ನವರಸನಾಯಕ ಜಗ್ಗೇಶ್ ಅವರ ಬಾಳ ಪಯಣವನ್ನು ಚಿತ್ರಗಳಲ್ಲಿ ನೋಡುವ ಕುತೂಹಲವಿದೆಯೇ?; ಇಲ್ಲಿದೆ ನೋಡಿ
Jaggesh: ಜಗ್ಗೇಶ್ ಸಿನಿ ಪಯಣದ ಚಿತ್ರಾವಳಿ ಇಲ್ಲಿದೆ. ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯವಾಗಿರುವ ಅವರು ಇತ್ತೀಚೆಗೆ ತಾವು ಚಿತ್ರರಂಗದಲ್ಲಿ ಬೆಳೆದು ಬಂದ ಕುರಿತು ತಮ್ಮ ನೆನಪುಗಳನ್ನು ಹಂಚಿಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ಜಗ್ಗೇಶ್ ಬಾಳ ಪಯಣ ಚಿತ್ರಗಳಲ್ಲಿ ತೆರೆದಿಡಲಾಗಿದೆ.
1964ರಲ್ಲಿ ಜಗ್ಗೇಶ್ ಹತ್ತು ತಿಂಗಳ ಮಗುವಾಗಿದ್ದಾಗ ಜಗ್ಗೇಶ್ ಅವರ ತಾಯಿ ತೆಗೆಸಿದ ಚಿತ್ರವಿದು.
1 / 16
ಜಗ್ಗೇಶ್ ತಮ್ಮ ಯೌವನದಲ್ಲಿ ತೆಗೆಸಿಕೊಂಡ ಒಂದು ಸ್ಟುಡಿಯೊ ಚಿತ್ರ.
2 / 16
ಜಗ್ಗೇಶ್ ಅವರು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದು ಇಬ್ಬನಿ ಕರಗಿತು ಚಿತ್ರದಿಂದ. ಜಗ್ಗೇಶ್ ಅವರ ಊರು ತುಮಕೂರು ಜಿಲ್ಲೆಯ ತುರುವೇಕೆರೆ ತಾಲೂಕಿನ ಮಾಯಸಂದ್ರ.
3 / 16
ಹಾಸ್ಯ ಪ್ರಧಾನ ಚಿತ್ರಗಳಿಗೆ ಹೆಸರಾದ ಜಗ್ಗೇಶ್ ನಾಯಕ ನಟನಾಗಿ ಮೊದಲು ಅಭಿನಯಿಸಿದ್ದು ‘ತರ್ಲೆ ನನ್ ಮಗ’ ಚಿತ್ರದಲ್ಲಿ. ಅದನ್ನು ನಿರ್ದೇಶಿಸಿದ್ದು ಉಪೇಂದ್ರ.
4 / 16
ಜಗ್ಗೇಶ್ ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಹಳೆಯ ನೆನಪುಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇತ್ತೀಚೆಗೆ ಅವರು ತಾವು ಚಿತ್ರರಂಗದಲ್ಲಿ ಪಟ್ಟ ಕಷ್ಟ, ನಿರ್ದೇಶಕ, ನಿರ್ಮಾಪಕರ ಸಹಾಯದಿಂದ ಬೆಳೆದು ನಿಂತ ಪರಿಯನ್ನು ಬರೆಯುತ್ತಾ, ಈ ಚಿತ್ರ ಹಂಚಿಕೊಂಡಿದ್ದದರು.
5 / 16
ನಿರ್ದೇಶನ ತಂಡದಲ್ಲಿ ಕೆಲಸ ಮಾಡುತ್ತಾ ಸಿನಿರಂಗದಲ್ಲಿ ಕಾಲೂರುತ್ತಿದ್ದಾಗ ಜಗ್ಗೇಶ್ ತೆಗೆಸಿಕೊಂಡ ಚಿತ್ರವಿದು.
6 / 16
1992ರಲ್ಲಿ ‘ಸೂಪರ್ ನನ್ ಮಗ’ ಚಿತ್ರೀಕರಣದಲ್ಲಿ ತೆಗೆದ ಚಿತ್ರವಿದು. ಇದಕ್ಕೆ ಜಗ್ಗೇಶ್ ಅವರ ತಂದೆ ತಾಯಿ ಬಂದು ಹರಸಿದ್ದರು. ತರ್ಲೆ ನನ್ ಮಗ ಚಿತ್ರದ ಯಶಸ್ಸು ಈ ಚಿತ್ರಕ್ಕೆ ಪ್ರೇರಣೆ ಅನ್ನಬಹುದು.
7 / 16
ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿರುವ ದಿವಂಗತ ಅಂಬರೀಶ್, ಕನಸುಗಾರ ಎಂದೇ ಎಲ್ಲರಿಂದ ಕರೆಯಲ್ಪಡುವ ಕ್ರೇಜಿ ಸ್ಟಾರ್ ರವಿಚಂದ್ರನ್ ಹಾಗೂ ಶಶಿಕುಮಾರ್ ಅವರೊಂದಿಗೆ ಜಗ್ಗೇಶ್.
8 / 16
ಡಾ.ರಾಜ್ಕುಮಾರ್ ಅವರನ್ನು ಅಪಾರವಾಗಿ ಗೌರವಿಸುವ ಜಗ್ಗೇಶ್- ರಾಜ್ಕುಮಾರ್ ಅವರಿಂದ ಆಶೀರ್ವಾದ ಪಡೆದು ಚಿತ್ರರಂಗದಲ್ಲಿ ನಟನಾಗಬೇಕು ಎಂಬ ಒಂದೇ ಗುರಿಯೊಂದಿಗೆ ಚಿತ್ರರಂಗಕ್ಕೆ ಬಂದಿದ್ದಾಗಿ ಹೇಳಿಕೊಂಡಿದ್ದಾರೆ.
