ಆಪ್ತ ಚಂದ್ರಚೂಡ್​ ವಿರುದ್ಧವೇ ತಿರುಗಿಬಿದ್ದ ಪ್ರಶಾಂತ್​ ಸಂಬರಗಿ; ಬಿಗ್​ ಬಾಸ್​ ಮನೆಯಲ್ಲಿ 36 ಗಂಟೆಗಳ ಉಪವಾಸ

ಪ್ರಶಾಂತ್​ ಸಂಬರಗಿ ಸಾಮಾಜಿಕ ಕಾರ್ಯಕರ್ತನಾಗಿ ಗುರುತಿಸಿಕೊಂಡವರು. ಎಲ್ಲಿ ಅನ್ಯಾಯ ಕಾಣುತ್ತದೆಯೋ ಅದರ ವಿರುದ್ಧ ನಾನು ಹೋರಾಡಿದ್ದೇನೆ. ಇದನ್ನು ಬಿಗ್​ ಬಾಸ್​ ಮನೆಯಲ್ಲೂ ಮುಂದುವರಿಸಿಕೊಂಡು ಹೋಗುತ್ತೇನೆ ಎಂದು ಅವರು ಹೇಳಿದ್ದರು. ಈ ಕೆಲಸವನ್ನು ಪ್ರಶಾಂತ್​ ಚಾಚೂ ತಪ್ಪದೆ ಮಾಡುತ್ತಿದ್ದಾರೆ. ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಕೆಲವೊಮ್ಮೆ ಇದು ಅತೀ ಎನಿಸಿದ್ದೂ ಇದೆ. ಈಗಲೂ ಹಾಗೆಯೇ ಆಗಿದೆ. ಬಿಗ್​ ಬಾಸ್​ ಮನೆಯಲ್ಲಿ ತಮಗೆ ಅನ್ಯಾಯವಾಗಿದೆ ಎಂದು ಪ್ರಶಾಂತ್​ ಸಂಬರಗಿ 36 ಗಂಟೆಗಳ ಉಪವಾಸ ಸತ್ಯಾಗ್ರಹಕ್ಕೆ ಮುಂದಾಗಿದ್ದಾರೆ.

ಕ್ಯಾಪ್ಟನ್ಸಿ ಅಭ್ಯರ್ಥಿ ಆಯ್ಕೆಗೆ ಬಿಗ್​ ಬಾಸ್​ ಮನೆಯಲ್ಲಿ ಟಾಸ್ಕ್​ ಒಂದನ್ನು ನೀಡಲಾಗಿತ್ತು. ಅರವಿಂದ್​ ಕೆ.ಪಿ., ಪ್ರಶಾಂತ್​ ಸಂಬರಗಿ ಹಾಗೂ ಪ್ರಿಯಾಂಕಾ ತಿಮ್ಮೇಶ್ ಈ ಟಾಸ್ಕ್​ನಲ್ಲಿದ್ದರು. ನಿಯಮದ ಅನುಸಾರ​ ಮಲಗಿಕೊಂಡು ಬಾಲ್​ ದೂಕಿ ಒಂದು ತುದಿಯಿಂದ ಅದನ್ನು ಮತ್ತೊಂದು ತುದಿಗೆ ಕೊಂಡೊಯ್ಯ ಬೇಕಿತ್ತು. ಈ ಆಟದಲ್ಲಿ ಮೊದಲು ಪ್ರಶಾಂತ್​ ಗೆದ್ದಿದ್ದಾರೆ ಎಂದು ಘೋಷಣೆ ಮಾಡಲಾಯಿತು. ನಂತರ ಅರವಿಂದ್​ಗೆ ವಿಜಯದ ಮಾಲೆ ಹಾಕಲಾಯಿತು.

