ಈ ನಾಲ್ಕು ಧಾರಾವಾಹಿಗಳ ಮಧ್ಯೆ ಬಿಗ್ ಕಾಂಪಿಟೇಷನ್; ಟಿಆರ್​ಪಿಯಲ್ಲಿ ನಂಬರ್ ಯಾರು?

ಧಾರಾವಾಹಿಗಳ ಮಧ್ಯೆ ಟಿಆರ್​ಪಿ ಸಮರ ಸದಾ ಜೋರಿರುತ್ತದೆ. ಸ್ಪರ್ಧಾತ್ಮಕವಾಗಿ ಧಾರಾವಾಹಿಗಳ ಕಥೆ ಹಾಗೂ ಮೇಕಿಂಗ್​ನ ಮಾಡಲಾಗುತ್ತದೆ. ಈಗ 2025ನೇ ಸಾಲಿನ ಎಂಟನೇ ವಾರದ ಟಿಆರ್​ಪಿ ಲಭ್ಯವಾಗಿದೆ. ಟಿಆರ್​ಪಿಯಲ್ಲಿ ಜೀ ಕನ್ನಡದ ನಾಲ್ಕು ಧಾರಾವಾಹಿಗಳ ಮಧ್ಯೆ ಭಾರೀ ಸ್ಪರ್ಧೆ ಏರ್ಪಟ್ಟಿದ್ದು ಕೆಲವೇ ಪಾಯಿಂಟ್​ಗಳ ಅಂತರದಲ್ಲಿ ಕೆಲವು ಧಾರಾವಾಹಿಗೆ ಮೊದಲ ಸ್ಥಾನ ಮಿಸ್ ಆಗಿದೆ. ಯಾವುದು ಆ ಧಾರಾವಾಹಿಗಳು? ಯಾವ ಧಾರಾವಾಹಿಗೆ ಯಾವ ಸ್ಥಾನ ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.

ಎಂಟನೇ ವಾರದ ಟಿಆರ್​ಪಿಯಲ್ಲಿ ಕರ್ನಾಟಕದ ಮಟ್ಟದಲ್ಲಿ ‘ಅಣ್ಣಯ್ಯ’ ಧಾರಾವಾಹಿ ಮೊದಲ ಸ್ಥಾನದಲ್ಲಿ ಇದೆ. ಇತ್ತೀಚೆಗೆ ಧಾರಾವಾಹಿಯ ಗುಂಡಮ್ಮನ ವಿವಾಹ ನೆರವೇರಿದೆ. ಈ ಕಾರಣಕ್ಕೆ ಧಾರಾವಾಹಿಗೆ ಒಳ್ಳೆಯ ಟಿಆರ್​ಪಿ ಸಿಕ್ಕಿದೆ. ಈ ಧಾರಾವಾಹಿಯಲ್ಲಿ ನಿಶಾ ರವಿಕೃಷ್ಣನ್, ವಿಕಾಸ್ ಉತ್ತಯ್ಯ ಮೊದಲಾದವರು ನಟಿಸಿದ್ದಾರೆ.

ಎರಡನೇ ಸ್ಥಾನದಲ್ಲಿ ‘ಲಕ್ಷ್ಮೀ ನಿವಾಸ’ ಧಾರಾವಾಹಿ ಇದೆ. ಈ ಧಾರಾವಾಹಿ ಜನರನ್ನು ಸೆಳೆದುಕೊಂಡಿದೆ. ಮೂರನೇ ಸ್ಥಾನದಲ್ಲಿ ‘ಶ್ರಾವಣಿ ಸುಬ್ರಮಣ್ಯ’ ಧಾರಾವಾಹಿ ಇದೆ. ಈ ಧಾರಾವಾಹಿ ಇತ್ತೀಚೆಗೆ ಹೆಚ್ಚು ಪ್ರೇಕ್ಷಕರನ್ನು ಸೆಳೆದುಕೊಳ್ಳುವ ಕೆಲಸ ಮಾಡುತ್ತಿದೆ. ನಾಲ್ಕನೇ ಸ್ಥಾನದಲ್ಲಿ ಹಾರರ್ ಧಾರಾವಾಹಿ ‘ನಾ ನಿನ್ನ ಬಿಡಲಾರೆ’ ಇದೆ. ಈ ಧಾರಾವಾಹಿ ಮೇಕಿಂಗ್ ಹಾಗೂ ವಿಎಫ್​ಎಕ್ಸ್ ವಿಚಾರದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ಈ ನಾಲ್ಕು ಧಾರಾವಾಹಿಗಳ ಟಿಆರ್​ಪಿಯಲ್ಲಿ 0.1 ಅಂತರ ಮಾತ್ರ ಇದೆ.

