ದೇವರು ಯಾಕೆ ಹೀಗೆ ಮಾಡ್ತಿದ್ದಾನೋ ಗೊತ್ತಿಲ್ಲ; ಬಿಗ್ ಬಾಸ್- 8 ನಿಂತಿದ್ದಕ್ಕೆ ಪ್ರಥಮ್ ಬೇಸರ

ಬಿಗ್​ ಬಾಸ್​ ಸೀಸನ್​ 8 ಅರ್ಧಕ್ಕೆ ನಿಲ್ಲುತ್ತಿರುವ ವಿಚಾರ ಪ್ರೇಕ್ಷಕರಿಗೆ ಬೇಸರ ತರಿಸಿದೆ. ಇನ್ನೂ 30 ದಿನ ಬಾಕಿ ಇರುವಾಗಲೇ ಈ ಸೀಸನ್ ನಿಲ್ಲುತ್ತಿದೆ. ಈ ಬಗ್ಗೆ ಸಾಕಷ್ಟು ಜನರು ಬೇಸರ ಹೊರ ಹಾಕಿದ್ದಾರೆ. ಈಗ ಬಿಗ್​ ಬಾಸ್​ ಕನ್ನಡ ಸೀಸನ್​ 4ರ ವಿನ್ನರ್​ ಒಳ್ಳೆ ಹುಡುಗ ಪ್ರಥಮ್​ ಈ ಬಗ್ಗೆ ಮಾತನಾಡಿದ್ದಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಅವರು ಈ ಬಗ್ಗೆ ಪೋಸ್ಟ್​ ಹಾಕಿದ್ದಾರೆ.

ನನಗೆ ಐಡೆಂಟಿಟಿ ಕೊಟ್ಟ ಬಿಗ್​ ಬಾಸ್​ ಹಾಗೂ ಹರಸಿದ ವಿಧೇಯತೆಯಿಂದ ಬಹಿರಂಗ ಪತ್ರ ಎಂದು ತಮ್ಮ ಪೋಸ್ಟ್​ ಆರಂಭಿಸಿದ್ದಾರೆ ಪ್ರಥಮ್​. ಖುಷಿ ಇರಲಿ, ನೋವಿರಲಿ ಪ್ರತಿ ಶನಿವಾರ ಸುದೀಪ್​ ಸರ್ ಎಲ್ಲವನ್ನು ಮರೆತು ನಮ್ಮ ಮುಂದೆ ಬಂದು ನಿಲ್ಲುತ್ತಿದ್ದರು. ನಾನಿದ್ದ ಬಿಗ್​ ಬಾಸ್​ ಸೀಸನ್​ ಸಮಸ್ಯೆಯೇ ಇಲ್ಲದಂತೆ ನಡೆಯಿತು. ಸೀಸನ್ 5 ಮುಗಿಯುತ್ತಿದ್ದಂತೆ ಬಿಗ್​ ಬಾಸ್​ ಮನೆಗೆ ಬೆಂಕಿ ಬಿತ್ತು. ಸೀಸನ್​ 6 ಮುಗಿಯುತ್ತಿದ್ದಂತೆ ಕಲರ್ಸ್​ ಕನ್ನಡ ಎರಡನೇ ಸ್ಥಾನಕ್ಕೆ ಬಂತು (ಸ್ಪರ್ಧಾತ್ಮಕ ಪ್ರಪಂಚದಲ್ಲಿ ಇದೆಲ್ಲವೂ ಸಾಮಾನ್ಯ) ಎಂದು ಬರೆದುಕೊಂಡಿದ್ದಾರೆ ಪ್ರಥಮ್​.

ಸೀಸನ್​ 7 ಮುಗಿಯುತ್ತಿದ್ದಂತೆ ಕರೋನಾ ಶುರುವಾಯ್ತು. ಸೀಸನ್​ 8 ಬಹಳ ತಡವಾಗಿ ಶುರುವಾಯ್ತು. ಸತತ ಮೂರು ವಾರ ಬಿಗ್​ ಬಾಸ್​ ವೇದಿಕೆಯಲ್ಲಿ ಸುದೀಪ್ ಸರ್ ಇಲ್ಲದಿರುವ ವಿಚಾರ ನಿಜಕ್ಕೂ ಬೇಸರವಾಯ್ತು. ಈಗ ನೋಡಿದ್ರೆ ಬಿಗ್​ ಬಾಸ್​ ನಿಲ್ಲುತ್ತಿದೆ. ಈ ಸುದ್ದಿ ನಿಜಕ್ಕೂ ನೋವಾಯ್ತು ಎಂದು ಪ್ರಥಮ್​ ಬೇಸರ ಹೊರ ಹಾಕಿದ್ದಾರೆ.

ದೇವರು ಯಾಕೆ ಹೀಗೆ ಮಾಡ್ತಿದ್ದಾನೋ ಗೊತ್ತಿಲ್ಲ. ಸುದೀಪ್ ಸರ್ ಮೊದಲು ಚೇತರಿಸಿಕೊಳ್ಳಲಿ. ನನಗೆ ಐಡೆಂಟಿಟಿ ತಂದುಕೊಟ್ಟ ಬಿಗ್​ ಬಾಸ್​ ಮುಂದಿನ ಸೀಸನ್​ಗಳಲ್ಲಿ ಮತ್ತಷ್ಟು ಜನಮನ ಗೆಲ್ಲಲಿ. ಯಾವಾಗಲೂ ನಾನು ಊಟ ಮಾಡುವಾಗ ನೆನೆಸಿಕೊಳ್ಳೋದು ಒಂದೇ, ಏನು ಅಲ್ಲದ ನನ್ನನ್ನು ಈ ಬಿಗ್​ ಬಾಸ್​ ನನಗೆ ಎಲ್ಲವನ್ನೂ ನೀಡಿದೆ. ನಾನಿದ್ದ ಸೀಸನ್​ ಬೆಸ್ಟ್ ಎಂದಿದ್ದಾರೆ ಪ್ರಥಮ್​.

ಇದನ್ನೂ ಓದಿ: ಬಿಗ್​ ಬಾಸ್​ ಮನೆಯಿಂದ ಹೊರ ಹೋಗುವುದಕ್ಕೂ ಮೊದಲು ಈಡೇರಿತು ರಘು ಗೌಡ ಆಸೆ

Bigg Boss Kannada: ಬಿಗ್​ ಬಾಸ್​ ಕನ್ನಡ ಸೀಸನ್​​ 8ರಲ್ಲಿ ನಡೆಯಿತು ಯಾರೂ ಊಹಿಸಿರದ 3 ವಿಚಿತ್ರ ಘಟನೆಗಳು