ಕಂಟೆಂಟ್ ಕ್ರಿಯೇಟರ್ ನಿಹಾರಿಕಾಗೆ ಪಂಚ್ ಕೊಟ್ಟ ರಾಕಿಂಗ್ ಸ್ಟಾರ್ ಯಶ್​; ವಿಡಿಯೋ ವೈರಲ್

ಇದು ಸೋಶಿಯಲ್ ಮೀಡಿಯಾ ಜಮಾನ. ಸಾಕಷ್ಟು ಕಂಟೆಂಟ್ ಕ್ರಿಯೇಟರ್​ಗಳು ಹುಟ್ಟಿಕೊಂಡಿದ್ದಾರೆ. ಅವರು ಪೋಸ್ಟ್​ ಮಾಡುವ ವಿಡಿಯೋಗಳು ಲಕ್ಷಾಂತರ, ಕೋಟ್ಯಂತರ ವೀಕ್ಷಣೆ ಕಾಣುತ್ತವೆ. ನಿಹಾರಿಕಾ ಎನ್​.ಎಂ. (Niharika Nm) ಕೂಡ ಓರ್ವ ಕಂಟೆಂಟ್ ಕ್ರಿಯೇಟರ್. ಅವರು ಮಾಡುವ ವಿಡಿಯೋಗಳನ್ನು ಅಭಿಮಾನಿಗಳು ಇಷ್ಟಪಡುತ್ತಾರೆ. ಅವರಿಗೆ ಇನ್​ಸ್ಟಾಗ್ರಾಮ್​ನಲ್ಲಿ (Instagram) 20 ಲಕ್ಷ ಹಿಂಬಾಲಕರಿದ್ದಾರೆ. ಈಗ ಅವರು ಯಶ್ (Yash) ಜತೆ ಮಾಡಿರುವ ಹೊಸ ವಿಡಿಯೋ ಒಂದು ಸಖತ್ ವೈರಲ್ ಆಗುತ್ತಿದೆ. ವಿಡಿಯೋ ನೋಡಿದ ಅನೇಕರು ನಕ್ಕಿದ್ದಾರೆ. ನಿಹಾರಿಕಾಗೆ ಯಶ್ ಪಂಚ್ ಕೊಟ್ಟ ರೀತಿ ಅಭಿಮಾನಿಗಳಿಗೆ ಇಷ್ಟವಾಗಿದೆ.

‘ಕೆಜಿಎಫ್​ ಚಾಪ್ಟರ್​ 2’ ರಿಲೀಸ್​ಗೆ ರೆಡಿ ಇದೆ. ಈ ಸಿನಿಮಾ ಪ್ರಚಾರಕ್ಕಾಗಿ ಚಿತ್ರತಂಡ ಉತ್ತರ ಭಾರತದಲ್ಲಿ ಸಾಕಷ್ಟು ಸಮಯ ಕಳೆದಿದೆ. ಹಲವು ಮಾಧ್ಯಮಗಳಿಗೆ ಸಂದರ್ಶನ ನೀಡಿದೆ. ಯಶ್ ಅವರನ್ನು ಕಂಡು ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಉತ್ತರ ಭಾರತದಲ್ಲಿ ಅವರು ಮಾಲ್​ನಲ್ಲಿ ಪ್ರಚಾರಕ್ಕೆ ತೆರಳಿದಾಗ ಸಾವಿರಾರು ಅಭಿಮಾನಿಗಳು ಯಶ್ ಅವರನ್ನು ನೋಡಲು ಮುಗಿಬಿದ್ದಿದ್ದರು. ಈ ಫೋಟೋ ಸಖತ್ ವೈರಲ್ ಆಗಿತ್ತು. ಹಲವು ಕಂಟೆಂಟ್ ಕ್ರಿಯೇಟರ್​ಗಳನ್ನು ಯಶ್ ಭೇಟಿ ಮಾಡಿದ್ದಾರೆ. ನಿಹಾರಿಕಾ ಕೂಡ ಯಶ್​ ಅವರನ್ನು ಭೇಟಿ ಮಾಡಿದ್ದು, ಒಂದು ರೀಲ್ಸ್ ಮಾಡಿ ಪೋಸ್ಟ್ ಮಾಡಿದ್ದಾರೆ.

