ನಿರ್ಮಾಣವಾಗಲೇ ಇಲ್ಲ ಪಾರ್ವತಮ್ಮ ರಾಜ್​ಕುಮಾರ್​ ಕನಸಿನ ಸಿನಿಮಾ ‘ಅಮೋಘವರ್ಷ ನೃಪತುಂಗ’

‘ಮೇರುನಟ’ ಡಾ. ರಾಜ್​ಕುಮಾರ್​ (Dr Rajkumar) ಅವರ ಸಿನಿಮಾಗಳೆಂದರೆ ಪ್ರೇಕ್ಷಕರಿಗೆ ಇಂದಿಗೂ ಫೇವರಿಟ್​. ಎಷ್ಟೇ ವರ್ಷಗಳು ಕಳೆದರೂ ಅವರ ಚಿತ್ರಗಳ ಸೆಳೆತ ಕಡಿಮೆ ಆಗಿಲ್ಲ. ಅದಕ್ಕೆ ಕಾರಣ ಹಲವು. ಸಿನಿಮಾಗಳನ್ನು ಆಯ್ಕೆ ಮಾಡಿಕೊಳ್ಳುವಾಗ ಡಾ. ರಾಜ್​ಕುಮಾರ್​ ಅವರು ಬಹಳ ಎಚ್ಚರಿಕೆ ವಹಿಸುತ್ತಿದ್ದರು. ಅವರ ಆಯ್ಕೆಗಳ ಹಿಂದೆ ಸಹೋದರ ವರದಪ್ಪ, ಪತ್ನಿ ಪಾರ್ವತಮ್ಮ ರಾಜ್​ಕುಮಾರ್​ ಮುಂತಾದವರು ಇರುತ್ತಿದ್ದರು. ಶೂಟಿಂಗ್​ ಶುರುವಾಗುವುದಕ್ಕೂ ಮುನ್ನ ಬಹಳ ಎಚ್ಚರಿಕೆಯಿಂದ ಸ್ಕ್ರಿಪ್ಟ್ ಕೆಲಸಗಳನ್ನು ಮಾಡಲಾಗುತ್ತಿತ್ತು. ಅದೆಲ್ಲದರ ಪರಿಣಾಮವಾಗಿ ಡಾ. ರಾಜ್​ಕುಮಾರ್​ ಸಿನಿಮಾಗಳು ಜನಮನ ಗೆಲ್ಲುವ ರೀತಿಯಲ್ಲಿ ಮೂಡಿಬರುತ್ತಿದ್ದವು. ವೃತ್ತಿಜೀವನದಲ್ಲಿ ಅಣ್ಣಾವ್ರು ಕೆಲವೊಂದು ಚಿತ್ರಗಳಲ್ಲಿ ನಟಿಸಲು ಸಾಧ್ಯವಾಗಲಿಲ್ಲ. ಅವುಗಳ ಪೈಕಿ ‘ಅಮೋಘವರ್ಷ ನೃಪತುಂಗ’ (Amoghavarsha Nrupatunga) ಚಿತ್ರ ಕೂಡ ಒಂದು. ಅದು ಪಾರ್ವತಮ್ಮ ರಾಜ್​ಕುಮಾರ್ (Parvathamma Rajkumar)​ ಅವರ ಕನಸಿನ ಪ್ರಾಜೆಕ್ಟ್​ ಆಗಿತ್ತು.

ಡಾ. ರಾಜ್​ ಅವರ 200ನೇ ಸಿನಿಮಾವಾಗಿ ‘ಅಮೋಘವರ್ಷ ನೃಪತುಂಗ’ ಚಿತ್ರ ಮೂಡಿಬರಬೇಕಿತ್ತು. ಆ ಸಿನಿಮಾ ಬಗ್ಗೆ ಪಾರ್ವತಮ್ಮ ಹಲವು ಆಸೆಗಳನ್ನು ಇಟ್ಟುಕೊಂಡಿದ್ದರು. ಆ ಬಗ್ಗೆ ಅವರು ನೀಡಿದ ವಿಡಿಯೋ ಸಂದರ್ಶನದ ತುಣುಕು ಈಗ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ. ‘ಅಮೋಘವರ್ಷ ನೃಪತುಂಗ’ ಚಿತ್ರದ ಕೆಲಸಗಳು ಯಾವ ಹಂತದಲ್ಲಿವೆ ಎಂಬ ಬಗ್ಗೆ ಅವರು ಮಾಹಿತಿ ಹಂಚಿಕೊಂಡಿದ್ದರು.

