ಈ ವಾರ ಬಿಡುಗಡೆ ಆಗುತ್ತಿವೆ ಹಲವು ಆಸಕ್ತಿಕರ ಸಿನಿಮಾಗಳು: ನಿಮ್ಮ ಆಯ್ಕೆ ಯಾವುದು?

ಮತ್ತೊಂದು ಶುಕ್ರವಾರ ಬಂದಿದೆ. ಹಲವಾರು ಸಿನಿಮಾಗಳು ಚಿತ್ರಮಂದಿರಕ್ಕೆ ಬರುತ್ತಿವೆ. ಚಿತ್ರತಂಡ ಹೊಸ ಕನಸು, ಆಸೆಗಳೊಟ್ಟಿಗೆ ಸಿನಿಮಾಗಳನ್ನು ಬಿಡುಗಡೆ ಮಾಡುತ್ತಿವೆ. ಈಗಾಗಲೇ ಕನ್ನಡದ ‘ಪ್ರೇಮದ ಊರಲಿ’ ಸಿನಿಮಾ ಚಿತ್ರಮಂದಿರಗಳಲ್ಲಿ ಭರ್ಜರಿಯಾಗಿ ಪ್ರದರ್ಶನ ಕಾಣುತ್ತಿದೆ. ಅದರ ನಡುವೆಯೇ ಇನ್ನೂ ಕೆಲವು ಹೊಸ ಕನ್ನಡ ಸಿನಿಮಾಗಳು ಈ ವಾರ ಬಿಡುಗಡೆ ಆಗುತ್ತಿವೆ. ಜೊತೆಗೆ ಕೆಲ ಪರಭಾಷೆ ಸಿನಿಮಾಗಳೂ ಸಹ. ಅವುಗಳ ಪಟ್ಟಿ ಇಲ್ಲಿದೆ ನೋಡಿ...

Movies Releasing This Week

ಮಂಜುನಾಥ ಸಿ. |
Updated on: Oct 01, 2026 | 6:07 PM

: ಶಿವರಾಜ್ ಕುಮಾರ್, ಸಾಯಿ ಕುಮಾರ್ ಮಲಯಾಳಂ ನಟ ಜಯರಾಂ ಒಟ್ಟಿಗೆ ನಟಿಸಿ ಪವನ್ ಒಡೆಯರ್ ನಿರ್ದೇಶನ ಮಾಡಿರುವ ‘ಬೇಲ್’ ಸಿನಿಮಾ ನಾಳೆ (ಅಕ್ಟೋಬರ್ 02) ರಿಲೀಸ್ ಆಗುತ್ತಿದೆ. ಸಿನಿಮಾನಲ್ಲಿ ಲೂಸ್ ಮಾದ ಯೋಗಿ ವಿಲನ್. ಕನ್ನಡದ ಯುವ ಪ್ರತಿಭಾವಂತ ನಟ ದೀಕ್ಷಿತ್ ಶೆಟ್ಟಿ ಸಹ ಜೊತೆಯಲ್ಲಿದ್ದಾರೆ.

: ‘ಹುಲಿಬೀರ’ ಹೆಸರಿನ ಉತ್ತರ ಕರ್ನಾಟಕದ ಸೊಗಡಿನ ಗ್ಯಾಮ್ಯ ಕತೆಯುಳ್ಳ ಸಿನಿಮಾ ಸಹ ಶುಕ್ರವಾರವೇ ರಿಲೀಸ್ ಆಗುತ್ತಿದೆ. ಈ ಹಿಂದೆ ‘ಮದರಂಗಿ’ ಸಿನಿಮಾ ನಿರ್ದೇಶಿಸಿದ್ದ ಮಲ್ಲಿಕಾರ್ಜುನ ಅವರು ಈ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಈ ಹಿಂದೆ ಬಿಡುಗಡೆ ಆಗಿದ್ದ ಸಿನಿಮಾದ ಟ್ರೈಲರ್ ಆಸಕ್ತಿಕರವಾಗಿದೆ.

: ‘ತ್ರಿಕಾರಂ’ ಹೆಸರಿನ ಮತ್ತೊಂದು ಕನ್ನಡ ಸಿನಿಮಾ ಸಹ ಶುಕ್ರವಾರ ರಿಲೀಸ್ ಆಗುತ್ತಿದೆ. ಆಕ್ಷನ್ ಕತೆಯುಳ್ಳ ಸಿನಿಮಾನಲ್ಲಿ ಹರ್ಷವರ್ಧನ ಕೇಸರಿ ನಾಯಕ. ನಿಶ್ಚಿತಾ ಶೆಟ್ಟಿ ನಾಯಕಿ. ಸಿನಿಮಾನಲ್ಲಿ ರಾಜು ಬಾಲವಾಡಿ, ನಾಗೇಂದ್ರ ಅರಸ್, ಮಂಜು ಪಾವಗಡ ಇನ್ನೂ ಕೆಲವು ಕಲಾವಿದ್ದಾರೆ.

