Hombale Films and Rakshith Shetty: ಅಭಿಮಾನಿಗಳ ಕಾಯುವಿಕೆಗೆ ಕೊನೆ ಹಾಡೇ ಬಿಟ್ರು ರಕ್ಷಿತ್ ಶೆಟ್ಟಿ, ಡೈರೆಕ್ಟರ್ ಕ್ಯಾಪ್ ಹಾಕ್ಕೊಳ್ಳೋ ಟೈಮ್ ಬಂದೇ ಬಿಡ್ತು!
ಹೊಂಬಾಳೆ ಫಿಲ್ಮ್ಸ್‘ ನಿರ್ಮಾಣ ಸಂಸ್ಥೆಯು ಜುಲೈ 11ಕ್ಕೆ ಸರ್ಪ್ರೈಸ್ ನೀಡುವುದಾಗಿ ಹೇಳಿತ್ತು. ಅದರಂತೆ ಅಭಿಮಾನಿಗಳಿಗೆ ಭರ್ಜರಿ ಗಿಫ್ಟ್ ನೀಡಿದೆ.
Updated on:Jul 11, 2021 | 1:37 PM
ಎಲ್ಲರ ನಿರೀಕ್ಷೆಯಂತೆ ಹೊಂಬಾಳೆ ಫಿಲ್ಮ್ಸ್ ಅಭಿಮಾನಿಗಳಿಗೆ ಭರ್ಜರಿ ನ್ಯೂಸ್ ನೀಡಿದೆ. ಅದೂ ಒಂದಲ್ಲಾ, ಎರಡಲ್ಲಾ… ಹತ್ತಾರು! ಹೌದು. ಹೊಂಬಾಳೆ ಫಿಲ್ಮ್ಸ್ ತನ್ನ ಹತ್ತನೇ ಚಿತ್ರದ ನಿರ್ಮಾಣದ ಟೀಸರ್ ಅನ್ನು ಬಿಡುಗಡೆಗೊಳಿಸಿದ್ದಲ್ಲದೇ ಹಲವು ಅಚ್ಚರಿಗಳನ್ನು ನೀಡಿದೆ. ಉಳಿದವರು ಕಂಡಂತೆ ಚಿತ್ರದ ನಂತರ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಮತ್ತೆ ನಿರ್ದೇಶನದ ಜವಾಬ್ದಾರಿಯನ್ನು ಹೊತ್ತುಕೊಳ್ಳಲಿದ್ದಾರೆ. ಮತ್ತೊಂದು ಭರ್ಜರಿ ನ್ಯೂಸ್ ಏನೆಂದರೆ, ಇದು ಉಳಿದವರು ಕಂಡಂತೆ ಚಿತ್ರದ ಹಿಂದು, ಮುಂದಿನ ಕತೆಯನ್ನು ಒಳಗೊಂಡಿದೆ. ಚಿತ್ರಕ್ಕೆ ರಿಚರ್ಡ್ ಆಂಟನಿ: ಲಾರ್ಡ್ ಆಫ್ ದಿ ಸೀ (Richard Antony: Lord Of the Sea) ಎಂದು ಹೆಸರಿಡಲಾಗಿದೆ.
ಟೀಸರ್ನಲ್ಲಿ ಏನಿದೆ?
‘ಕೆಲವು ಕಂಡಿದ್ದು, ಕೆಲವು ಕಾಣದ್ದು, ಉಳಿದವು ಅಂತೆ ಕಂತೆಗಳು ಮತ್ತು ಇತರ ಸುಳ್ಳುಗಳು’ ಎಂದು ಟೀಸರ್ನಲ್ಲಿ ಹೇಳಲಾಗಿದೆ. ಜೊತೆಗೆ ರಿಚ್ಚಿಯ ಜನ್ಮ ದಿನಾಂಕ ಮತ್ತು ಮರಣ ದಿನಾಂಕವನ್ನೂ ತಿಳಿಸಲಾಗಿದೆ. ಅಲ್ಲಿಗೆ ಚಿತ್ರವು ರಿಚ್ಚಿಯ ಜೀವನದ ಮತ್ತೊಂದು ಮಗ್ಗುಲನ್ನು ತೆರೆದಿಡಲಿದೆಯೇ ಎಂಬ ಕುತೂಹಲವನ್ನು ಹುಟ್ಟಿಸಿದೆ. ಅಚ್ಯುತ್ ಕುಮಾರ್ ನಿರೂಪಿಸಿರುವ ಈ ಟೀಸರ್ ಅನ್ನು ನೋಡಿ ಏನೇನಿರಬಹುದು ಎಂದು ಊಹಿಸಿ.
ಚಿತ್ರತಂಡದಲ್ಲಿ ಯಾರ್ಯಾರಿದ್ದಾರೆ?
