ಎಲ್ಲೇ ಇದ್ದರೂ ಭಾರತೀಯ ಸಂಸ್ಕೃತಿ ಮರೆಯದ ಪ್ರಿಯಾಂಕಾ ಚೋಪ್ರಾ! ಲಂಡನ್​ನಲ್ಲಿ ದೇಸಿ ಗರ್ಲ್​​ ಹೋಳಿ

ನಟಿ ಪ್ರಿಯಾಂಕಾ ಚೋಪ್ರಾ ಈಗ ಭಾರತಕ್ಕಿಂತಲೂ ಹೆಚ್ಚಾಗಿ ವಿದೇಶದಲ್ಲೇ ಇರುತ್ತಾರೆ. ಅಮೆರಿಕದ ಗಾಯಕ ನಿಕ್​ ಜೋನಸ್​ ಜೊತೆ ಮದುವೆ ಆದ ಬಳಿಕ ಅವರು ಬಾಲಿವುಡ್​ ಸಿನಿಮಾಗಳಿಂದಲೂ ಕೊಂಚ ದೂರ ಉಳಿದುಕೊಂಡರು. ಹಿಂದಿ ಚಿತ್ರಗಳಿಂದ ಪಿಗ್ಗಿ ಅಂತರ ಕಾಯ್ದುಕೊಂಡಿರಬಹುದು. ಆದರೆ ಭಾರತೀಯ ಸಂಸ್ಕೃತಿಯ ಜೊತೆಗೆ ಅವರು ಸದಾ ಕನೆಕ್ಟ್​ ಆಗಿರುತ್ತಾರೆ. ಪ್ರತಿ ಹಬ್ಬ ಬಂದಾಗಲೂ ಸಹ ಅವರು ಈ ಮಾತನ್ನು ಸಾಬೀತುಪಡಿಸುತ್ತಾರೆ.

ಹೌದು, ವಿದೇಶಿ ಹುಡುಗನನ್ನು ಮದುವೆ ಆಗಿದ್ದರೂ ಕೂಡ ಪ್ರಿಯಾಂಕಾ ಚೋಪ್ರಾ ಪಕ್ಕಾ ದೇಶಿ ಗರ್ಲ್​ ಎಂಬುದಕ್ಕೆ ಈಗ ಅವರು ಹೋಳಿ ಹಬ್ಬ ಆಚರಿಸಿರುವುದೇ ಸಾಕ್ಷಿ. ಪತಿ ನಿಕ್​ ಜೋನಸ್​ ಮತ್ತು ಕುಟುಂಬದ ಇತರೆ ಸದಸ್ಯರ ಜೊತೆ ಸದ್ಯ ಪ್ರಿಯಾಂಕಾ ಲಂಡನ್​ನಲ್ಲಿ ಕಾಲ ಕಳೆಯುತ್ತಿದ್ದಾರೆ. ಲಂಡನ್​ ಎಂದಮಾತ್ರಕ್ಕೆ ಅವರು ಹೋಳಿ ಹಬ್ಬವನ್ನು ಮರೆತಿಲ್ಲ. ಕುಟುಂಬದವರ ಜೊತೆ ಸೇರಿ ಬಣ್ಣದ ಹಬ್ಬವನ್ನು ಸೆಲೆಬ್ರೇಟ್​ ಮಾಡಿದ್ದಾರೆ.

‘ಬಣ್ಣಗಳ ಹಬ್ಬ ಹೋಳಿ ನನ್ನ ಫೇವರೆಟ್. ನಮ್ಮ ಮನೆಗಳಲ್ಲಿ ನಾವೆಲ್ಲರೂ ಪ್ರೀತಿಪಾತ್ರರ ಜೊತೆ ಈ ಬಾರಿ ಹೋಳಿ ಆಚರಿಸಿಸೋಣ’ ಎಂದು ಇನ್​ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡಿರುವ ಪ್ರಿಯಾಂಕಾ ಅವರು ಕೆಲವು ಫೋಟೋಗಳನ್ನು ಕೂಡ ಹಂಚಿಕೊಂಡಿದ್ದಾರೆ. ಪತಿ ನಿಕ್​ ಜೋನಸ್​ ಮತ್ತು ಅತ್ತೆ-ಮಾವನ ಜೊತೆ ಪಿಗ್ಗಿ ಬಣ್ಣದ ಹಬ್ಬವನ್ನು ಸೆಲೆಬ್ರೇಟ್​ ಮಾಡಿದ್ದಾರೆ. ಈ ಹಿಂದೆ ಅವರು ಕರ್ವಾ ಚೌತ್​ ಹಬ್ಬವನ್ನು ಸಹ ಸಂಭ್ರಮದಿಂದ ಆಚರಿಸಿದ್ದರು.