: ತಮಿಳುನಾಡಿನ ಸಿಎಂ ದಳಪತಿ ವಿಜಯ್ ಪುತ್ರ ಜೋಸೆಫ್ ವಿಜಯ್ ನಿರ್ದೇಶನ ಮಾಡಿರುವ ಮೊಟ್ಟ ಮೊದಲ ತಮಿಳು ಸಿನಿಮಾ ‘ಸಿಗ್ಮಾ’ ಶುಕ್ರವಾರ ರಿಲೀಸ್ ಆಗುತ್ತಿದೆ. ಸಿನಿಮಾನಲ್ಲಿ ಸಂದೀಪ್ ಕಿಶನ್ ನಾಯಕಿ, ಫಾರಿಯಾ ಅಬ್ದುಲ್ಲಾ ನಾಯಕಿ.

: ಅಜಯ್ ದೇವಗನ್ ನಟನೆಯ ಹಿಂದಿ ಸಿನಿಮಾ ‘ದೃಶ್ಯಂ 3’ ಸಹ ಇದೇ ಶುಕ್ರವಾರ ರಿಲೀಸ್ ಆಗುತ್ತಿದೆ. ಇದು ಮಲಯಾಳಂನ ‘ದೃಶ್ಯಂ 3’ ರೀಮೇಕ್ ಆದರೆ ಸಂಪೂರ್ಣ ಅದನ್ನೇ ಬಟ್ಟಿ ಇಳಿಸಲಾಗಿಲ್ಲ ಎಂದು ಚಿತ್ರತಂಡ ಹೇಳಿದೆ. ಸಿನಿಮಾನಲ್ಲಿ ಶ್ರೆಯಾ ಸರನ್ ನಾಯಕಿ.

: ಫಹಾದ್ ಫಾಸಿಲ್ ನಟಿಸಿರುವ ತೆಲುಗು ಸಿನಿಮಾ ‘ಡೋಂಟ್ ಟ್ರಬಲ್ ದಿ ಟ್ರಬಲ್’ ಇದೇ ಶುಕ್ರವಾರ ರಿಲೀಸ್ ಆಗುತ್ತಿದೆ. ಸಿನಿಮಾನಲ್ಲಿ ಕಳ್ಳನ ಪಾತ್ರದಲ್ಲಿ ಫಹಾದ್ ನಟಿಸಿದ್ದು, ರಾಜಮೌಳಿಯ ಪುತ್ರ ಈ ಸಿನಿಮಾಕ್ಕೆ ನಿರ್ಮಾಪಕ. ಸಿನಿಮಾದ ಟ್ರೈಲರ್ ಸಖತ್ ಗಮನ ಸೆಳೆದಿದೆ.

: ಹಾಲಿವುಡ್ನ ಸ್ಟಾರ್ ನಟ ಟಾಮ್ ಕ್ರೂಸ್ ನಟನೆ ಮಾಡಿರುವ ‘ಡಿಗ್ಗರ್’ ಹಾಲಿವುಡ್ ಸಿನಿಮಾ ಸಹ ನಾಳೆ (ಅಕ್ಟೋಬರ್ 2) ರಿಲೀಸ್ ಆಗಲಿದೆ. ಈ ಸಿನಿಮಾನಲ್ಲಿ ಫಹಾದ್ ಫಾಸಿಲ್ ಸಹ ನಟಿಸಬೇಕಿತ್ತು ಆದರೆ ಸಾಧ್ಯವಾಗಲಿಲ್ಲ.

LIVETV

ಮಂಜುನಾಥ ಸಿ.

ಮಂಜುನಾಥ ಸಿ, ಬೆಂಗಳೂರು ಗ್ರಾಮಾಂತರ, ವಿಜಯರಪುರ ಪಟ್ಟಣ ನಿವಾಸಿ. ಕಳೆದ ಏಳು ವರ್ಷಗಳಿಂದ ಪತ್ರಿಕೋದ್ಯಮದಲ್ಲಿ ಸಕ್ರಿಯನಾಗಿದ್ದೇನೆ. ಕಳೆದ ಐದು ವರ್ಷದಿಂದ ಡಿಜಿಟಲ್ ಪತ್ರಿಕೋದ್ಯಮದಲ್ಲಿ ತೊಡಗಿಕೊಂಡಿದ್ದೇನೆ. ಈ ಹಿಂದೆ ಪ್ರಜಾವಾಣಿ, ಒನ್ ಇಂಡಿಯಾ ಕನ್ನಡ ಸಂಸ್ಥೆಗಳ ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡಿದ್ದೇನೆ. ಪ್ರಸ್ತುತ ಟಿವಿ9 ಕನ್ನಡ ಡಿಜಿಟಲ್ನ ಸಿನಿಮಾ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದೇನೆ. ಮೆಚ್ಚಿನ ಹವ್ಯಾಸ ಸಿನಿಮಾ ವೀಕ್ಷಣೆ, ಪುಸ್ತಕಗಳನ್ನು ಓದುವುದು.