ಕನ್ನಡತಿ ರಚಿಕಾ ಸುರೇಶ್​ಗೆ ಜೈಪುರ ಟೈಮ್ಸ್ ಫ್ಯಾಷನ್ ವೀಕ್‌ನಲ್ಲಿ ಹೆಜ್ಜೆ ಹಾಕುವ ಅವಕಾಶ

ಫ್ಯಾಷನ್​ ಜಗತ್ತಿನಲ್ಲಿ ಕನ್ನಡದ ಅನೇಕರು ಹೆಸರು ಮಾಡುತ್ತಿದ್ದಾರೆ. ಖ್ಯಾತ ಫ್ಯಾಷನ್ ಡಿಸೈನರ್ ಫಾರೆವರ್ ನವೀನ್ ಕುಮಾರ್  ಅವರು ಈಗಾಗಲೇ ಅನೇಕ ಶೋಗಳಲ್ಲಿ ಭಾಗವಹಿಸಿದ್ದಾರೆ. ಇತ್ತೀಚೆಗೆ ನಡೆದ ಜೈಪುರ ಟೈಮ್ಸ್ ಫ್ಯಾಷನ್ ವೀಕ್​ನಲ್ಲಿ ನವೀನ್​ ಕುಮಾರ್​ (Forever Naveen Kumar) ಪಾಲ್ಗೊಂಡಿದ್ದರು. ನವೀನ್​ ಕುಮಾರ್​ ಅವರ ಶೋ ಸ್ಟಾಪರ್ ಆಗಿ ಕನ್ನಡದ ನಟಿ, ರೂಪದರ್ಶಿ ರಚಿಕಾ ಸುರೇಶ್ (Rachika Suresh) ಅವರು ಭಾಗವಹಿಸಿ ಗಮನ ಸೆಳೆದರು.

ಫ್ಯಾಷನ್​ ಡಿಸೈನರ್​ ನವೀನ್ ಕುಮಾರ್ ಅವರು ಈಗಾಗಲೇ ದೇಶಾದ್ಯಂತ 140ಕ್ಕೂ ಅಧಿಕ ಫ್ಯಾಷನ್ ಶೋಗಳಲ್ಲಿ ಭಾಗವಹಿಸಿ ಹೆಸರು ಮಾಡಿದ್ದಾರೆ. ಅದೇ ರೀತಿ ಮಾಡೆಲ್​ ರಚಿಕಾ ಸುರೇಶ್​ ಅವರು ರೈತ ಕುಟುಂಬದಿಂದ ಬಂದಿದ್ದು, ರಾಷ್ಟ್ರಮಟ್ಟದಲ್ಲಿ ಫ್ಯಾಷನ್​ ಶೋಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ರಚಿಕಾ ಸುರೇಶ್​ ಅವರು ಮೊದಲಿನಿಂದಲೂ ಮಾಡೆಲಿಂಗ್ ಹಾಗೂ ಸಿನಿಮಾ ಎರಡೂ ಕ್ಷೇತ್ರಗಳಲ್ಲಿ ಮುನ್ನಡೆಯುತ್ತಿದ್ದಾರೆ.

ಇದನ್ನೂ ಓದಿ: ಫ್ಯಾಷನ್ ಐಕಾನ್ ಸೋನಂ ಕಪೂರ್ ಕೈಯಲ್ಲಿರುವ ಬ್ಯಾಗಿನ ಬೆಲೆ ಎಷ್ಟು ಲಕ್ಷಗಳು?

ರಚಿಕಾ ಸುರೇಶ್​ ಅವರು ಈಗಾಗಲೇ ಅನೇಕ ಕಡೆಗಳಲ್ಲಿ ನಡೆದ ಸೌಂದರ್ಯ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದಾರೆ. ಈಗ ಅವರು ಜೈಪುರ ಟೈಮ್ಸ್ ಫ್ಯಾಷನ್ ವೀಕ್​ನಲ್ಲಿ ಫಾರೆವರ್ ನವೀನ್ ಕುಮಾರ್ ಅವರ ಶೋ ಸ್ಟಾಪರ್ ಆಗಿ ಹೆಜ್ಜೆ ಹಾಕಿದ್ದಾರೆ. ರಚಿಕಾ ಸುರೇಶ್ ಅವರು ಧರಿಸಿದ್ದ ಸುಂದರ ಕಾಸ್ಟೂಮ್​ ಅನ್ನು ಫಾರೆವರ್ ನವೀನ್‌ಕುಮಾರ್ ಡಿಸೈನ್ ಮಾಡಿದ್ದಾರೆ. ಎರಡು ದಿನಗಳ ಕಾಲ ಈ ಸೌಂದರ್ಯ ಸ್ಪರ್ಧೆ ನಡೆದಿದೆ. ಇದರಲ್ಲಿ ಭಾರತದ ಅನೇಕ ಫ್ಯಾಷನ್​ ಡಿಸೈನರ್​ಗಳು ಹಾಗೂ ಮಾಡೆಲ್​ಗಳು ಭಾಗಿಯಾಗಿದ್ದರು. ಕರ್ನಾಟಕದ ಬೆಂಗಳೂರು ಪರವಾಗಿ ನವೀನ್‌ ಕುಮಾರ್ ಅವರು ಭಾಗವಹಿಸಿದರು.

ಇದನ್ನೂ ಓದಿ: ಪ್ರತಿಷ್ಠಿತ ಮಿಲನ್ ಫ್ಯಾಷನ್​ ವೀಕ್​ನಲ್ಲಿ ಮಿಂಚಿದ ನಟಿ ರಶ್ಮಿಕಾ ಮಂದಣ್ಣ; ಇಲ್ಲಿದೆ ಫೋಟೋಸ್

ರೈತರ ಮಗಳಾದ ರಚಿಕಾ ಸುರೇಶ್​ ಅವರು ಮಾಡೆಲಿಂಗ್ ಹಾಗೂ ಸಿನಿಮಾ ಕ್ಷೇತ್ರದಲ್ಲಿ ಸಕ್ರಿಯರಾಗಿದ್ದಾರೆ. ಕನ್ನಡ ಚಿತ್ರರಂಗ ಮಾತ್ರವಲ್ಲದೇ ಕಾಲಿವುಡ್​ನಲ್ಲೂ ಅವರು ನಟಿಸುತ್ತಿದ್ದಾರೆ. ಸ್ಯಾಂಡಲ್​ವುಡ್​ ಹಾಗೂ ಕಾಲಿವುಡ್​ ಸಿನಿಮಾಗಳ ಬಳಿಕ ರಚಿಕಾ ಸುರೇಶ್‌ ಅವರಿಗೆ ತೆಲುಗು ಚಿತ್ರರಂಗದಿಂದಲೂ ಅವಕಾಶ ಬರುತ್ತಿದೆಯಂತೆ. ಆ ಬಗ್ಗೆ ಅವರು ಅಧಿಕೃತ ಘೋಷಣೆ ಮಾಡುವುದು ಬಾಕಿ ಇದೆ. ಇಂಟರ್‌ನ್ಯಾಷನಲ್ ಫ್ಯಾಷನ್ ಶೋಗಳಲ್ಲೂ ಭಾಗವಹಿಸಿ ಗುರುತಿಸಿಕೊಂಡ ಅವರು ಹಲವಾರು ಪ್ರತಿಷ್ಠಿತ ಕಂಪನಿಗಳಿಗೆ ರೂಪದರ್ಶಿಯಾಗಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.