ಇದನ್ನೂ ಓದಿ

ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಪುಟ್ನಂಜ-ಪುಟ್ಮಲ್ಲಿ ಮೋಡಿ

ಸೀರಿಯಲ್ ಟಿಆರ್​ಪಿಯಲ್ಲಿ ಈ ಧಾರಾವಾಹಿಯೇ ನಂಬರ್ 1; ದಾಖಲೆಗಳೆಲ್ಲ ಉಡೀಸ್

ಸುದೀಪ್ ‘ಬಿಗ್ ಬಾಸ್’ ಕಂಬ್ಯಾಕ್​ಗೆ ಸಿಕ್ತು ಭರ್ಜರಿ ಟಿಆರ್​ಪಿ

ಅಪಘಾತದಲ್ಲಿ ಸ್ನೇಹಾ ಮರಣ; ಕೊನೆ ಆಯಿತು ಸಂಜನಾ ಬುರ್ಲಿ ಪಾತ್ರ

ಇದನ್ನೂ ಓದಿ: ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಪುಟ್ನಂಜ-ಪುಟ್ಮಲ್ಲಿ ಮೋಡಿ; ಉಮಾಶ್ರೀ ಜತೆ ರವಿಚಂದ್ರನ್

ಐದನೇ ಸ್ಥಾನದಲ್ಲಿ ‘ಅಮೃತಧಾರೆ’ ಧಾರಾವಾಹಿ ಇದೆ. ಈ ಧಾರಾವಾಹಿಯಲ್ಲಿ ನಾನಾ ರೀತಿಯ ಟ್ವಿಸ್ಟ್​ಗಳನ್ನು ತರಲಾಗುತ್ತಿದೆ. ಆದರೆ, ಇತ್ತೀಚೆಗೆ ಇದು ಧಾರಾವಾಹಿಗೆ ಅಷ್ಟಾಗಿ ಸಹಾಯ ಆಗುತ್ತಿಲ್ಲ. ‘ಸೀತಾ ರಾಮ’ ಧಾರಾವಾಹಿ ಕೂಡ ದೊಡ್ಡ ಮಟ್ಟದಲ್ಲಿ ಟಿಆರ್​ಪಿ ಪಡೆದುಕೊಳ್ಳಲವಲ್ಲಿ ವಿಫಲವಾಗಿದೆ.

‘ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2’ ಇತ್ತೀಚೆಗೆ ಆರಂಭ ಆಗಿದೆ. ನಗರ ಭಾಗದಲ್ಲಿ ಈ ಶೋಗೆ 5.7 ಟಿವಿಆರ್ ಸಿಕ್ಕಿದೆ. ಬಾಯ್ಸ್ vs ಗರ್ಲ್ಸ್ ರಿಯಾಲಿಟಿ ಶೋಗೆ 4.5 ಟಿವಿಆರ್ ದೊರೆತಿದೆ. ಎರಡೂ ರಿಯಾಲಿಟಿ ಶೋಗಳು ಒಂದೇ ರೀತಿಯ ಥೀಮ್ ಹೊಂದಿವೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.