ಫೆ.2ಕ್ಕೆ ಬರ್ತಾನೆ ‘ಸಪ್ಲೆಯರ್ ಶಂಕರ’; ಟೀಸರ್ ಮೂಲಕ ಕೌತುಕ ಮೂಡಿಸಿದ ನಿಶ್ಚಿತ್ ಕರೋಡಿ
ಚಿತ್ರದ ಶೀರ್ಷಿಕೆಯೇ ಹೇಳುವಂತೆ ಒಬ್ಬ ಬಾರ್ ಸಪ್ಲೆಯರ್ ಹುಡುಗನ ಸುತ್ತ ನಡೆಯುವ ಕಥೆಯನ್ನು ಇಟ್ಟುಕೊಂಡು ಮಾಡಿರುವ ಸಿನಿಮಾ ಇದು. ನಿಶ್ಚಿತ್ ಕರೋಡಿ ಅವರು ಸಪ್ಲೆಯರ್ ಶಂಕರನಾಗಿ ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ದೀಪಿಕಾ ಆರಾಧ್ಯ ನಾಯಕಿ ಆಗಿದ್ದಾರೆ. ಫೆ.2ಕ್ಕೆ ಈ ಸಿನಿಮಾ ಬಿಡುಗಡೆ ಆಗಲಿದೆ.
Updated on: Jan 03, 2024 | 6:53 PM
2024ರಲ್ಲಿ ಬಿಡುಗಡೆ ಆಗಲು ಅನೇಕ ಸಿನಿಮಾಗಳು ಸಿದ್ಧವಾಗಿವೆ. ಈ ವರ್ಷ ಕನ್ನಡ ಚಿತ್ರರಂಗದ ಪಾಲಿಗೆ ಲಾಭ ಆಗಲಿದೆ ಎಂಬ ನಂಬಿಕೆಯೊಂದಿಗೆ ಹಲವು ಚಿತ್ರತಂಡಗಳು ಸಕ್ರಿಯವಾಗಿವೆ. ರಿಲೀಸ್ ಡೇಟ್ ಅನೌನ್ಸ್ ಮಾಡುವ ಮೂಲಕ ತಮ್ಮ ಆಗಮನವನ್ನು ಖಚಿತಪಡಿಸಲಾಗುತ್ತಿದೆ. ಆ ಸಾಲಿನಲ್ಲಿ ನಿಶ್ಚಿತ್ ಕರೋಡಿ (Nischith Korodi) ಅಭಿನಯದ ‘ಸಪ್ಲೆಯರ್ ಶಂಕರ’ ಸಿನಿಮಾ ಕೂಡ ಇದೆ. ಟೀಸರ್ ಮೂಲಕ ಭಾರಿ ಕೌತುಕ ಮೂಡಿಸಿರುವ ಈ ಚಿತ್ರದ ಬಿಡುಗಡೆ ದಿನಾಂಕವನ್ನು ಘೋಷಿಸಲಾಗಿದೆ. ಮರ್ಡರ್ ಮಿಸ್ಟರಿ ಕಥಾಹಂದರ ಹೊಂದಿರುವ ‘ಸಪ್ಲೆಯರ್ ಶಂಕರ’ (Supplier Shankara) ಚಿತ್ರ ಫೆಬ್ರವರಿ 2ರಂದು ತೆರೆಕಾಣಲಿದೆ.
ಹಲವು ಕಾರಣಗಳಿಂದ ‘ಸಪ್ಲೆಯರ್ ಶಂಕರ’ ಸಿನಿಮಾ ನಿರೀಕ್ಷೆ ಮೂಡಿಸಿದೆ. ಈ ಸಿನಿಮಾದ ಟೀಸರ್ ತುಂಬ ರಗಡ್ ಆಗಿ ಮೂಡಿಬಂದಿದೆ. ‘ತ್ರಿನೇತ್ರ ಫಿಲ್ಮ್ಸ್’ ಸಂಸ್ಥೆಯ ಮೂಲಕ ಎಂ. ಚಂದ್ರಶೇಖರ್ ಮತ್ತು ಎಂ. ನಾಗೇಂದ್ರ ಸಿಂಗ್ ಅವರು ಈ ಸಿನಿಮಾವನ್ನು ನಿರ್ಮಿಸಿದ್ದಾರೆ. ರಂಜಿತ್ ಸಿಂಗ್ ರಜಪೂತ್ ಅವರು ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಅವರೇ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ.
