ಖ್ಯಾತ ನಟಿಯ ಜತೆ ಮಲಗಿದ್ದೆ ಎಂದು ಹೇಳಲು 50 ಲಕ್ಷ ರೂಪಾಯಿ ಆಫರ್; ಹೊರಬಿತ್ತು ಶಾಕಿಂಗ್​ ವಿಚಾರ

ಚಿತ್ರರಂಗಕ್ಕೆ (Cinema Industry) ಕಾಲಿಟ್ಟ ನಂತರ ನಟ/ನಟಿಯರಿಗೆ ಒಂದಷ್ಟು ವಿವಾದಗಳು ಸುತ್ತಿಕೊಳ್ಳುತ್ತವೆ. ಕೆಲವೊಮ್ಮೆ ತಪ್ಪು ಮಾಡದಿದ್ದರೂ ಕೆಟ್ಟ ಹೆಸರು ಅಂಟಿಕೊಳ್ಳುತ್ತದೆ. ಕೆಲವೊಮ್ಮೆ ಮಾಧ್ಯಮಗಳಲ್ಲಿ (Media) ವರದಿ ಆಗುವ ಗಾಸಿಪ್​ಗಳ ಬಗ್ಗೆ ಸೆಲೆಬ್ರಿಟಿಗಳು ಗಂಭೀರವಾಗಿ ಚಿಂತಿಸುವ ಸಂದರ್ಭ ಬರುತ್ತದೆ. ಈಗ ಇದೇ ರೀತಿಯ ವಿಚಾರದಲ್ಲಿ ನಟನೋರ್ವ ನೀಡಿದ ಹೇಳಿಕೆ ಶಾಕಿಂಗ್​ ಆಗಿದೆ. ನಟಿಯೊಬ್ಬರ ಜತೆ ಮಲಗಿದ್ದೇನೆ ಎನ್ನುವ ಹೇಳಿಕೆ ನೀಡಿದರೆ 50 ಲಕ್ಷ ರೂಪಾಯಿ ನೀಡುವುದಾಗಿ ಟ್ಯಾಬ್ಲಾಯ್ಡ್ (Tabloid)​ ಒಂದು ಆಫರ್ ನೀಡಿತ್ತು ​ಎಂಬುದಾಗಿ ಅಮೆರಿಕದ ನಟನೋರ್ವ ಹೇಳಿಕೊಂಡಿದ್ದಾರೆ.

ಅಮೆರಿಕದ ನಟ ಸೈಮನ್​ ರೆಕ್ಸ್​ ಅವರು ಈ ಮೊದಲು ಅಮೆರಿಕದ ನಟಿ ಮೇಘನ್​ ಮಾರ್ಕೆಲ್​ ಜತೆ ನಟಿಸಿದ್ದರು. ಇವರ ಜತೆ ಅನೈತಿಕ ಸಂಬಂಧ ಹೊಂದಿದ್ದೇನೆ ಎಂದು ಹೇಳಿಕೆ ನೀಡುವಂತೆ ಸೈಮನ್​ ರೆಕ್ಸ್​ಗೆ ಒತ್ತಾಯ ಹೇರಲಾಗಿತ್ತು. ಈ ಸುಳ್ಳು ಹೇಳಿದರೆ 50 ಲಕ್ಷ ರೂಪಾಯಿ ನೀಡುವ ಆಫರ್​ ಕೂಡ ನೀಡಲಾಗಿತ್ತು. ಇತ್ತೀಚೆಗೆ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನವೊಂದರಲ್ಲಿ ಸೈಮನ್​ ಈ ವಿಚಾರವನ್ನು ಬಾಯ್ಬಿಟ್ಟಿದ್ದಾರೆ. ದುಡ್ಡಿನ ಆಸೆಗೆ ಬೀಳದೆ, ಅವರು ಈ ಸುಳ್ಳನ್ನು ಹೇಳಿರಲಿಲ್ಲ ಅನ್ನೋದು ಇಲ್ಲಿ ಮೆಚ್ಚುವಂತಹ ವಿಷಯ.

2005ರಲ್ಲಿ ಪ್ರಸಾರವಾದ ‘ಕಟ್ಸ್​ ಬ್ಯಾಕ್​’ ಸರಣಿಯ ಒಂದು ಎಪಿಸೋಡ್​ನಲ್ಲಿ ಸೈಮನ್​ ಹಾಗೂ ಮೇಘನ್​ ಒಟ್ಟಾಗಿ ನಟಿಸಿದ್ದರು. ಮೇಘನ್​ ಆಗಲೇ ದೊಡ್ಡ ಮಟ್ಟದ ಹೆಸರು ಮಾಡಿದ್ದರು. ಆದರೆ, ಸೈಮನ್​ ಅವರು ಇನ್ನೂ ಚಿತ್ರರಂಗದಲ್ಲಿ ನೆಲೆ ಕಂಡುಕೊಳ್ಳೋಕೆ ಒದ್ದಾಡುತ್ತಿದ್ದರು. ಅವರಿಗೆ ಆರ್ಥಿಕವಾಗಿ ತೊಂದರೆ ಇದೆ ಎಂಬುದನ್ನು ತಿಳಿದ ಕೆಲವರು ಹಣದ ಆಫರ್ ನೀಡಿದ್ದರು.