‘ಕೆಜಿಎಫ್​ 2’ ಸಿನಿಮಾದ  ‘ವಾಯ್ಲೆನ್ಸ್​.​​. ವಾಯ್ಲೆನ್ಸ್​​.​. ವಾಯ್ಲೆನ್ಸ್​..’ ಡೈಲಾಗ್ ಸಖತ್ ಫೇಮಸ್ ಆಗಿದೆ. ಇದೇ ಡೈಲಾಗ್​ಅನ್ನು ನಿಹಾರಿಕಾ ಹೇಳಿದ್ದಾರೆ. ಕೈನಲ್ಲಿ ಬಾಟಲ್ ಒಂದನ್ನು ಇಟ್ಟುಕೊಂಡ ನಿಹಾರಿಕಾ, ‘ವಾಯ್ಲೆನ್ಸ್​​.. ವಾಯ್ಲೆನ್ಸ್​​.. ವಾಯ್ಲೆನ್ಸ್​..​’ ಎಂದು ಹೇಳೋಕೆ ಶುರು ಮಾಡಿದ್ದಾರೆ. ಏನೇ ಮಾಡಿದರೂ ಆ ಬಾಟಲಿಯ ಮುಚ್ಚಳ ತೆಗೆಯಲು ಸಾಧ್ಯವಾಗಿಲ್ಲ. ‘ಯಾರು ಈ ಬಾಟಲಿ ಕೊಟ್ಟಿದ್ದು. ಬೇರೆ ಬಾಟಲಿ ಕೊಡಿ’ ಎಂದು ಮತ್ತೊಂದು ಬಾಟಲಿ ತೆಗೆದುಕೊಳ್ಳುತ್ತಾರೆ ನಿಹಾರಿಕಾ. ಆಗ ಯಶ್ ಎಂಟ್ರಿ ಆಗುತ್ತದೆ.

ನಿಹಾರಿಕಾ ಹಿಡಿದುಕೊಂಡಿದ್ದ ಬಾಟಲಿಯನ್ನು ಯಶ್ ತಮ್ಮ ಕೈಗೆ ತೆಗೆದುಕೊಳ್ಳುತ್ತಾರೆ. ‘ವಾಯ್ಲೆನ್ಸ್​​ ಲೈಕ್ಸ್​ ಮಿ. ಐ ಕಾಂಟ್​ ಅವಾಯ್ಡ್​’ ಎನ್ನುವ ಯಶ್,​ ಬೆರಳಿನಲ್ಲೇ ಮುಚ್ಚಳ ಹಾರಿಸುತ್ತಾರೆ. ನಂತರ ಬಾಟಲಿ ಸಮೇತ ಅವರು ಅಲ್ಲಿಂದ ತೆರಳುತ್ತಾರೆ. ‘ಮೈ ನೇಮ್​ ಇಸ್ ವಾಯ್ಲೆನ್ಸ್​​, ಡೋಂಟ್​ ಅವಾಯ್ಡ್​ ಮಿ ಸರ್​’ ಎಂದು ಯಶ್ ಹಿಂದೆ ಓಡುತ್ತಾರೆ ನಿಹಾರಿಕಾ. ಸದ್ಯ, ಈ ವಿಡಿಯೋ 6 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ.

ಇದನ್ನೂ ಓದಿ: ಪುಣೆಯಲ್ಲಿ ‘ಕೆಜಿಎಫ್​ 2’ ಟಿಕೆಟ್​ ಸಿಗದೇ ವಿಮಾನ ಹತ್ತಿ ಬೆಂಗಳೂರಿಗೆ ಬಂದ ಲೇಡಿ ಫ್ಯಾನ್ಸ್​​: ಆಹಾ ಅಭಿಮಾನ

‘ಕೆಜಿಎಫ್​ 2’ ಬಿಡುಗಡೆಗೂ ಮುನ್ನ ಹುಟ್ಟೂರಿಗೆ ಭೇಟಿ; ಒಂದೇ ಫ್ರೇಮ್​ನಲ್ಲಿ ವಿಜಯ್ ಕಿರಗಂದೂರು, ಯಶ್, ಪ್ರಶಾಂತ್ ನೀಲ್