ಇದನ್ನೂ ಓದಿ: ‘ಕ್ಯಾಪ್ಟನ್ ಮಿಲ್ಲರ್’ ಹಾಡು ಬಿಡುಗಡೆ: ಈರಪ್ಪನ ನೆನೆಯುತ ಧನುಶ್ ಜೊತೆ ಶಿವಣ್ಣನ ಕುಣಿತ
ಈ ಹಿಂದೆ ‘ಗಂಟು ಮೂಟೆ’, ‘ಟಾಮ್ ಆ್ಯಂಡ್ ಜರ್ರಿ’ ಸಿನಿಮಾಗಳಲ್ಲಿ ಅಭಿನಯಿಸಿದ್ದ ನಟ ನಿಶ್ಚಿತ್ ಕರೋಡಿ ಅವರಿಗೆ ‘ಸಪ್ಲೆಯರ್ ಶಂಕರ್’ ಒಂದು ಡಿಫರೆಂಟ್ ಸಿನಿಮಾ ಆಗಲಿದೆ. ‘ಆನಂದ್ ಆಡಿಯೋ’ ಮೂಲಕ ಈ ಸಿನಿಮಾದ ಹೊಸ ಟೀಸರ್ ಮತ್ತು ಪೋಸ್ಟರ್ ರಿಲೀಸ್ ಮಾಡಿ ಬಿಡುಗಡೆ ದಿನಾಂಕದ ಬಗ್ಗೆ ಮಾಹಿತಿ ಹಂಚಿಕೊಳ್ಳಲಾಗಿದೆ. ಸತೀಶ್ ಕುಮಾರ್ ಅವರ ಛಾಯಾಗ್ರಹಣ, ಸತೀಶ್ ಚಂದ್ರಯ್ಯ ಅವರ ಸಂಕಲನ ಮತ್ತು ಬಾಲಾಜಿ ಅವರ ಕಲಾ ನಿರ್ದೇಶನ ಈ ಸಿನಿಮಾಗಿದೆ.
ಇದನ್ನೂ ಓದಿ: ‘ರಂಗಸಮುದ್ರ’ ಟ್ರೈಲರ್ ಬಿಡುಗಡೆ, ಅಪ್ಪು ನಟಿಸಬೇಕಿದ್ದ ಸಿನಿಮಾ ಇದು
ಚಿತ್ರದ ಶೀರ್ಷಿಕೆಯೇ ಹೇಳುವಂತೆ ಒಬ್ಬ ಬಾರ್ ಸಪ್ಲೆಯರ್ ಹುಡುಗನ ಸುತ್ತ ನಡೆಯುವ ಕಥೆಯನ್ನು ಇಟ್ಟುಕೊಂಡು ಮಾಡಿರುವ ಸಿನಿಮಾ ಇದು.
ನಿಶ್ಚಿತ್ ಕರೋಡಿ ಅವರು ಸಪ್ಲೆಯರ್ ಶಂಕರನಾಗಿ ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರಿಗೆ ದೀಪಿಕಾ ಆರಾಧ್ಯ ಜೋಡಿ ಆಗಿದ್ದಾರೆ. ಇನ್ನುಳಿದ ಮುಖ್ಯ ಪಾತ್ರಗಳಲ್ಲಿ ಗೋಪಾಲಕೃಷ್ಣ ದೇಶಪಾಂಡೆ, ಜ್ಯೋತಿ ರೈ, ನವೀನ್ ಪಡೀಲ್ ಮುಂತಾದವರು ನಟಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
