Bigg Boss Kannada OTT Finale: ‘ಇಂದು ಕೆಲವರಿಗೆ ಹಾರ್ಟ್​ಬ್ರೇಕ್ ಆಗಲಿದೆ’: ಬಿಗ್​ ಬಾಸ್​ ಒಟಿಟಿ ಫಿನಾಲೆಯಲ್ಲಿ ಕಿಚ್ಚನ ಎಚ್ಚರಿಕೆ ಮಾತು

ಆರು ವಾರಗಳ ಕಾಲ ನಡೆದುಕೊಂಡು ಬಂದ ‘ಬಿಗ್​ ಬಾಸ್​ ಕನ್ನಡ ಒಟಿಟಿ’ (Bigg Boss Kannada OTT) ಮೊದಲ ಸೀಸನ್​ಗೆ ಈಗ ತೆರೆ ಬೀಳುವ ಸಮಯ ಬಂದಿದೆ. ಇಂದು (ಸೆ.16) ಈ ಶೋ ಫಿನಾಲೆ (Bigg Boss Finale) ನಡೆಯಲಿದೆ. ಈಗಾಗಲೇ ಕಿಚ್ಚ ಸುದೀಪ್​ ಅವರು ಈ ಸ್ಪೆಷಲ್​ ಸಂಚಿಕೆಯ ಶೂಟಿಂಗ್​ನಲ್ಲಿ ಭಾಗವಹಿಸಿದ್ದಾರೆ. ಅದರ ಪ್ರೋಮೋವನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ. ವಿಶೇಷ ಗೆಟಪ್​ನಲ್ಲಿ ಬಂದು ಸುದೀಪ್​ (Kichcha Sudeep) ಅವರು ವೇದಿಕೆ ಏರಿದ್ದಾರೆ. ‘ಒಟಿಟಿ ಸೀಸನ್​ನ ಕೊನೇ ದಿನ. ಮನೆಯಲ್ಲಿ ಇನ್ನೂ 8 ಜನ ಇದ್ದಾರೆ. ಆದರೆ ಟೆಲಿವಿಷನ್​ ಸೀಸನ್​ನಲ್ಲಿ ಜಾಗ ಇರುವುದು 4 ಜನರಿಗೆ ಮಾತ್ರ’ ಎಂದು ಕಿಚ್ಚ ಸುದೀಪ್​ ಹೇಳಿದ್ದಾರೆ.

ಒಟ್ಟು 16 ಜನರು ‘ಬಿಗ್​ ಬಾಸ್​ ಕನ್ನಡ ಒಟಿಟಿ’ ಶೋಗೆ ಎಂಟ್ರಿ ಪಡೆದಿದ್ದರು. ಕೊನೇ ವಾರದಲ್ಲಿ ಕೇವಲ 8 ಜನರ ನಡುವೆ ಸ್ಪರ್ಧೆ ನಡೆಯಿತು. ಜಶ್ವಂತ್​ ಬೋಪಣ್ಣ, ಸಾನ್ಯಾ ಅಯ್ಯರ್​, ರೂಪೇಶ್​ ಶೆಟ್ಟಿ, ರಾಕೇಶ್​ ಅಡಿಗ, ಸೋನು ಶ್ರೀನಿವಾಸ್​ ಗೌಡ, ಆರ್ಯವರ್ಧನ್​ ಗುರೂಜಿ, ಜಯಶ್ರೀ ಆರಾಧ್ಯ, ಸೋಮಣ್ಣ ಮಾಚಿಮಾಡ ಅವರು ಫಿನಾಲೆ ವಾರ ತಲುಪಿದ್ದಾರೆ. ಇವರ ಪೈಕಿ ಯಾರಿಗೆ ಟಿವಿ ಸೀಸನ್​ ಪ್ರವೇಶಿಸುವ ಚಾನ್ಸ್​ ಸಿಗಲಿದೆ ಎಂಬುದನ್ನು ಕಾದು ನೋಡಬೇಕು.

ಇದನ್ನೂ ಓದಿ

ದೊಡ್ಮನೆಯಲ್ಲಿ ಎದೆ ಬಡಿದುಕೊಂಡು ಅತ್ತ ಜಯಶ್ರೀ; ಬಿಗ್​ ಬಾಸ್​ ಶೋನಲ್ಲಿ ಅಂಥದ್ದೇನಾಯ್ತು?