ಇದನ್ನೂ ಓದಿ

ಪಾರ್ವತಮ್ಮ ಐದನೇ ವರ್ಷದ ಪುಣ್ಯಸ್ಮರಣೆ; ರಾಜ್​ಕುಮಾರ್ ಅಕಾಡೆಮಿ ಸಾಧನೆಯನ್ನು ಅಮ್ಮನಿಗೆ ಅರ್ಪಿಸಿದ ರಾಘಣ್ಣ

ಪಾರ್ವತಮ್ಮ ರಾಜ್​ಕುಮಾರ್ ಸಹೋದರಿ ಎಸ್​.ಎ. ನಾಗಮ್ಮ ನಿಧನ

ರಾಜ್​ಕುಮಾರ್ ಹಾಗೂ ಪಾರ್ವತಮ್ಮ ಸಮಾಧಿಗೆ ನಮಿಸಿದ ಅಲ್ಲು ಅರ್ಜುನ್​; ಇಲ್ಲಿದೆ ವಿಡಿಯೋ

ಪಾರ್ವತಮ್ಮ ರಾಜ್​ಕುಮಾರ್​ ಹುಟ್ಟುಹಬ್ಬ: ವಿಶೇಷ ದಿನವೇ ಅಪ್ಪು ಕನಸಿನ ಪ್ರಾಜೆಕ್ಟ್​ ಶೀರ್ಷಿಕೆ ಟೀಸರ್​ ಬಿಡುಗಡೆ

‘ಈ ಸಿನಿಮಾಗೆ ತಯಾರಿ ಮಾಡಿಕೊಳ್ಳುತ್ತಿದ್ದೇವೆ. ಕಥೆ, ಚಿತ್ರಕಥೆ, ಡೈಲಾಗ್​ ಎಲ್ಲಾ ರೆಡಿ ಆಗಿದೆ. ರೆಕಾರ್ಡಿಂಗ್​ ದೊಡ್ಡದಾಗಿ ಮಾಡಬೇಕು. ಅದಕ್ಕೆ ಬೇಕಾದ ತಯಾರಿ ಮಾಡುತ್ತಿದ್ದೇವೆ. ಲೊಕೇಷನ್​ ನೋಡೋಕೆ ಹೋಗಬೇಕಿದೆ. ಲೊಕೇಷನ್​ ನೋಡಿಕೊಂಡು ಬಂದಮೇಲೆ ಪ್ರಾಯಶಃ ನವೆಂಬರ್​ನಲ್ಲಿ ಶೂಟಿಂಗ್​ ಶುರು ಮಾಡುತ್ತೇವೆ’ ಎಂದು ಪಾರ್ವತಮ್ಮ ರಾಜ್​ಕುಮಾರ್​ ಹೇಳಿದ್ದರು.

‘ಇದು ನನ್ನ 35 ವರ್ಷಗಳ ಆಸೆ. ಈ ಸಿನಿಮಾದ ಎರಡೂ ಪಾತ್ರವನ್ನು ಡಾ. ರಾಜ್​ಕುಮಾರ್​ ಅವರೇ ಮಾಡಬೇಕು. ತಾರಾಸು ಅವರು ಬರೆದ ಕಥೆಯನ್ನು ನಾನು ಓದಿದಾಗಿನಿಂದಲೂ ನನಗೆ ಆ ಆಸೆ ಇದೆ. ಅದನ್ನು ಸಿನಿಮಾ ಮಾಡಬೇಕು ಎಂದುಕೊಂಡಾಗ ನನಗೆ 15 ವರ್ಷ ವಯಸ್ಸು. ಅಷ್ಟರಲ್ಲಾಗಲೇ ನಾನು ಮದ್ರಾಸ್​ಗೆ ಬಂದುಬಿಟ್ಟಿದ್ದೆ’ ಎಂದು ಪಾರ್ವತಮ್ಮ ರಾಜ್​ಕುಮಾರ್​ ಹೇಳಿದ್ದರು. ಕಾರಣಾಂತರಗಳಿಂದ ಆ ಸಿನಿಮಾ ನಿರ್ಮಾಣವಾಗಲೇ ಇಲ್ಲ ಎಂಬುದು ಬೇಸರದ ಸಂಗತಿ.

shivanna interview before launch of appu and about Nrupatunga movie ? @Prasann30238157 @bhoota_ @Dayanandkichcha @gundigre @ThisisDeepakR @ShivannaFandom #VikrantRona #KFI #bairagi #777charlie #KGFChapter2 pic.twitter.com/66l0XKO9mJ

— Nrupatunga Pulikeshi Ballala (@buddhikajames) July 9, 2022

ಎಲ್ಲ ಬಗೆಯ ಪಾತ್ರಗಳನ್ನು ಮಾಡಿ ಸೈ ಎನಿಸಿಕೊಂಡವರು ಡಾ. ರಾಜ್​ಕುಮಾರ್​. ಅದರಲ್ಲೂ ಪೌರಾಣಿಕ ಮತ್ತು ಐತಿಹಾಸಿಕ ಪಾತ್ರಗಳಲ್ಲಿ ಅವರಿಗೆ ಬೇರೆ ಯಾರೂ ಸಾಟಿ ಇಲ್ಲ. ‘ಅಮೋಘವರ್ಷ ನೃಪತುಂಗ’ ಚಿತ್ರದಲ್ಲಿ ಅವರನ್ನು ನೋಡಬೇಕು ಎಂಬ ಕನಸು ನನಸಾಗಲಿಲ್ಲವಲ್ಲ ಎಂಬ ಬೇಸರ ಅಭಿಮಾನಿಗಳಲ್ಲಿ ಇದೆ.

Published On - 10:31 am, Mon, 18 July 22