ಇನ್​ಸ್ಟಾಗ್ರಾಮ್​ಗೆ ಏಕಾಏಕಿ ಗುಡ್​ಬೈ ಹೇಳಿದ ಚಿರಂಜೀವಿ ತಮ್ಮನ ಮಗಳು; ಅಂಥದ್ದೇನಾಯ್ತು?

ಸೆಲೆಬ್ರಿಟಿಗಳು ಸೋಶಿಯಲ್​ ಮೀಡಿಯಾದಲ್ಲಿ ಹೆಚ್ಚು ಆ್ಯಕ್ಟೀವ್​ ಆಗಿರೋಕೆ ಬಯಸುತ್ತಾರೆ. ಅಭಿಮಾನಿಗಳ ಜತೆ ಸಂಪರ್ಕದಲ್ಲಿರೋಕೆ ಎಲ್ಲಾ ರೀತಿಯ ಸೋಶಿಯಲ್​ ಮೀಡಿಯಾ ಪ್ಲಾಟ್​ಫಾರ್ಮ್​ಗಳನ್ನು ಬಳಕೆ ಮಾಡುತ್ತಾರೆ. ಆದರೆ, ಕೆಲವರು ಇದಕ್ಕೆ ಭಿನ್ನ. ಕೆಲ ನಟ/ನಟಿಯರು ಸೋಶಿಯಲ್​ ಮೀಡಿಯಾದಲ್ಲಿ (Social Media) ಆ್ಯಕ್ಟೀವ್​ ಆಗಿಲ್ಲ. ಇನ್ನೂ ಕೆಲವರು ಸ್ವಲ್ಪ ವರ್ಷ ಸಾಮಾಜಿಕ ಜಾಲತಾಣ ಬಳಸಿ ನಂತರ ಅದರಿಂದ ಹೊರ ಬರುತ್ತಾರೆ. ಈಗ ಚಿರಂಜೀವಿ (Chiranjeevi) ತಮ್ಮನ ಮಗಳು, ನಟಿ-ನಿರ್ಮಾಪಕಿ ನಿಹಾರಿಕಾ ಕೊನಿಡೆಲಾ (Niharika Konidela ) ಅವರು ಇನ್​​ಸ್ಟಾಗ್ರಾಮ್​ಗೆ ಗುಡ್​ಬೈ ಹೇಳಿದ್ದಾರೆ. ಇದಕ್ಕೆ ಕಾರಣವಾಗಿದ್ದು, ಅಭಿಮಾನಿಗಳು ಮಾಡಿದ ಆ ಒಂದು ತಪ್ಪು. ಹಾಗಾದರೆ, ಫ್ಯಾನ್ಸ್​ ಮಾಡಿದ ತಪ್ಪೇನು? ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ನಿಹಾರಿಕಾಗೆ ಇನ್​ಸ್ಟಾಗ್ರಾಮ್​ನಲ್ಲಿ ಲಕ್ಷಾಂತರ ಅಭಿಮಾನಿಗಳು ಇದ್ದರು. ಇತ್ತೀಚಿನವರೆಗೂ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​ ಹಾಗೂ ಸ್ಟೇಟಸ್​ಗಳು ಹಾಕುತ್ತಲೇ ಇದ್ದರು. ಆದರೆ, ಈಗ ಏಕಾಏಕಿ ಅವರು ಇನ್​ಸ್ಟಾಗ್ರಾಮ್​ನಿಂದ ಕಾಣೆ ಆಗಿದ್ದಾರೆ. ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಸೋಶಿಯಲ್​ ಮೀಡಿಯಾದಿಂದ ಅಂತರ ಕಾಯ್ದುಕೊಳ್ಳುವಾಗ ಸೂಚನೆ ನೀಡಿ ತೆರಳುತ್ತಾರೆ. ಆದರೆ, ನಿಹಾರಿಕಾ ಆ ರೀತಿ ಏನನ್ನೂ ಮಾಡಿಲ್ಲ.