ಇದನ್ನು ಪ್ರಶಾಂತ್​ ಸಂಬರಗಿ ಬಳಿ ಸಹಿಸಿಕೊಳ್ಳೋಕೆ ಆಗಲಿಲ್ಲ. ಕ್ಯಾಮೆರಾ ಮುಂದೆ ಬಂದ ಅವರು, ಕೊನೆಯ ಆಟದಲ್ಲಿ ಮೊದಲು ನನ್ನನ್ನು ವಿಜೇತನೆಂದು ಘೋಷಣೆ ಮಾಡಿದರು. ನಂತರ ಚರ್ಚೆ​ ಮಾಡಿ ನಾನು ಸೋತೆ ಅಂತ ಹೇಳಿದ್ದರು. ಈ ಮೂಲಕ ನನಗೆ ಕ್ಯಾಪ್ಟನ್ಸಿ ಟಾಸ್ಕ್​ ಆಡೋಕೆ ಅವಕಾಶ ಕೊಟ್ಟಿಲ್ಲ. ಇದನ್ನು ಖಂಡಿಸಿ ನಾನು 36 ಗಂಟೆಗಳ ಕಾಲ ಊಟ ಮಾಡುತ್ತಿಲ್ಲ. ಮನೆಯಲ್ಲಿ ನಡೆಯುತ್ತಿರುವ ಗುಂಪುಗಾರಿಕೆ ವಿರುದ್ಧವಾಗಿ ಈ ಪ್ರತಿಭಟನೆ ಎಂದರು​.

ನಂತರ ಮನೆಯ ಒಳಗೆ ಬಂದ ಪ್ರಶಾಂತ್​ ಸಂಬರಗಿ, ಚಕ್ರವರ್ತಿ ಚಂದ್ರಚೂಡ್​ ವಿರುದ್ಧ ಹರಿಹಾಯ್ದರು. ನೀನು ಅಲ್ಲಿ ಸರಿಯಾಗಿ ಮಾತನಾಡಿಲ್ಲ. ಆ ಕಾರಣಕ್ಕೇ ಹೀಗೆಲ್ಲ ಆಯಿತು ಎಂದು ಪ್ರಶಾಂತ್ ಆರೋಪಿಸಿದರು​. ನಂತರ ಮಾತು ಮುಂದುವರಿಸಿ, ಒಬ್ಬರಿಗೆ ಇಷ್ಟೊಂದು ಫೇವರಿಸಂ ಇರುತ್ತದೆಯೇ? ಬಿಗ್​ ಬಾಸ್ ಊಟ ಮಾಡಿ ಎನ್ನುವರೆಗೆ ನಾನು ಊಟ ಮಾಡಲು ಮಾಡಲ್ಲ ಎಂದು ಶಪಥ ಮಾಡಿದರು.

ಈ ಮೊದಲು ಪ್ರಶಾಂತ್​ ಕಳಪೆ ಪಟ್ಟ ಹೊತ್ತು ಬಿಗ್​ ಬಾಸ್​ ಜೈಲಿನೊಳಗೆ ಹೋಗಿದ್ದರು. ಉದ್ದೇಶಪೂರ್ವಕವಾಗಿಯೇ ಕಳಪೆ ಪಟ್ಟ ನೀಡಲಾಗಿದೆ ಎಂದು ಆರೋಪಿಸಿ ಅವರು ಒಂದು ದಿನ ಉಪವಾಸ ಮಾಡಿದ್ದರು.

ಇದನ್ನೂ ಓದಿ: ನನ್ನನ್ನು ವೇಶ್ಯೆ ಮನೆಯಲ್ಲಿ ಕೆಲಸಕ್ಕೆ ಬಿಟ್ಟಿದ್ದರು; ಭಯಾನಕ ಘಟನೆ ಬಗ್ಗೆ ಹೇಳಿಕೊಂಡ ಚಕ್ರವರ್ತಿ

ಶುಭಾ ಪೂಂಜಾ ಮೇಲೆ ಕಣ್ಣಿಟ್ಟ ಪ್ರಶಾಂತ್​ ಸಂಬರಗಿ; ವೀಕೆಂಡ್​ನಲ್ಲಿ ಕಾದಿದೆ ಟ್ವಿಸ್ಟ್​