9 / 16
1980ರಲ್ಲಿ ಚಿತ್ರರಂಗ ಪ್ರವೇಶಿಸಿದ ಜಗ್ಗೇಶ್ ನಂತರ ನಿರ್ದೇಶನ ತಂಡದಲ್ಲಿ ಕೆಲಸ ಮಾಡಿ ಒಂದೊಂದೇ ಮೆಟ್ಟಿಲನ್ನು ಏರುತ್ತಾ ಸಾಧನೆಯ ಶಿಖರ ತಲುಪಿದವು.
10 / 16
ಚಿತ್ರರಂಗದ ಹಿರಿಯರೊಂದಿಗೆ ಜಗ್ಗೇಶ್ ಅವರಿಗೆ ಎಂದಿಗೂ ಆಪ್ತ ಒಡನಾಟವಿತ್ತು. ಅದನ್ನೆಲ್ಲಾ ಆಗಾಗ ಜಗ್ಗೇಶ್ ಮೆಲುಕು ಹಾಕುತ್ತಿರುತ್ತಾರೆ. ಹಾಸ್ಯ ನಟನಾಗಿದ್ದರೂ ತಮ್ಮ ವಿಭಿನ್ನ ಬಗೆಯ ಪಾತ್ರ ಪೋಷಣೆಯಿಂದ ಅವರು ಸ್ಟಾರ್ ಪಟ್ಟವನ್ನು ಸಂಪಾದಿಸಿದವರು.
11 / 16
ಜಗ್ಗೇಶ್ ಅವರ ಮದುವೆಯದ್ದೂ ಒಂದು ಕುತೂಹಲಕರ ಕತೆ. ಪರಿಮಳಾ ಅವರ ತಂದೆ ರಾಜಕಾರಣಿಯಾಗಿದ್ದು, ಈರ್ವರ ಮದುವೆಗೆ ವಿರೋಧ ವ್ಯಕ್ತಪಡಿಸಿದ್ದರು. ಈ ಪ್ರಕರಣವು ನ್ಯಾಯಾಲಯದಲ್ಲಿ ಇತ್ಯರ್ಥಗೊಂಡಿತ್ತು. ತೀರ್ಪು ನೀಡಿದ ನ್ಯಾ.ಪಿಎನ್ ಭಗವತಿ ಅವರನ್ನು ಜಗ್ಗೇಶ್ ದಂಪತಿ ಸ್ಮರಿಸುತ್ತಿರುತ್ತಾರೆ.
12 / 16
ಪುತ್ರನಿಗೆ ಒಂದು ವರ್ಷ ತುಂಬಿದ ಸಂದರ್ಭದಲ್ಲಿ ತೆಗೆಸಿಕೊಂಡ ಈ ಚಿತ್ರವನ್ನು ಪರಿಮಳಾ ಅವರು ಮಗನ ಒಂದು ವರ್ಷದ ವಿವಾಹ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಹಂಚಿಕೊಂಡಿದ್ದರು.
13 / 16
ಜಗ್ಗೇಶ್ ಕುಟುಂಬ- ಪುತ್ರರಾದ ಗುರುರಾಜ್- ಯತಿರಾಜ್ ಹಾಗೂ ಸೊಸೆ ಕ್ಯಾಟಿ ಪೇಯ್ಲ್(ಗುರುರಾಜ್ ಪತ್ನಿ) ಮತ್ತು ಮೊಮ್ಮಗ
14 / 16
ಚಿತ್ರಜೀವನದಲ್ಲಿ ವಿಭಿನ್ನ ಪಾತ್ರಗಳನ್ನು ನಿರ್ವಹಿಸಿರುವ ಜಗ್ಗೇಶ್ ವೃತ್ತಿ ಜೀವನದ ಮತ್ತೊಂದು ವಿಭಿನ್ನ ಚಿತ್ರ ‘ನೀರ್ದೋಸೆ’. ನಿರ್ದೇಶಕ ವಿಜಯ್ ಪ್ರಸಾದ್ ನಿರ್ದೇಶನದ ಈ ಚಿತ್ರ ಒಳ್ಳೆಯ ಹೆಸರು ಗಳಿಸಿತ್ತು.
15 / 16
ನಟನಾಗಿ, ರಾಜಕಾರಣಿಯಾಗಿ ಗುರುತಿಸಿಕೊಂಡಿದ್ದ ಜಗ್ಗೇಶ್ ಪ್ರಸ್ತುತ ಕನ್ನಡದ ಚಾನೆಲ್ ಒಂದರಲ್ಲಿ ರಿಯಾಲಿಟಿ ಶೋ ಒಂದರ ತೀರ್ಪುಗಾರರಾಗಿ ಕಾರ್ಯನಿರ್ವಹಿಸಿತ್ತಿದ್ದಾರೆ. ತಮ್ಮ ಕಾಮಿಡಿ ಟೈಮಿಂಗ್ನಿಂದಾಗಿ ಕಿರುತೆರೆಯಲ್ಲೂ ಅವರಿಗೆ ಅಪಾರ ಅಭಿಮಾನಿ ಬಳಗ ಸೃಷ್ಟಿಯಾಗಿದೆ.