ಇತ್ತೀಚೆಗೆ ಅವರು ಯಾವುದೇ ಪೋಸ್ಟ್​ ಹಾಕಿದರೂ ಅದನ್ನು ಕೆಟ್ಟ ರೀತಿಯಲ್ಲಿ ಟ್ರೋಲ್​ ಮಾಡಲಾಗುತ್ತಿತ್ತು. ಅಲ್ಲದೆ, ಕೆಲವರು ಕೆಟ್ಟ ರೀತಿಯಲ್ಲಿ ಕಮೆಂಟ್​ ಹಾಕುತ್ತಿದ್ದರು. ಈ ಕಾರಣಕ್ಕೆ ಅವರು ಇನ್​ಸ್ಟಾಗ್ರಾಮ್​ ಡಿಲೀಟ್​ ಮಾಡಿದ್ದಾರೆ ಎಂದು ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ. ಇನ್ನೂ ಕೆಲವರು ಹೇಳುವ ಪ್ರಕಾರ, ನಿಹಾರಿಕಾ ಅವರ ಖಾತೆಯನ್ನು ಹ್ಯಾಕ್​ ಮಾಡೋಕೆ ಕೆಲವರು ಪ್ರಯತ್ನಪಟ್ಟಿದ್ದರು. ಈ ಹಿನ್ನೆಲೆಯಲ್ಲಿ ಅವರು ತಮ್ಮ ಖಾತೆಯನ್ನು ಕ್ಲೋಸ್ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಈ ಬಗ್ಗೆ ಅವರ ಕಡೆಯಿಂದಲೇ ಸ್ಪಷ್ಟನೆ ಸಿಗಬೇಕಿದೆ.

ಚಿರು ಸಹೋದರ ನಾಗಬಾಬು ಪುತ್ರಿಯೇ‌ ನಿಹಾರಿಕಾ ಕೊನಿಡೆಲಾ. ರಾಜಸ್ಥಾನದ ಉದಯ್ ಪುರದಲ್ಲಿರುವ ಐಷಾರಾಮಿ ಹೋಟೆಲ್​ನಲ್ಲಿ 2020ರಂದು ನಿಹಾರಿಕಾ ಮದುವೆ ನೆರವೇರಿತ್ತು. ಗುಂಟೂರಿನ ಐಜಿಪಿ ಆಗಿದ್ದ ಜೆ.ಪ್ರಭಾಕರ್ ರಾವ್ ಪುತ್ರ ಚೈತನ್ಯ ಅವರನ್ನು ನಿಹಾರಿಕಾ ವರಿಸಿದ್ದರು. ನಿಹಾರಿಕಾ ಸಿನಿಮಾ ನಿರ್ಮಾಣ ಕೆಲಸದಲ್ಲಿ ಬ್ಯುಸಿ ಆಗಿದ್ದಾರೆ. ‘ಒಕ ಚಿನ್ನ ಫ್ಯಾಮಿಲಿ ಸ್ಟೋರಿ’ ವೆಬ್​ ಸರಣಿಯನ್ನು ಅವರು ನಿರ್ಮಾಣ ಮಾಡಿದ್ದರು. ಜೀ5ನಲ್ಲಿ ರಿಲೀಸ್​ ಆದ ಈ ಸರಣಿ ಮೆಚ್ಚುಗೆ ಪಡೆದುಕೊಂಡಿದೆ.

ಇದನ್ನೂ ಓದಿ: ವಿಚ್ಛೇದನದ ಬಳಿಕ ಅಕ್ಕಿನೇನಿ ಕುಟುಂಬಕ್ಕೆ ಸಮಂತಾ ಹಿಂದಿರುಗಿಸಿದರು ಒಂದು ಪ್ರಮುಖ ವಸ್ತು; ಏನದು?

ವಿದೇಶದಲ್ಲಿ ಹಣ ಉಳಿಸಲು ಇಂಥ ಕೆಲಸ ಮಾಡಿದ್ರಾ​ ನಾಗ ಚೈತನ್ಯ-ರಾಶಿ ಖನ್ನಾ? ಇದು ಟಾಲಿವುಡ್​ ಗಾಸಿಪ್​