ಉತ್ತರ ಭಾರತದ ಮಂದಿಗೆ ಹೋಳಿ ದೊಡ್ಡ ಹಬ್ಬ. ಅಲ್ಲಿನ ಎಲ್ಲಾ ಸೆಲೆಬ್ರಿಟಿಗಳೂ ಬಹಳ ಉತ್ಸಾಹದಿಂದ ಈ ಸಂಭ್ರಮದಲ್ಲಿ ಪಾಲ್ಗೊಳ್ಳುತ್ತಾರೆ. ಆದರೆ ಈ ಬಾರಿ ಕೊರೊನಾ ವೈರಸ್​ ಹಾವಳಿ ಇರುವುದರಿಂದ ಆಚರಣೆ ಕೊಂಚ ಮಂಕಾಗಿದೆ. ಹೆಚ್ಚು ಜನರನ್ನು ಒಟ್ಟುಗೂಡಿಸಿಕೊಳ್ಳುವ ಬದಲು ಕೇವಲ ತಮ್ಮ ಕುಟುಂಬದವರ ಜೊತೆ ಹಬ್ಬ ಆಚರಿಸುತ್ತಿದ್ದಾರೆ. ಬಣ್ಣಗಳಲ್ಲಿ ಮುಳುಗೆದ್ದಿರುವ ಫೋಟೋಗಳನ್ನು ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡು ಖುಷಿ ಪಡುತ್ತಿದ್ದಾರೆ.

View this post on Instagram

A post shared by Priyanka Chopra Jonas (@priyankachopra)

ಸಿನಿಮಾ ವಿಚಾರಕ್ಕೆ ಬರುವುದಾದರೆ ಈಗ ಹೆಚ್ಚಾಗಿ ಹಾಲಿವುಡ್​ ಸಿನಿಮಾಗಳತ್ತ ಪ್ರಿಯಾಂಕಾ ಚೋಪ್ರಾ ಗಮನ ಹರಿಸುತ್ತಿದ್ದಾರೆ. ಅವರ ನಟನೆಯ ‘ದಿ ವೈಟ್​ ಟೈಗರ್​’ ಚಿತ್ರ ಆಸ್ಕರ್​ ಸ್ಪರ್ಧಿಗೆ ನಾಮನಿರ್ದೇಶನಗೊಂಡಿದೆ. ಆ ಬಗ್ಗೆ ಕೆಲವೇ ದಿನಗಳ ಹಿಂದೆ ಅವರು ಖುಷಿ ಹಂಚಿಕೊಂಡಿದ್ದರು.

ಇದನ್ನೂ ಓದಿ: ನಟಿ ಪ್ರಿಯಾಂಕಾ ಚೋಪ್ರಾ ಅವರ ಇಂಡಿಯನ್ ಹೋಟೆಲ್ ಮೆನು ನೋಡಿ! ಬಾಣಸಿಗ ಯಾರು ಗೊತ್ತಾ?

ಬಾಲ್ಯದಲ್ಲಿ ಪ್ರಿಯಾಂಕಾ ಚೋಪ್ರಾ ಪಾಲಿಸುತ್ತಿದ್ದ ಧರ್ಮ ಯಾವುದು? ಸಂದರ್ಶನದಲ್ಲಿ ಸತ್ಯ ಬಾಯ್ಬಿಟ್ಟ ನಟಿ