ರಕ್ಷಿತ್ ಶೆಟ್ಟಿ ಕತೆ ಮತ್ತು ನಿರ್ದೇಶನದ ಜವಾಬ್ದಾರಿಯ ಜೊತೆಗೆ ಮುಖ್ಯಪಾತ್ರವನ್ನೂ ನಿಭಾಯಿಸಲಿದ್ಧಾರೆ. ವಿಜಯ್ ಕಿರಗಂದೂರು ಹೊಂಬಾಳೆ ಫಿಲ್ಮ್ಸ್ ಅಡಿಯಲ್ಲಿ ನಿರ್ಮಾಣ ಮಾಡುತ್ತಿದ್ದಾರೆ. ಬಿ.ಅಜನೀಶ್ ಲೋಕನಾಥ್ ಸಂಗೀತ ಹಾಗೂ ಕರಮ್ ಚಾವ್ಲಾ ಛಾಯಾಗ್ರಹಣ ಚಿತ್ರಕ್ಕಿರಲಿದೆ.
ಚಿತ್ರತಂಡ ಬಿಡುಗಡೆಗೊಳಿಸಿರುವ ಪೋಸ್ಟರ್:
Will his dream and destiny meet each other? Catch the Glimpse of our next, #RichardAnthony – Lord of the sea: https://t.co/4Mw78vd82O@hombalefilms @rakshitshetty @VKiragandur @HombaleGroup @RichiIsBack #RakshitShetty #Hombale10 pic.twitter.com/akjGsjjzXG
— Hombale Films (@hombalefilms) July 11, 2021
ಹಳೆಯ ಪೋಸ್ಟರ್ನಲ್ಲಿ ಏನಿತ್ತು?
ಜುಲೈ8ಕ್ಕೆ ಹಂಚಿಕೊಂಡ ಪೋಸ್ಟರ್ನಲ್ಲಿ ದಡಕ್ಕೆ ಬಡಿಯುತ್ತಿರುವ ಸಮುದ್ರದ ಅಲೆಗಳು, ಕೆಂಪಾದ ಬಂಡೆ ಹಾಗೂ ಮರಳಿನ ಮೇಲೆ ನಡೆದು ಹೋದ ಒಬ್ಬ ಮನುಷ್ಯನ ರಕ್ತಸಿಕ್ತ ಹೆಜ್ಜೆ ಗುರುತುಗಳನ್ನು ತೋರಿಸಲಾಗಿತ್ತು. ಹಾಗೆಯೇ ‘(ಸಮುದ್ರದ) ಉಬ್ಬರವಿಳಿತವು ದೇಹವನ್ನು ಮರಳಿ ಹೊತ್ತು ತಂದಾಗ, ಇಡಿಯ ತೀರವೇ ರಕ್ತಮಯವಾಗುತ್ತದೆ’ ಎಂಬರ್ಥದಲ್ಲಿ ‘When tgetide brings back the DEAD, the shores bleed RED’ ಎಂದು ಚಿತ್ರಕ್ಕೆ ಅಡಿಬರಹವನ್ನು ನೀಡಲಾಗಿತ್ತು. ಇದರಿಂದಾಗಿ ಕತೆಯು ಸಮುದ್ರದಲ್ಲಿ ನಡೆಯಲಿದೆಯೇ ಎಂಬ ಕುತೂಹಲವನ್ನೂ ಚಿತ್ರದ ಪೋಸ್ಟರ್ ಹಾಗೂ ಚಿತ್ರದ ಅಡಿ ಬರಹವು ಮೂಡಿಸಿತ್ತು. ಹಾಗೆಯೇ ಈ ಚಿತ್ರವು ಪ್ಯಾನ್ ಇಂಡಿಯಾ ಚಿತ್ರವೇ ಎಂಬ ಚರ್ಚೆಯೂ ಆರಂಭವಾಗಿತ್ತು. ಆ ನಿರೀಕ್ಷೆಗಳೆಲ್ಲವೂ ಇದೀಗ ನಿಜವಾಗಿದೆ.
ಹೊಂಬಾಳೆ ಫಿಲ್ಮ್ಸ್ ಈ ಮೊದಲು ಹಂಚಿಕೊಂಡಿದ್ದ ಪೋಸ್ಟರ್:
When the tide brings back the dead, the shores bleed red.
Catch the Glimpse of #Hombale10 on July 11th at 12:51 PM. @hombalefilms @VKiragandur @HombaleGroup
Subscribe and Stay Tuned: https://t.co/QxtFZcv8dy pic.twitter.com/1y06JbBwK9
— Hombale Films (@hombalefilms) July 8, 2021
ಇದನ್ನೂ ಓದಿ: Kannada Movies: ಯೂಟ್ಯೂಬ್ನಲ್ಲಿ ಉಚಿತವಾಗಿ ವೀಕ್ಷಿಸಬಹುದಾದ ಕನ್ನಡದ ಅತ್ಯುತ್ತಮ ಸಿನಿಮಾಗಳ ಪಟ್ಟಿ ಬೇಕೆ?
ಇದನ್ನೂ ಓದಿ: Vikram First Look: ವಿಕ್ರಮ್ ಪೋಸ್ಟರ್ನಲ್ಲಿ ಮೂರು ಸ್ಟಾರ್ಗಳ ಸಮಾಗಮ; ಭಯ ಹುಟ್ಟಿಸುತ್ತಿದೆ ಹೊಸ ಪೋಸ್ಟರ್
(Hombale Films launches it’s 10th production name called Richard Antony written and directed by Rakshith Shetty)
Published On - 1:21 pm, Sun, 11 July 21