BBK: ಬಿಗ್​ ಬಾಸ್​ಗೆ ಅವಮಾನ ಮಾಡಿದ ಸೋನು ಗೌಡ; ಮುಲಾಜಿಲ್ಲದೇ ಕ್ಲಾಸ್​ ತೆಗೆದುಕೊಂಡ ಕಿಚ್ಚ ಸುದೀಪ್​

ಬಿಗ್​ ಬಾಸ್​ನಲ್ಲಿ ಹುಡುಗರಿಗೆ ಹೊರಗಿನಿಂದ ಸಿಗುತ್ತಿದೆ ಆ ಒಂದು ವಸ್ತು; ಸೋನು ಹೇಳಿಯೇ ಬಿಟ್ರು

‘ಬಿಗ್​ ಬಾಸ್​ ಒಟಿಟಿ’ ಮನೆಯೊಳಗೆ ನಿಜವಾಗಿ ಏನೆಲ್ಲ ನಡೆಯಿತು? ಎಲ್ಲವನ್ನೂ ವಿವರಿಸಿದ ಸ್ಫೂರ್ತಿ ಗೌಡ

‘ಇವತ್ತು ಕೆಲವರಿಗೆ ಹಾರ್ಟ್​ಬ್ರೇಕ್​ ಆಗೋದು ಖಚಿತ. ಇಲ್ಲಿಗೆ ನಮ್ಮ ಪ್ರಯಾಣ ಮುಕ್ತಾಯ..’ ಎಂದು ಕಿಚ್ಚ ಸುದೀಪ್​ ಅವರು ಹೇಳಿರುವುದು ಪ್ರೋಮೋದಲ್ಲಿ ಹೈಲೈಟ್​ ಆಗಿದೆ. ವೂಟ್​ ಸೆಲೆಕ್ಟ್​ ಮೂಲಕ ಸಂಜೆ 7 ಗಂಟೆಗೆ ‘ಬಿಗ್​ ಬಾಸ್​ ಒಟಿಟಿ ಕನ್ನಡ’ ಫಿನಾಲೆ ಸಂಚಿಕೆ ಪ್ರಸಾರ ಆಗಲಿದೆ. ಕನ್ನಡದ ಪ್ರೇಕ್ಷಕರಿಗೆ ಒಟಿಟಿ ಸೀಸನ್​ ಹೊಸ ಅನುಭವ ನೀಡಿದೆ. ಈಗ ಎಲ್ಲರೂ ಟಿವಿ ಸೀಸನ್​ ನೋಡಲು ಸಜ್ಜಾಗಿದ್ದಾರೆ.

ಎಂಟರಲ್ಲಿ ನಾಲ್ಕು ಜನರಿಗೆ ಮಾತ್ರ ಟಿ.ವಿ ಸೀಸನ್‍‍ಗೆ ಅವಕಾಶ! > OTT ಸೀಸನ್ ಗೆದ್ದು ಟಿ.ವಿ ಸೀಸನ್‍‍ಗೆ ಪ್ರವೇಶ ಪಡೆಯೋರು ಯಾರು? ಸ್ಟ್ರೀಮಿಂಗ್ 24×7 ಲೈವ್@kichchasudeepa | BIGG BOSS OTT FINALE ಇಂದು ಸಂಜೆ 7#BiggBossOTT #BiggBossOTTKannada #BBOTTKOnVoot @vootselect @endemolshineind @vimalelaichi pic.twitter.com/JMcIIOFHa3

— Colors Super (@ColorsSuper) September 16, 2022

ಸೋನು ಶ್ರೀನಿವಾಸ್​ ಗೌಡ ಅವರು ವೈರಲ್​ ವಿಡಿಯೋ ಮೂಲಕ ಕುಖ್ಯಾತಿ ಪಡೆದಿದ್ದರು. ಅವರು ‘ಬಿಗ್​ ಬಾಸ್​ ಕನ್ನಡ ಒಟಿಟಿ’ ಶೋಗೆ ಬಂದಿದ್ದು ಕೆಲವರಿಗೆ ಹಿಡಿಸಲಿಲ್ಲ. ಹಾಗಾಗಿ ಸೋಶಿಯಲ್​ ಮೀಡಿಯಾದಲ್ಲಿ ಅವರ ವಿರುದ್ಧ ಟ್ರೋಲ್​ ಜೋರಾಗಿತ್ತು. ಹಾಗಾಗಿ ಕಡಿಮೆ ವೋಟ್​ ಪಡೆದು ಅವರು ಮೊದಲ ವಾರವೇ ಔಟ್​ ಆಗಬಹುದು ಎಂದು ಅನೇಕರು ಊಹಿಸಿದ್ದರು. ಆದರೆ ಹಾಗಾಗಲಿಲ್ಲ. ವೀಕ್ಷಕರಿಂದ ಅಗತ್ಯ ವೋಟ್​ ಪಡೆಯುವ ಮೂಲಕ ಅವರು ಫಿನಾಲೆ ವಾರದವರೆಗೂ ತಮ್ಮ ಸ್ಥಾನ ಭದ್ರಪಡಿಸಿಕೊಂಡರು. ಎಲ್ಲ ವಾರ ನಾಮಿನೇಟ್​ ಆಗಿದ್ದರೂ ಕೂಡ ಜಯಶ್ರೀ ಆರಾಧ್ಯ ಅವರು ಕೊನೆ ವಾರದ ತನಕವೂ ಸೇಫ್​ ಆಗಿದ್ದು ಕೂಡ ಪ್ರೇಕ್ಷಕರಿಗೆ ಅಚ್ಚರಿ ನೀಡಿತು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 5:27 pm, Fri, 16 September 22