ದೊಡ್ಮನೆಯಲ್ಲಿ ಎದೆ ಬಡಿದುಕೊಂಡು ಅತ್ತ ಜಯಶ್ರೀ; ಬಿಗ್ ಬಾಸ್ ಶೋನಲ್ಲಿ ಅಂಥದ್ದೇನಾಯ್ತು?
Bigg Boss Kannada OTT: ‘ನನಗೆ ಇಲ್ಲಿ ಇರಲು ಆಗುತ್ತಿಲ್ಲ ಬಿಗ್ ಬಾಸ್.. ತುಂಬ ವೀಕ್ ಆದಂತೆ ಅನಿಸುತ್ತಿದೆ’ ಎಂದು ಜಯಶ್ರೀ ಗಳಗಳನೆ ಅತ್ತಿದ್ದಾರೆ. ಅವರನ್ನು ಸಮಾಧಾನ ಮಾಡಲು ಇನ್ನುಳಿದ ಸ್ಪರ್ಧಿಗಳು ಪ್ರಯತ್ನಿಸಿದ್ದಾರೆ.
Updated on:Sep 04, 2022 | 9:06 PM
ದಿನ ಕಳೆದಂತೆ ‘ಬಿಗ್ ಬಾಸ್ ಕನ್ನಡ ಒಟಿಟಿ’ ಕಾರ್ಯಕ್ರಮ ರಂಗು ಪಡೆದುಕೊಳ್ಳುತ್ತಿದೆ. ಐದನೇ ವಾರಕ್ಕೆ ಕಾಲಿಟ್ಟಿರುವ ಶೋನಲ್ಲಿ ಈಗ 9 ಜನರ ನಡುವೆ ಸ್ಪರ್ಧೆ ಮುಂದುವರಿದಿದೆ. ಶನಿವಾರ (ಸೆ.3) ಡಬಲ್ ಎಲಿಮಿನೇಷನ್ (Bigg Boss Elimination) ನಡೆಯಿತು. ಅಕ್ಷತಾ ಕುಕ್ಕಿ ಮತ್ತು ಚೈತ್ರಾ ಹಳ್ಳಿಕೇರಿ (Chaitra Hallikeri) ಅವರು ಆಟ ಮುಗಿಸಿ ಮನೆಯಿಂದ ಹೊರನಡೆದರು. ಚೈತ್ರಾ ಔಟ್ ಆಗುತ್ತಾರೆ ಎಂದು ಯಾರೂ ಊಹಿಸಿರಲಿಲ್ಲ. ಅವರು ಎಲಿಮಿನೇಟ್ ಆಗಿದ್ದರಿಂದ ಜಯಶ್ರೀ ಆರಾಧ್ಯ (Jayashree Aradhya) ಅವರಿಗೆ ಹೆಚ್ಚು ನೋವು ಆಗಿದೆ. ಒಬ್ಬರೇ ಕುಳಿತು ಅವರು ಕಣ್ಣೀರು ಹಾಕಿದ್ದಾರೆ. ಎದೆ ಬಡಿದುಕೊಂಡು ಅತ್ತಿದ್ದಾರೆ.
