ರಾಮ್​ ಚರಣ್​ ಧರಿಸಿದ ಈ ಜಾಕೆಟ್​ ಬೆಲೆ ಊಹಿಸಬಲ್ಲಿರಾ? ಸಾವಿರ ಅಲ್ಲ, ಲಕ್ಷದಲ್ಲಿದೆ ಲೆಕ್ಕ

ಸಿನಿಮಾದಲ್ಲಿ ಲಕ್ಷಾಂತರ ರೂಪಾಯಿ ಬೆಲೆಯ ಕಾಸ್ಟ್ಯೂಮ್​ ಧರಿಸುವ ಸೆಲೆಬ್ರಿಟಿಗಳು ನಿಜಜೀವನದಲ್ಲಿಯೂ ಅದೇ ರೀತಿ ಬದುಕುತ್ತಾರೆ. ಕೆಲವರಿಗೆ ಸಿಂಪಲ್​ ಆಗಿರುವುದು ಇಷ್ಟ. ಆದರೆ ಕೆಲವರಿಗೆ ಐಷಾರಾಮಿ ಜೀವನವೇ ರೂಢಿ. ನಟ ರಾಮ್​ ಚರಣ್​ ಅವರು ಕೋಟ್ಯಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಅದಕ್ಕೆ ತಕ್ಕಂತೆಯೇ ಅವರ ಜೀವನ ಶೈಲಿ ಇದೆ. ಈಗ ಅವರು ಧರಿಸಿರುವ ಒಂದು ಜಾಕೆಟ್​ ಬಗ್ಗೆ ಸಖತ್​ ಚರ್ಚೆ ಆಗುತ್ತಿದೆ. ಲಕ್ಷಾಂತರ ರೂಪಾಯಿ ಬೆಲೆ ಬಾಳುವ ಜಾಕೆಟ್​ ಧರಿಸಿ ಅವರು ಬಿಗ್​ ಬಾಸ್​ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಆ ಪೋಟೋಗಳು ವೈರಲ್ ಆಗಿವೆ.

ಡಸ್ಟ್​ ಆಫ್​ ಗಾಡ್ಸ್​ ಫ್ಯಾಷನ್​ ಬ್ರ್ಯಾಂಡ್​ ವಿನ್ಯಾಸಗೊಳಿಸಿದ ದಿ ಜೋಕರ್​ ಡೆನಿಮ್​ ಜಾಕೆಟ್​ ಧರಿಸಿ ರಾಮ್​ ಚರಣ್​ ಬಿಗ್​ ಬಾಸ್​ ಕಾರ್ಯಕ್ರಮಕ್ಕೆ ಬಂದಿದ್ದಾರೆ. ಅದರ ಬೆಲೆ ಬರೋಬ್ಬರಿ 1.3 ಲಕ್ಷ ರೂಪಾಯಿ ಎಂಬುದು ಅಚ್ಚರಿ ವಿಚಾರ! ಹೆಚ್ಚಿನ ಸಂದರ್ಭದಲ್ಲಿ ರಾಮ್​ ಚರಣ್​ ಅವರು ಫಾರ್ಮಲ್​ ರೀತಿಯ ಬಟ್ಟೆಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಜೊತೆಗೆ ಅವರು ಟ್ರೆಂಡಿ ಬಟ್ಟೆಗಳನ್ನೂ ಇಷ್ಟಪಡುತ್ತಾರೆ ಎಂಬುದಕ್ಕೆ ಈ ಜಾಕೆಟ್​ ಸಾಕ್ಷಿ. ಅವರ ಫ್ಯಾಷನ್​ ಸೆನ್ಸ್​ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಅಷ್ಟಕ್ಕೂ ಬಿಗ್​ ಬಾಸ್​ ವೇದಿಕೆಗೆ ರಾಮ್​ ಚರಣ್​ ಬಂದಿರುವುದು ಯಾಕೆ? ಉತ್ತರ ಸಿಂಪಲ್​; ಡಿಸ್ನಿ ಪ್ಲಸ್​ ಹಾಟ್​ ಸ್ಟಾರ್​ ಸಂಸ್ಥೆಯ ತೆಲುಗು ವಿಭಾಗಕ್ಕೆ ಅವರು ರಾಯಭಾರಿ ಆಗಿದ್ದಾರೆ. ಹಾಗಾಗಿ ಈ ಸಂಸ್ಥೆಯ ಪ್ರಚಾರಕ್ಕಾಗಿ ರಾಮ್​ ಚರಣ್​ ಬಿಗ್​ ಬಾಸ್​ ವೇದಿಕೆ ಏರಿದ್ದಾರೆ. ಇದೇ ವೇದಿಕೆಯಲ್ಲಿ ನಿತಿನ್​, ತಮನ್ನಾ ಭಾಟಿಯಾ, ನಭಾ ನಟೇಶ್​ ಅವರು ತಮ್ಮ ಹೊಸ ಸಿನಿಮಾದ ಪ್ರಮೋಷನ್​ ಕೂಡ ಮಾಡಿದ್ದಾರೆ. ಅವರಿಗೆ ರಾಮ್​ ಚರಣ್​ ಸಾಥ್​ ನೀಡಿದ್ದಾರೆ.

ಡಿಸ್ನಿ ಪ್ಲಸ್​ ಹಾಟ್​ ಸ್ಟಾರ್​ ಸಂಸ್ಥೆಯ ತೆಲುಗು ವಿಭಾಗಕ್ಕೆ ರಾಯಭಾರಿ ಆಗಲು ರಾಮ್​ ಚರಣ್​ ಎಷ್ಟು ಸಂಭಾವನೆ ಪಡೆದುಕೊಂಡಿದ್ದಾರೆ ಎಂಬುದು ಕೂಡ ಈಗ ಟಾಕ್​ ಆಫ್​ ದಿ ಟೌನ್​ ಆಗಿದೆ. ಅವರು ಈ ಕೆಲಸಕ್ಕೆ ವಾರ್ಷಿಕವಾಗಿ ಬರೋಬ್ಬರಿ 6 ಕೋಟಿ ರೂ. ಪಡೆಯಲಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿದೆ. ಓಟಿಟಿ ಪ್ಲಾಟ್​ಫಾರ್ಮ್​ಗಳ ವ್ಯಾಪ್ತಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಹಾಗಾಗಿ, ಸ್ಟಾರ್​ ನಟರನ್ನು ರಾಯಭಾರಿಗಳನ್ನಾಗಿ ನೇಮಕ ಮಾಡಿಕೊಳ್ಳಲಾಗುತ್ತಿದೆ.

ಇದನ್ನೂ ಓದಿ:

ರಾಮ್​ ಚರಣ್​ ಒಪ್ಪದಿದ್ದರೂ ಲಿಪ್​ ಲಾಕ್ ಮಾಡಿದ್ದ ಸಮಂತಾ? ‘ರಂಗಸ್ಥಲಂ’ ತೆರೆಹಿಂದೆ ಮುತ್ತಿನ ಪ್ರಹಸನ

ರಾಮ್​ ಚರಣ್​ Vs ಜ್ಯೂ. ಎನ್​ಟಿಆರ್​; ಫ್ಯಾನ್ಸ್ ತಕರಾರು ಬಗೆಹರಿಸಲು ರಾಜಮೌಳಿ ಮಾಡಿದ ಪ್ಲ್ಯಾನ್​ ಏನು?