ವಿಡಿಯೋ ಲೀಕ್ ವಿಚಾರದಲ್ಲಿ ಸೋನುಗೆ ಬುದ್ಧಿವಾದ ಹೇಳಿದ ಮನೆ ಮಂದಿ​; ಇದನ್ನು ಅವರು ಸ್ವೀಕರಿಸ್ತಾರಾ?

ಸೋಶಿಯಲ್ ಮೀಡಿಯಾದಲ್ಲಿ ಲಕ್ಷಾಂತರ ಹಿಂಬಾಲಕರನ್ನು ಹೊಂದಿರುವ ಸೋನು ಗೌಡ (Sonu Gowda) ಅವರು ಈಗ ‘ಬಿಗ್ ಬಾಸ್ ಒಟಿಟಿ’ಗೆ ಕಾಲಿಟ್ಟಿದ್ದಾರೆ. ಖಾಸಗಿ ವಿಡಿಯೋ ಲೀಕ್ ವಿಚಾರದಲ್ಲಿ ಅವರು ಓಪನ್ ಆಗಿ ಮಾತನಾಡಿದ್ದಾರೆ. ಈ ವಿಡಿಯೋ ಲೀಕ್ ಆಗುವುದರ ಹಿಂದೆ ಬಾಯ್​ಫ್ರೆಂಡ್ ಕೈವಾಡ ಇದೆ ಎಂದು ಅವರು ಆರೋಪ ಮಾಡಿದ್ದರು. ಈ ವಿಚಾರ ದೊಡ್ಮನೆಯಲ್ಲೂ ಚರ್ಚೆ ಆಗುತ್ತಿದೆ. ಕೆಲವರಿಗೆ ಸೋನು ಗೌಡ ಅವರ ವಿಡಿಯೋ ಲೀಕ್ ವಿಚಾರ ಗೊತ್ತು, ಇನ್ನೂ ಕೆಲವರಿಗೆ ಗೊತ್ತಿಲ್ಲ. ಸೋನು ಗೌಡ ಅವರಿಗೆ ಈ ವಿಚಾರದಲ್ಲಿ ಕೆಲವರು ಬುದ್ಧಿವಾದ ಹೇಳಿದ್ದಾರೆ. ಅದನ್ನು ಅವರು ಹೇಗೆ ಸ್ವೀಕರಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.

ರೂಪೇಶ್ ಹಾಗೂ ಸೋನು ಮಾತನಾಡುತ್ತಿದ್ದರು. ಈ ವೇಳೆ ವಿಡಿಯೋ ವಿಚಾರ ಮುನ್ನೆಲೆಗೆ ಬಂತು. ‘ನೀನು ಆವಾಗಲೇ ದೂರು ಕೊಡಬೇಕಿತ್ತು’ ಎಂದರು ರೂಪೇಶ್. ‘ಗುರು ನಾನು ಎಫ್​ಐಆರ್ ಕೂಡ ಮಾಡಿಸಿದ್ದೇನೆ. ಅವನು ಅಮೆರಿಕದಲ್ಲಿ ಇದ್ದಾನೆ. ಅವನ ಹುಡುಕೋದು ಹೇಗೆ’ ಎಂದು ಪ್ರಶ್ನೆ ಮಾಡಿದರು ಸೋನು. ‘ನೀವು ಗರ್ಲ್ಸ್​​ ಯಾಕೆ ಅಷ್ಟು ನಂಬಿಕೆ ಇಡ್ತೀರಾ’ ಎಂದು ಸೋನುಗೆ ರೂಪೇಶ್ ಕೇಳಿದ್ದಾರೆ.

‘ನೀನು ಈಗ ಆ ವಿಚಾರದಲ್ಲಿ ಕ್ಲ್ಯಾರಿಟಿ ಕೊಟ್ಟಾಗಿದೆ. ಮತ್ತೆ ಆ ವಿಚಾರದಲ್ಲಿ ಮಾತನಾಡಬೇಡ. ಹಾಗಿದ್ದಾಗ ಮಾತ್ರ ನೀನು ಇಲ್ಲಿಂದ ಹೊರ ಹೋಗುವಾಗ ಬೇರೆ ರೀತಿಯ ಸೋನು ಆಗಿರ್ತೀಯಾ’ ಎಂದು ರೂಪೇಶ್ ಕಿವಿಮಾತು ಹೇಳಿದರು. ಇದಕ್ಕೆ ಸೋನು ಕಡೆಯಿಂದ ಧನಾತ್ಮಕ ಪ್ರತಿಕ್ರಿಯೆ ಬಂತು.

ಜಯಶ್ರೀ ಕೂಡ ಸೋನುಗೆ ಕಿವಿಮಾತು ಹೇಳಿದರು. ‘ನಾನು ಆಡಿಯನ್ಸ್ ಆಗಿ ನಿನಗೆ ಕೆಲ ಮಾತನ್ನು ಹೇಳಬೇಕಿದೆ. ನಾನು ಹೇಳ್ತೀನಿ ಬೇಜಾರು ಮಾಡಿಕೊಳ್ಳಬೇಡ. ನೀನು ಕೆಲ ವಿಡಿಯೋ ಮಾಡಿ ಉರ್ಕೊಳೋರು ಉರ್ಕೊಳಿ ಎಂದು ಕ್ಯಾಪ್ಶನ್ ಕೊಡ್ತೀಯಾ. ಅದು ಹೇಟರ್​​ಗಳನ್ನು ಮತ್ತೂ ಪ್ರವೋಕೆ ಮಾಡುತ್ತದೆ. ನಿನ್ನ ವ್ಯಕ್ತಿತ್ವ ಏನು ಎಂಬುದನ್ನು ಇಲ್ಲಿ ಪ್ರೂವ್ ಮಾಡು. ನಾಲ್ಕು ಜನ ರೆಸ್ಪೆಕ್ಟ್ ನೀಡುವ ರೀತಿ ಮಾತನಾಡು’ ಎಂದು ಸೋನುಗೆ ಹೇಳಿದ್ದಾರೆ ಜಯಶ್ರೀ.

ಇದನ್ನೂ ಓದಿ: ‘ವಿಡಿಯೋ ಲೀಕ್​ ಆದಾಗಿನಿಂದ ಅಮ್ಮನ ಮುಖ ನೋಡಿಲ್ಲ, ನಾನು ಇಲ್ಲಿಂದ ಕ್ಷಮೆ ಕೇಳುತ್ತೇನೆ’; ಸೋನು ಗೌಡ

ಸೋನುಗೆ ಮಕ್ಕಳ ಬುದ್ಧಿ ಇನ್ನೂ ಹೋಗಿಲ್ಲ ಎಂದು ಕೆಲವರು ಆಡಿಕೊಂಡಿದ್ದು ಇದೆ. ಇದು ಸೋನುಗೂ ಗೊತ್ತಿದೆ. ಮನೆಯಿಂದ ಹೊರ ಹೋಗುವ ಮೊದಲು ತಮ್ಮನ್ನು ತಾವು ಸಾಬೀತು ಮಾಡಿ ಹೋಗುವ ಉದ್ದೇಶದಲ್ಲಿ ಅವರಿದ್ದಾರೆ.