ನಿತ್ಯಾ ಮೆನನ್ ಅದೆಷ್ಟು ಸುಂದರವಾಗಿ ಕನ್ನಡ ಮಾತನಾಡುತ್ತಾರೆ ನೋಡಿ

ನಿತ್ಯಾ ಮೆನನ್ (Nithya Menen) ಅವರು ದಕ್ಷಿಣ ಭಾರತದ ಖ್ಯಾತ ನಟಿ. ಅವರು ಹಿಂದಿಯಲ್ಲೂ ಸಿನಿಮಾ ಮಾಡಿದ್ದಾರೆ. ಅವರಿಗೆ ಕನ್ನಡದ ಮೇಲೆ ವಿಶೇಷ ಪ್ರೀತಿ. ಇಂದು (ಏಪ್ರಿಲ್ 8) ಅವರಿಗೆ ಜನ್ಮದಿನ.  ನಿತ್ಯಾ ಮೆನನ್ ಅವರಿಗೆ ಎಲ್ಲ ಕಡೆಗಳಿಂದ ಶುಭಾಶಯ ಬರುತ್ತಾ ಇದೆ. ನಿತ್ಯಾ ಮೆನನ್ ಅವರು ಸುಂದರವಾಗಿ ಕನ್ನಡ ಮಾತನಾಡುತ್ತಾರೆ. ಇದಕ್ಕೆ ಸಾಕ್ಷಿಯಾಗಿ ಹಲವು ವಿಡಿಯೋಗಳು ವೈರಲ್ ಆದ ಉದಾಹರಣೆ ಇದೆ. ಆ ಬಗ್ಗೆ ಇಂದು ನೋಡೋಣ. ಅವರ ನಿಜವಾದ ಹೆಸರಿನ ಬಗ್ಗೆಯೂ ತಿಳಿಯೋಣ.

ನಿತ್ಯಾ ಮೆನನ್ ಹುಟ್ಟಿದ್ದು ಬೆಂಗಳೂರಿನಲ್ಲೇ. ಅವರು 1990ರ ಏಪ್ರಿಲ್ 8ರಂದು ಜನಿಸಿದರು. ಮೌಂಟ್ ಕಾರ್ಮೆಲ್ ಕಾಲೇಜ್​ನಲ್ಲಿ ಅವರು ಶಿಕ್ಷಣ ಪಡೆದರು. ನಿತ್ಯಾ ಮೆನನ್ ಅವರಿಗೆ ಬರೆಯಲು ಹಾಗೂ ಓದಲು ಬರುವ ಭಾಷೆ ಎಂದರೆ ಅದು ಕನ್ನಡ. ಅವರನ್ನು ಅನೇಕರು ಕನ್ನಡದವರು ಎಂದು ಪರಿಗಣಿಸುವುದೇ ಇಲ್ಲ ಎಂಬುದೇ ಬೇಸರ.

ಇದನ್ನೂ ಓದಿ

ಐಪಿಎಲ್ ಬೆಟ್ಟಿಂಗ್ ಪ್ರಮೋಷನ್ ಮಾಡೋ ಇನ್​ಫ್ಲ್ಯುಯೆನ್ಸ್​ರಗಳಿಗೆ ನೋಟಿಸ್

‘ಕೊಳಕು ಅಂಟದ ಬಿಳಿ ಹಾಳೆ’; ಧನುಗೆ ಪತ್ರ ಬರೆದು ವಿಶ್ ತಿಳಿಸಿದ ತ್ರಿವಿಕ್ರಂ

ರಚಿತಾ ರಾಮ್ ಹಾಡೋದನ್ನ ನೋಡಿದ್ದೀರಾ? ಇಲ್ಲಿದೆ ಅಪರೂಪದ ವಿಡಿಯೋ

ರಿಯಾಲಿಟಿ ಶೋಗಳಲ್ಲಿ ಡಬಲ್ ಮೀನಿಂಗ್ ಡೈಲಾಗ್; ರವಿಚಂದ್ರನ್ ಬೇಸರ

ನಿತ್ಯಾ ಮೆನನ್ ಅವರಿಗೆ ಕನ್ನಡ ಬರೋದಿಲ್ಲ  ಎಂದು ಭಾವಿಸಿದವರೇ ಹೆಚ್ಚು. ಆದರೆ, ಅವರು ತಮ್ಮ ಸ್ಪಷ್ಟ ಕನ್ನಡದಿಂದ ಎಲ್ಲರಿಗೂ ಇಷ್ಟ ಆಗುತ್ತಾರೆ. ಇನ್ನು ನಿತ್ಯಾ ಅವರ ಸರ್​ ನೇಮ್ ಬಗ್ಗೆಯೂ ಒಂದು ಅಚ್ಚರಿಯ ವಿಚಾರ ಇದೆ. ಅವರ ಹೆಸರು ಎನ್ಎಸ್ ನಿತ್ಯಾ ಎಂದು ಇತ್ತು. ಅದು ಬೇಡ ಎಂದು ಬೇರೆ ಇಡಬೇಕು ಎಂದುಕೊಂಡರು. ಅವರೇ ನ್ಯುಮರಲಾಜಿ ಕಲಿತರು. ಅದರ ಪ್ರಕಾರ MENE ಎಂದು ಅವರು ಮಾಡಿಕೊಂಡರಂತೆ. ಆದರೆ, ಈಗ ಎಲ್ಲರೂ ಮೆನನ್ ಎನ್ನುತ್ತಾರೆ. ಮೆನನ್ ಎಂಬುದನ್ನೇ ಅವರು ಫೈನಲ್ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ‘ಎಷ್ಟೇ ಟ್ರಾಫಿಕ್ ಆದರೂ ಬೆಂಗಳೂರೇ ಬೆಸ್ಟ್’; ಕಾರಣ ವಿವರಿಸಿದ ನಿತ್ಯಾ ಮೆನನ್

ನಿತ್ಯಾ ಮೆನನ್ ಅವರು ದೊಡ್ಡ ಮಟ್ಟದ ಜನಪ್ರಿಯತೆ ಪಡೆದಿದ್ದಾರೆ. ಅವರು ಕನ್ನಡದಲ್ಲೂ ಸಿನಿಮಾಗಳನ್ನು ಮಾಡಿದ್ದಾರೆ. ತಮಿಳಿನ ‘ತಿರುಚಿತ್ರಂಬಲಂ’ ಸಿನಿಮಾದ ನಟನೆಗೆ ಅವರಿಗೆ ರಾಷ್ಟ್ರಪ್ರಶಸ್ತಿ ಸಿಕ್ಕಿದೆ. ಅವರು ಇತ್ತೀಚೆಗೆ ಕನ್ನಡದಲ್ಲಿ ಕಾಣಿಸಿಕೊಂಡಿಲ್ಲ. ‘ಕೋಟಿಗೊಬ್ಬ 2’ ಸಿನಿಮಾದಲ್ಲಿ ಅವರು ಸುದೀಪ್​ ಅವರಿಗೆ ಜೊತೆಯಾಗಿದ್ದರು. ಅವರು ಮತ್ತೆ ಕನ್ನಡ ಸಿನಿಮಾ ಮಾಡಬೇಕು ಎಂಬುದು ಅಭಿಮಾನಿಗಳ ಕೋರಿಕೆ. ಆದರೆ, ಅದು ಸಾಧ್ಯವಾಗಿಲ್ಲ. ಅವರು ಸದ್ಯ ‘ಇಡ್ಲಿ ಕಡಾಯಿ’ ಹಾಗೂ ವಿಜಯ್ ಸೇತುಪತಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 8:03 am, Tue, 8 April 25