‘ನನಗೆ ನಿಜವಾಗಿಯೂ ಹಣದ ಅಗತ್ಯವಿತ್ತು. ಈ ವೇಳೆ ಮೇಘನ್​ ಜತೆ ಮಲಗಿದ್ದೇನೆ ಎನ್ನುವ ಹೇಳಿಕೆ ನೀಡೋಕೆ ಕೆಲವರು ಒತ್ತಾಯ ಹೇರಿದ್ದರು. ನಾನು ಇದಕ್ಕೆ ಒಪ್ಪಿಲ್ಲ. ನಾನು ಹಾಗೂ ಮೇಘನ್​ ಇಬ್ಬರೂ ಒಟ್ಟಿಗೆ ಊಟ ಮಾಡಿದ್ದೇವೆ. ನಮ್ಮ ಗೆಳೆತನ ಅಷ್ಟಕ್ಕೆ ಸೀಮಿತವಾಗಿದೆ. ನಾನು ಟ್ಯಾಬ್ಲಾಯ್ಡ್​ಗಳು ನೀಡಿದ ಪ್ರಸ್ತಾಪವನ್ನು ನಿರಾಕರಿಸಿದ್ದನ್ನು ತಿಳಿದ ನಂತರ, ಮೇಘನ್ ಅವರು ನನಗೆ ಧನ್ಯವಾದ ಪತ್ರವನ್ನು ಕಳುಹಿಸಿದ್ದರು. ‘ಈಗಲೂ ಒಳ್ಳೆಯ ಜನರಿದ್ದಾರೆ ಎಂಬುದನ್ನು ತಿಳಿದು ಸಂತೋಷವಾಯಿತು’ ಎಂದು ಅವರು ಪತ್ರದಲ್ಲಿ ಬರೆದಿದ್ದರು’ ಎಂಬುದಾಗಿ ಸೈಮನ್ ಹೇಳಿಕೊಂಡಿದ್ದಾರೆ.

“UK tabloids offered [Simon Rex] $70K to claim he had slept w/ Markle, w/ whom he appeared in…the sitcom Cuts; their off-screen interactions never got further than one platonic lunch. “I was broke as fvck! I really needed the money. But I’ll be on food stamps before I do that”” pic.twitter.com/mbWxro9heX

— Royal Suitor / R.S. Locke (@royal_suitor) March 13, 2022

ಮೇಘನ್​ ಅವರು 2000ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಆರಂಭದಲ್ಲಿ ಟಿವಿ ಶೋಗಳಲ್ಲಿ ಚಿಕ್ಕಪುಟ್ಟ ಪಾತ್ರಗಳಲ್ಲಿ ನಟಿಸಿದರು. ‘ಸ್ಯೂಟ್ಸ್​’ ಶೋನಲ್ಲಿ ರಚೆಲ್​ ಆಗಿ ಕಾಣಿಸಿಕೊಂಡು ಸಾಕಷ್ಟು ಖ್ಯಾತಿ ಪಡೆದರು. 2018ರಲ್ಲಿ ಪ್ರಿನ್ಸ್​ ಹ್ಯಾರಿ ಅವರನ್ನು ಮದುವೆ ಆದ ನಂತರ ಚಿತ್ರರಂಗದಿಂದ ನಿವೃತ್ತಿ ಪಡೆದರು.

ಇದನ್ನೂ ಓದಿ: Alia Bhatt: ‘ಗಂಗೂಬಾಯಿ’ ಯಶಸ್ಸಿನ ಬೆನ್ನಲ್ಲೇ ಹಾಲಿವುಡ್ ಕಡೆ ಮುಖ ಮಾಡಿದ್ರಾ ಆಲಿಯಾ? ಇಲ್ಲಿದೆ ಹೊಸ ಸಮಾಚಾರ

ಅಕ್ಷಯ್​​ ಕುಮಾರ್ ನಟನೆಯ ‘ಬಚ್ಚನ್​ ಪಾಂಡೆ’ಯಲ್ಲಿ ‘ಕೆಜಿಎಫ್​’ ಚಿತ್ರದ ಬಗ್ಗೆ ಉಲ್ಲೇಖ; ಇಲ್ಲಿದೆ ವಿಡಿಯೋ