ಜಯಶ್ರೀ ಮತ್ತು ಚೈತ್ರಾ ನಡುವೆ ಸಿಕ್ಕಾಪಟ್ಟೆ ಸ್ನೇಹ ಬೆಳೆದಿತ್ತು. ಸದಾ ಕಾಲ ಅವರಿಬ್ಬರು ಜೊತೆಯಾಗಿ ಕಾಲ ಕಳೆಯುತ್ತಿದ್ದರು. ಮನೆಯಲ್ಲಿ ಪರಸ್ಪರ ಮಾತನಾಡಿಕೊಳ್ಳುತ್ತಿದ್ದರು. ಆದರೆ ಈಗ ಏಕಾಏಕಿ ಚೈತ್ರಾ ಎಲಿಮಿನೇಟ್ ಆಗಿದ್ದರಿಂದ ಜಯಶ್ರೀಗೆ ಒಂಟಿತನ ಕಾಡುತ್ತಿದೆ. ಅದನ್ನು ಅವರು ನೇರವಾಗಿಯೇ ಹೇಳಿದ್ದಾರೆ. ಚೈತ್ರಾ ಔಟ್ ಆದ ಬಳಿಕ ಜಯಶ್ರೀ ಅವರು ಎದೆ ಬಡಿದುಕೊಂಡು ಅತ್ತಿದ್ದಾರೆ. ಭಾನುವಾರ ಕೂಡ ಅವರ ಕಣ್ಣೀರು ನಿಲ್ಲಲಿಲ್ಲ.
‘ನನಗೆ ಇಲ್ಲಿ ಇರಲು ಆಗುತ್ತಿಲ್ಲ ಬಿಗ್ ಬಾಸ್. ತುಂಬ ಒಂಟಿತನ ಫೀಲ್ ಆಗುತ್ತಿದೆ. ತುಂಬ ವೀಕ್ ಆದಂತೆ ಅನಿಸುತ್ತಿದೆ’ ಎಂದು ಜಯಶ್ರೀ ಗಳಗಳನೆ ಅತ್ತಿದ್ದಾರೆ. ಅವರನ್ನು ಸಮಾಧಾನ ಮಾಡಲು ಇನ್ನುಳಿದ ಸ್ಪರ್ಧಿಗಳು ಪ್ರಯತ್ನಿಸಿದ್ದಾರೆ. ಅವರ ಕಣ್ಣೀರು ಒರೆಸಿ ಸಮಾಧಾನ ಮಾಡಿದ್ದಾರೆ ಸೋಮಣ್ಣ ಮಾಚಿಮಾಡ. ‘ನಾವೆಲ್ಲ ಇದ್ದೇವೆ. ಒಂಟಿ ಎಂದುಕೊಳ್ಳೋದು ಬೇಡ’ ಎಂದು ರಾಕೇಶ್ ಅಡಿಗ ಕೂಡ ಹೇಳಿ ಧೈರ್ಯ ತುಂಬಿದ್ದಾರೆ.
‘ಹೊರಗಡೆಯ ಜೀವನದಲ್ಲಿ ಈ ರೀತಿ ಆದಾಗ ನಮಗೆ ಬೇರೆ ಆಯ್ಕೆ ಇರುತ್ತದೆ. ಮೊಬೈಲ್ ಇರುತ್ತದೆ. ಆದರೆ ಇಲ್ಲಿ ಸಂಪೂರ್ಣ ಒಂಟಿ ಎನಿಸುತ್ತದೆ’ ಎಂದು ಜಯಶ್ರೀ ಆರಾಧ್ಯ ಹೇಳಿದ್ದಾರೆ. ನಾಲ್ಕು ವಾರಗಳ ಕಾಲ ಸ್ಪರ್ಧೆ ನೀಡಿಕೊಂಡು ಬಂದಿದ್ದ ಅವರು ಈಗ ಏಕಾಏಕಿ ಐದನೇ ವಾರದಲ್ಲಿ ಡಲ್ ಆಗಿದ್ದಾರೆ. ಚೈತ್ರಾ ಇಲ್ಲ ಎಂಬ ಕೊರಗು ಅವರನ್ನು ಹೆಚ್ಚು ಕಾಡುತ್ತಿದೆ. ಇದರಿಂದ ಅವರು ಆತ್ಮವಿಶ್ವಾಸ ಕಳೆದುಕೊಂಡರೆ ಐದನೇ ವಾರದ ಬಿಗ್ ಬಾಸ್ ಆಟ ಅವರಿಗೆ ಹೆಚ್ಚು ಕಷ್ಟ ಆಗಲಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 9:06 pm, Sun, 4 September 22
