗೆ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳಿಂದ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು ಹರಿದು ಬರುತ್ತಿವೆ.
ಕೆಲವೇ ದಿನಗಳ ಹಿಂದೆ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ವಿಚ್ಛೇದನ ಪಡೆಯುತ್ತಾರೆ ಎಂಬ ಸುದ್ದಿ ಹಬ್ಬಿತ್ತು. ಅಂಥ ಗಾಸಿಪ್ ಹಬ್ಬಲು ಕಾರಣ ಕೂಡ ಇತ್ತು. ಪ್ರಿಯಾಂಕಾ ಚೋಪ್ರಾ ಅವರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ತಮ್ಮ ಹೆಸರಿನ ಜೊತೆಗಿದ್ದ ‘ಜೋನಸ್’ ಎಂಬ ಸರ್ನೇಮ್ ತೆಗೆದುಹಾಕಿದ್ದರು. ಸಮಂತಾ ಕೂಡ ಈ ರೀತಿ ‘ಅಕ್ಕಿನೇನಿ’ ಎಂಬ ಸರ್ನೇಮ್ ತೆಗೆದುಹಾಕಿದ ನಂತರವೇ ಡಿವೋರ್ಸ್ ಸುದ್ದಿ ಹುಟ್ಟಿಕೊಂಡಿತ್ತು. ಪ್ರಿಯಾಂಕಾ ಕೂಡ ವಿಚ್ಛೇದನ ಪಡೆಯಲು ನಿರ್ಧರಿಸಿದ್ದಾರಾ ಎಂದು ಅನುಮಾನ ಮೂಡಿತ್ತು. ಆದರೆ ಪ್ರಿಯಾಂಕಾ ಮತ್ತು ನಿಕ್ ನಡುವೆ ಯಾವುದೇ ವೈಮನಸ್ಸು ಮೂಡಿಲ್ಲ ಎಂಬುದು ನಂತರ ತಿಳಿಯಿತು. ಇಂಥ ಸುಳ್ಳು ಸುದ್ದಿಗಳನ್ನು ಹಬ್ಬಿಸಬೇಡಿ ಎಂದು ಪ್ರಿಯಾಂಕಾ ಚೋಪ್ರಾ ಅವರ ತಾಯಿ ಮಧು ಚೋಪ್ರಾ ಕೂಡ ಮನವಿ ಮಾಡಿಕೊಂಡಿದ್ದರು. ಪತಿಯ ಪೋಸ್ಟ್ಗಳಿಗೆ ಪಾಸಿಟಿವ್ ಕಮೆಂಟ್ ಮಾಡುವ ಮೂಲಕ ತಾವಿಬ್ಬರೂ ಅನ್ಯೋನ್ಯವಾಗಿದ್ದೇವೆ ಎಂಬುದನ್ನು ಪ್ರಿಯಾಂಕಾ ಸೂಚಿಸಿದ್ದರು.
ನಿಕ್ ಜೋನಸ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಬಳಿಕ ಪ್ರಿಯಾಂಕಾ ಚೋಪ್ರಾ ಅಮೆರಿಕದಲ್ಲಿಯೇ ಸೆಟ್ಲ್ ಆಗಿದ್ದಾರೆ. ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸುತ್ತ ಅಭಿಮಾನಿ ಬಳಗವನ್ನು ಹೆಚ್ಚಿಸಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ: